2 SAMUEL 7:9 - Khasi CL Bible (BSI)

⁹ Nga la don ryngkat bad me kat shaba me leit, bad nga la jop ïa ki nongshun jong me baroh katba me nang ïaid shaphrang. Ngan pynlong ïa me uba pawnam kat ki nongïalam kiba khraw tam ha ka pyrthei.

KA BAIBL

⁹ Bad nga la don ryngkat bad me kat shaba me la leit, bad nga la ot noh ïa ki nongshun jong me baroh na khmat jong me; bad ngan pynlong ïa me ka nam ka bakhraw, kum ka nam jong ki bakhraw tam kiba ha ka pyrthei.

2 SAMUEL 7:9 ပူးပေါင်းရင်းမြစ်များ

JENESIS 12:2

Ngan ai ïa me bun ki khun ki ksiew, bad kin sa long ka jaitbynriew kaba khraw. Ngan kyrkhu ïa me bad ngan pyndonnam ïa ka kyrteng jong me, ba kumta men sa long ka jingkyrkhu.

2 SAMUEL 22:1

Haba U Trai u la pyllait im ïa u Dabid na u Saul bad na kiwei pat ki nongshun, u Dabid u la rwai ïa kane ka jingrwai ha U Trai.

2 SAMUEL 22:30

Me ai ha nga ka jingkhlaiñ ban tur ïaleh ïa ki nongshun jong nga bad ka bor ba ngan jop ïa ki jingïada jong ki.

2 SAMUEL 22:43

Nga pynlwet ïa ki, bad ki kylla long kum u pui pui, nga ïuh halor jong ki kum ïa ka ktieh ha ki lynti.

2 SAMUEL 23:1

U Dabid, u khun jong u Jesse, u la long u briew uba U Blei u la pynlong khraw, uba U Blei u Jakob u la jied ban long syiem bad u la long u nongthaw ïa ki jingrwai ba-bang na ka bynta ki Israel. Kine ki long ki kyntien khatduh jong u Dabid:

2 SAMUEL 5:10

U la nang khlaiñ ha ki por baroh, namar U Trai U Blei Badonbor Tam u la don ryngkat bad u.

2 SAMUEL 8:13

U Dabid u la nang kham pawnam shuh shuh haba u la wan phai na kaba pynïap khatphra hajar ngut ki nong Edom ha ka Them Mluh.

2 SAMUEL 8:14

U la pynïeng ki dara sah shipai ha kylleng ka Edom, bad ki briew hangta ki kylla long ki raïot jong u. U Trai u la pynlong ïa u Dabid ban jop kylleng kylleng.

2 SAMUEL 8:6

Nangta u la pynïeng ki dara sah shipai ha ki ri jong ki, bad ki la kylla long ki raïot jong u bad ki siew khajna sha u. U Trai u la pynlong ïa u Dabid ban jop kylleng kylleng.

1 KHRONIKL 17:8

Nga la long ryngkat bad me shano shano ba me leit, bad nga la jop ïa baroh ki nongshun jong me katba me ïaid shaphrang. Ngan pynlong ïa me uba pawnam kum ki nongïalam bakhraw tam ka pyrthei.

SALM 21:6

Ki jingkyrkhu jong me ki don bad u junom bad ka jingdon ryngkat jong me ka pyndap ïa u da ka jingkmen.

SALM 89:23

Ngan pynlwet ïa ki nongshun jong u bad ngan pynïap ïa baroh kiba shun ïa u.

LOUKAS 1:52

U la pynhiar ïa ki syiem bakhrawbor na ki khet jong ki, bad u la kyntiew shajrong ïa kiba rangli.

JOSHUA 6:27

Kumta U Trai u la don ryngkat lem bad u Joshua, bad ka nam jong u ka saphriang kylleng kata ka ri.

1 SAMUEL 18:14

U Dabid u ïalam ïa la ki briew sha ka thma bad u jop ha kat kaba u leh, namar U Trai u don ryngkat bad u.

1 SAMUEL 18:30

Ki shipai Philistia ki ju wan ban ïaleh thma, hynrei ha man ki jingïaleh, u Dabid u kham jop ïa ki ban ïa uno uno u rangbah shipai jong u Saul. Kumta u Dabid u la pawnam shibun.

1 SAMUEL 2:8

U kyntiew ïa kiba duk na ka dewmet, bad u rah ïa kiba kyrduh na ka jingjynjar jong ki. U pynlong ïa ki, ki paralok jong ki khun syiem, bad buh ïa ki, ha ki jaka badonburom. Ki nongrim jong ka khyndew ki dei ki jong U Trai; bad ha ki u la pynshong ïa ka pyrthei.

1 SAMUEL 31:6

Bad da kumta u Saul, ki khun shynrang jong u lai ngut, bad uta u samla, ki la ïap; baroh ki briew jong u Saul ki ïap ryngkat ha kajuh ka sngi.

1 SAMUEL 5:10

Kumta ki phah noh ïa ka Synduk ka Jutang sha Ekron kawei pat ka nongbah jong ki Philistia, hynrei haba ka poi hangta, ki briew ki la lynñiar jam, “Ki la wallam shane ïa ka Synduk ka Jutang U Blei ki Israel, khnang ban pynïap ïa ngi baroh!”