2 SAMUEL 8:4 - Khasi CL Bible (BSI)

⁴ U Dabid u la ïohkem shihajar hynñiewspah ngut ki shipai shong kulai bad arphew hajar ngut ki shipai ïaid kjat. U la buh bun tylli ki kulai na ka bynta ki shispah tylli ki kali ïapom bad ïa kiba sah u la pyndkoh.

KA BAIBL

⁴ Bad u Dabid u la kem na u, shi hajar hynñiewspah ki nongshong kulai, bad arphew hajar ki shipai ba ïaleh na tbian: bad u Dabid u la ot ïa ki thied khohwah jong ki kulai ki kali ïapom baroh, hynrei, u la pynsah na ki, shispah tylli ïa ki kali ïapom.

2 SAMUEL 8:4 ပူးပေါင်းရင်းမြစ်များ

JENESIS 49:6

Da lei lei ngan ym ïadon bad ki ha ki jingïaphylliew jingmut barieh jong ki. Da lei lei ngan ym ïasyllok lang bad ki ha ki jingïakynduh jong ki, naba haba ki khie bitar ki pynïap ïa ki briew, bad ki pyndkoh ïa ki masi shynrang kum ka jinglehkai sngewbha.

1 SYIEM 10:26

U Solomon u lumlang ïa ki shihajar sawspah tylli ki kali ïapom bad khat-ar hajar tylli ki kulai thma. Katto katne na kita u buh ha Jerusalem, bad ïa kiba sah u buh ha kiwei pat ki nongbah.

1 KHRONIKL 18:4

U Dabid u ïohknieh shihajar tylli ki kali ïapom jong u, hynñiew hajar ngut ki nongshong kulai, bad arphew hajar ngut ki shipai ïaid kjat. U buh ki kulai kat ban biang na ka bynta shispah tylli ki kali ïapom bad u pyndkoh noh ïa kiwei pat.

SALM 20:7

Katto katne ki shaniah ha ki kali ïapom jong ki bad kiwei pat ha ki kulai jong ki, hynrei ngi, ngi shaniah ha ka bor jong U Trai U Blei jong ngi.

DEUTERONOMI 17:16

U syiem um dei ban pynbun ki kulai na ka bynta ïa lade, bad um dei ban phah briew sha Ijipt ban thied kulai nangta, namar U Trai u la ong ba ki briew jong u kim dei ban leit phai shata lano lano.

JOSHUA 11:6

U Trai u ong ha u Joshua, “Wat sheptieng ïa ki. Ha kane ka por lashai ka sngi ngan pynïap ïa ki baroh na ka bynta ki Israel. Phi dei ban pyndkoh ïa ki kulai jong ki bad thang ïa ki kali ïapom jong ki.”

JOSHUA 11:9

U Joshua u leh ïa ki kumba U Trai u la hukum: u pyndkoh ïa ki kulai jong ki bad u thang ïa ki kali ïapom jong ki.