2 SAMUEL 9:1 - Khasi CL Bible (BSI)

¹ Ha kawei ka sngi, u Dabid u kylli, “Don mano mano ba dang sah na ka longïing jong u Saul? Lada don, nga kwah ban pyn-i ka jingbhasbun ïa u na ka bynta u Jonathan.”

KA BAIBL

¹ Bad u Dabid u la ong, “Dang don ne em uno uno ïa uba la pynsah na ka ïing u Saul, ba ngan ïoh leh isynei ïa u na ka bynta u Jonathan?”

2 SAMUEL 9:1 ပူးပေါင်းရင်းမြစ်များ

2 SAMUEL 1:26

“Nga pangnud namar jong me, ko Jonathan u para jong nga; Katno me long uba nga la sngewieit! Katno phylla long ka jingieit jong me ïa nga, Kham palat ban ïa ka jingieit ki kynthei.

2 SAMUEL 21:7

Hynrei namar ka kular kaba kyntang kaba ma u bad u Jonathan ki la pynlong uwei ïa uwei pat, u Dabid u la pyllait ïa u Mephibosheth, u khun jong u Jonathan bad u ksiew jong u Saul.

2 SAMUEL 9:7

“Wat sheptieng,” u Dabid u jubab. “Ngan lehbha ïa phi na ka bynta u Jonathan, u kpa jong phi. Ngan ai pat ha phi ïa ka khyndew ka shyiap baroh kaba dei ka jong u Saul, u kparad jong phi, bad phin long uba la pdiang sngewbha borabor ha ka miej bam jong nga.”

1 SYIEM 2:7

“Hynrei pyn-i ka jinglehsbun ïa ki khun shynrang jong u Barsillai uba na Gilead bad ri sumar ïa ki, namar ki la lehsbun ïa nga mynba nga la phet krad na u Absalom, u hynmen jong me.

PROBERB 27:10

Wat nym klet ïa la ki paralok lane ïa ki paralok u kpa jong phi. Lada phi don ha ka jingjynjar, wat ong ïa u hynmen ne para jong phi ban ïarap; u paramarjan uba hajan u lah ban ïarap ïa phi kham bha ban ïa u hynmen ne para uba sha jngai.

MATHAÏOS 10:42

Phi lah ban sngewthikna ba uno uno uba ai dih wat shi khuri ka umkhriat ha uwei uba rit tam na kine ki nongbud jong nga namar ba u dei u nongbud jong nga, un ïohpdiang da shisha ïa ka bainong.”

MATHAÏOS 25:40

U Syiem un jubab, ‘Nga ong ha phi, ba man ba phi leh ïa kane na ka bynta uno uno uba rit tam na kine ki dkhot jong ka longïing jong nga, phi la leh ïa kane na ka bynta jong nga!’

MARKOS 9:41

Nga ong skhem ïa phi ba uno uno uba ai ïa phi ka um ban dih namar ba phi long ha ka liang jong nga, un ïoh da shisha ïa la ka bainong.

1 PETROS 3:8

Kum ban pynkut: Phi baroh to ïadon kajuh ka jingmut bad kajuh ka jingsngew, to ïa-ieit iwei ïa iwei pat kum shi para, bad to long kiba sbun mynsiem bad kiba sngewrit iwei ïa iwei pat.

1 SAMUEL 20:42

Nangta u Jonathan u ong ha u Dabid, “U Blei un don ryngkat bad phi. U Trai un pynthikna ba ma nga bad ma phi, bad kiba hiarpateng na phi bad kiba hiarpateng na nga, kin bat ïa ka kular bakyntang kaba ngi la pynlong iwei ïa iwei.” Nangta u Dabid u leit noh, bad u Jonathan u leit phai pat sha shnong.