2 SAMUEL 8:15 - Khasi CL Bible (BSI)

¹⁵ U Dabid u la synshar halor ka ri Israel baroh, bad u da pynthikna ba ki briew jong u kin ïohmad ïa ka jinglehhok bad ka jingbymshah shiliang.

KA BAIBL

¹⁵ Bad u Dabid u la synshar halor ki Israel baroh: bad u Dabid u la leh ïa ka jingbishar bad ïa ka hok ïa ki briew jong u baroh.

2 SAMUEL 8:15 ပူးပေါင်းရင်းမြစ်များ

2 SAMUEL 15:3

u Absalom u ju ong, “Khmih, ka aiñ ka ha ka liang jong me, hynrei ym don mano mano u ban mihkhmat ïa u syiem ban sngap ïa ka kam jong me.”

2 SAMUEL 20:23

U Joab u long u rangbah ai hukum jong ka kynhun shipai Israel; u Benaïah, u khun jong u Jehoïada u khmih ïa ka kynhun ïada ïa u Dabid;

2 SAMUEL 3:12

U Abner u phah ïa ki nonglamktien sha u Dabid uba don ha Hebron ha kata ka por, ban ong, “Uei u ban synshar ïa kane ka ri? Ïateh kular bad nga, bad ngan ïarap ïa phi ban pynwan ïa ki Israel baroh sha ka liang jong phi.”

2 SAMUEL 5:5

U la synshar ha Hebron halor ka Judah haduh hynñiew snem shiteng, bad ha Jerusalem halor ki Israel bad Judah baroh haduh laiphew lai snem.

2 SAMUEL 8:14

U la pynïeng ki dara sah shipai ha kylleng ka Edom, bad ki briew hangta ki kylla long ki raïot jong u. U Trai u la pynlong ïa u Dabid ban jop kylleng kylleng.

2 SAMUEL 8:16

U Joab, u khun ka Seruïah, u long u rangbah ai hukum jong ka kynhun shipai; u Jehoshaphat, u khun jong u Ahilud u long uba khmih sumar ïa ki dulir;

1 SYIEM 10:9

Ïaroh ïa U Trai U Blei jong phi! Uba la pynpaw katno u sngewbha eh ïa phi bad pynlong ïa phi u syiem ki Israel. Namar ba U Trai u ieit ïa ki Israel junom, u la pynlong ïa phi u syiem jong ki khnang ban synshar bha bad bishar hok.”

1 SYIEM 4:1

U Solomon u long u syiem jong ki Israel baroh,

1 KHRONIKL 18:14

U Dabid u synshar ha baroh ka Israel bad u pynthikna ba ïa ki briew jong u yn lehbha bad lehhok borabor.

SALM 119:121

Nga la leh ïa kaba dei bad kaba bha; A wat iehnoh ïa nga ha ki nongshun jong nga!

SALM 72:2

ba kumta un synshar halor ki briew jong me da ka jingbishar hok bad synshar ïa kiba la shah banbeiñ da ka hok.

SALM 75:2

“Nga la buh ka por na ka bynta ka jingbishar,” ong U Blei, “bad ngan bishar da ka jingbeit.

SALM 89:14

Ïa ka hima jong me la seng nongrim ha ka hok bad ka jingbishar hok; ka jingieit bad ka jingïaineh ki paw ha ki kam jong me baroh.

ISAÏAH 9:7

Ka bor ba kynja syiem jong u kan nang san; ka hima jong u kan ïailong borabor ha ka jingsuk. Un synshar kum u nongmih bujli ïa u Syiem Dabid, da kaba pynshong nongrim ïa ka bor jong u ha ka hok bad ka jingbishar hok, naduh mynta haduh kaba kut ka por. U Trai Badonbor Baroh u la kut jingmut ban leh ïa kane baroh.

AMOS 5:15

Isih ïa kaei kaba sniew, ieit ïa kaei kaba bha, bad peit ba ka jingbishar hok ka ïeng ha ki ïingbishar. Lehse U Trai, un isynei ïa ki briew jong kane ka hima kiba dang pynsah ban im.

AMOS 5:24

Pynban, ai ba ka jingbishar hok kan tuid kum ka wahduid, bad ka jinglehhok kum ka wah ka bym ju rngad.

HEBRU 11:33

Da ka jingngeit ki la ïaleh pyrshah ïa baroh ki hima bad ki la jop. Ki la leh ïa kaei kaba dei hok bad ki la ïohpdiang ïa kaei kaba U Blei u la kular.

1 SAMUEL 14:47

Hadien ba u Saul u la long u syiem ki Israel, u la ïaleh ïa baroh ki nongshun jong u kylleng: ki paid Moab, Ammon, Edom, ki syiem ka Sobah, bad ki Philistia. Man kaba u ïaleh u jop.