2 SAMUEL 7:8 - Khasi CL Bible (BSI)

⁸ “Kumta ïathuh ha u shakri jong nga u Dabid ba nga U Trai Badonbor Baroh nga ong ha u, ‘Nga la shim ïa me na kaba sharai ïa ki langbrot ha ki pyntha phlang, bad nga la thung ïa me u nongsynshar ïa ki briew jong nga ki Israel.

KA BAIBL

⁸ Mynta te men ong kumne ïa u Dabid u shakri jong nga, “Kumne u ong U Trai ki paid: Nga la shim ïa me na kata ka jingker, bad na kaba bud ïa ki langbrot, ïa ka ban long u nongïalam halor ki briew jong nga, halor ki Israel keiñ.

2 SAMUEL 7:8 ပူးပေါင်းရင်းမြစ်များ

2 SAMUEL 12:7

“Phi long uta u briew,” u Nathan u ong ha u Dabid. “Bad kane ka dei kaei kaba U Trai U Blei ki Israel u ong: ‘Nga la pynlong ïa me u syiem Israel bad pyllait im ïa me na u Saul.

2 SAMUEL 14:13

Ka ong ha u, “Balei ba phi la leh kum kane ka jingbakla ha ki briew jong U Blei? Phim shym la shah ïa la u jong u khun ban wan phai noh na ka jingphet wir, bad kumta phi la pynrem ïa lade da kaei kaba phi dang shu dep ong.

2 SAMUEL 23:1

U Dabid, u khun jong u Jesse, u la long u briew uba U Blei u la pynlong khraw, uba U Blei u Jakob u la jied ban long syiem bad u la long u nongthaw ïa ki jingrwai ba-bang na ka bynta ki Israel. Kine ki long ki kyntien khatduh jong u Dabid:

2 SAMUEL 24:17

U Dabid u la ïohi ïa u angel uba u pynïap ïa ki briew, bad u ong ha U Trai, “Dei ma nga uba la leh pop. Nga dei uta uba la leh bakla. Kine ki briew bapli ki la leh aïu? Me dei ban pynshitom ïa nga bad ïa ka longïing jong nga.”

2 SAMUEL 5:2

Ha ka por ba la leit, wat haba u Saul u dang long u syiem jong ngi, phi la ïalam ïa ki rangbah Israel ha ka thma bad U Trai u la kular ïa phi ba phin ïalam ïa ki briew jong u bad ban long u nongsynshar jong ki.”

2 SAMUEL 6:21

U Dabid u jubab, “Nga la shad ban pyndonburom ïa U Trai, uba la jied ïa nga ha ka jaka u kpa jong pha bad ka longïing jong u, ban pynlong ïa nga u nongïalam jong ki briew jong u ki Israel. Bad ngan ïai shad ban pyndonburom ïa U Trai,

1 SYIEM 3:6

U Solomon u jubab, “Me la ju ïai pynpaw ka jingieit bakhraw ïa u Dabid, u kpa jong nga, u shakri jong me, bad u la long uba bha, uba ïaineh, bad uba hok ha ka jingïadei jong u bad me. Bad me la ïai bteng ban pyn-i ha u ïa ka jingieit bakhraw bad baneh skhem da kaba ai ha u ïa u khun uba mynta u synshar ha ka jaka jong u.

1 SYIEM 8:16

‘Naduh ka por ba nga la wan ïalam ïa ki briew jong nga na Ijipt, ngam shym la jied kano kano ka nongbah na baroh ka ri Israel ban tei hangta ïa ka Templ ha kaba yn mane ïa nga. Hynrei nga la jied ïa me, u Dabid, ban synshar ïa ki briew jong nga.’ ”

1 KHRONIKL 17:7

“Kumta ong ha u shakri jong nga u Dabid ba nga, U Trai Badonbor Baroh, nga ong ha u, ‘nga la shim ïa me na kaba sumar ïa ki langbrot ha ki jaka phlang bad pynlong ïa me u nongsynshar jong ki briew jong nga ki Israel.

1 KHRONIKL 21:17

U Dabid u la duwai, “A Blei, nga long ma nga uta uba la leh bakla. Nga dei uta uba la hukum ban kheiñ briew. Kine ki paidbah bapli ki la leh aïu? A Trai, U Blei jong nga, pynshitom ïa nga bad ïa ka longïing jong nga, bad pyllait ïa la ki briew.”

AMOS 7:15

Hynrei U Trai u la shim ïa nga na ka kam kum u nongaplangbrot bad u la hukum ïa nga ban wan bad ïathuhlypa ha ki briew jong u ki Israel.

KI KAM 7:46

U la ïoh ïa ka jingsngewbha jong U Blei, bad u la kyrpad ïa U Blei ban shah ïa u ban pynkhreh ka ïing na ka bynta U Blei jong u Jakob.

1 SAMUEL 10:1

Nangta u Samuel u shim shi klong ka umphniang Olib bad u theh ïa ka ha ka khlieh u Saul, u doh ïa u, bad u ong, “U Trai u la pynsleh ïa me kum u nongsynshar ki briew jong u, ki Israel. Men synshar ïa ki briew jong u bad men ïada ïa ki na ki nongshun jong ki. Bad kane kan long ka jingpynshisha ïa me ba U Trai u la pynsleh ïa me ban long u nongsynshar ïa ki briew jong u:

1 SAMUEL 2:8

U kyntiew ïa kiba duk na ka dewmet, bad u rah ïa kiba kyrduh na ka jingjynjar jong ki. U pynlong ïa ki, ki paralok jong ki khun syiem, bad buh ïa ki, ha ki jaka badonburom. Ki nongrim jong ka khyndew ki dei ki jong U Trai; bad ha ki u la pynshong ïa ka pyrthei.

1 SAMUEL 9:16

“La shai kumba katne por ngan phah ha me ïa u briew uba na ka jait Benjamin; pynsleh ïa u kum u nongsynshar ïa ki briew jong nga ki Israel, bad un sa pyllait ïa ki na ki Philistia. Nga la ïohi ïa ka jingshah shitom ki briew jong nga, bad nga la ïohsngew ïa ki jinglynñiar jong ki ban ïoh jingïarap.”