2 SAMUEL 7:23 - Khasi CL Bible (BSI)

²³ Ym don kawei pat ka jaitbynriew ha ka pyrthei kaba kum ki Israel, ïa kiba me la pyllait im na ka jinglongmraw ban pynlong ïa ki, ki briew jong me hi. Kiei kiei kiba khraw bad kiba phylla me la leh na ka bynta jong ki, ki la pynphriang ïa ka nam jong me kylleng satlak ka pyrthei. Me la beh noh ïa kiwei pat ki jaitbynriew bad ïa ki blei jong ki katba ki briew jong me ki nang ïaid shaphrang, ki briew ïa kiba me la pyllaitluid na Ijipt ban long ki jong me hi.

KA BAIBL

²³ Bad kano ka jaid bynriew kawei ha ka khyndew kaba kum u paidlang jong me, kum ki Israel keiñ, ïa kaba U Blei u la leit ban pynim, ba kin long u paidlang ïa u hi, bad ban pynlong ïa lade ka nam, bad ban leh na ka bynta jong phi ïa kiei kiei ki bakhraw, bad ïa kiei kiei kiba itriem na ka bynta ka ri jong me, ha khmat u paidlang jong me, kiba me la pynim na ka ri Ijipt na ka bynta ïa lade, na kita ki jaid bynriew bad na ki blei jong ki?

2 SAMUEL 7:23 ပူးပေါင်းရင်းမြစ်များ

2 SAMUEL 7:24

Me la pynlong ïa ki Israel, ki briew jong me hi junom, bad me, A Trai, me la long U Blei jong ki.

1 KHRONIKL 17:21

Ym don kawei pat ka jaitbynriew ha ka pyrthei kum ki Israel, ïa kaba me la pyllait im na ka jinglongmraw ban pynlong ïa ki ka jaitbynriew jong me. Kiei kiei ki bakhraw bad baphylla kiba me la leh na ka bynta jong ki, ki pynphriang ïa ka nam jong me kylleng sawdong ka pyrthei. Me la pyllait im ïa ki briew jong me na Ijipt bad pynher krad ïa kiwei ki jaitbynriew katba ki briew jong me ki nang tur shaphrang.

NEHEMAÏAH 1:10

“Ko Trai, kine ki dei ki shakri jong me, ki briew jong me hi. Me la pyllait ïa ki da ka bor bakhraw bad ka jingkhlaiñ jong me.

SALM 106:22

Haduh katno ki kam baphylla u la leh hangta! Haduh katno ki kam baphylla u la leh ha ka Duriaw Basaw!

SALM 111:9

U pyllaitluid ïa la ki briew, bad u pynlong ka jutang bymjukut bad ki. Uba khuid bad uba khrawbor u long ma u!

SALM 145:6

Ki briew ki kren shaphang ki jingtrei borbah jong me, bad ngan pynbna ïa ka jingkhraw jong me.

SALM 147:20

Um shym la leh ïa kane ha kiwei pat ki jaitbynriew; kim tip ïa ki aiñ jong u. To ïaroh ïa U Trai!

SALM 40:5

Me la leh shibun kiei kiei na ka bynta jong ngi, A Trai U Blei jong ngi, ym don shuh uba kum ma me! Me la pynlong shibun ki jingthmu baphylla na ka bynta jong ngi. Ngam lah shuh ban ïathuh ïa ki baroh — Ka jingbun jong ki ka long kaba khraw eh!

SALM 44:3

Ki briew jong me kim shym la jop ïa ka ri da ki waitlam jong ki; kim shym la jop ïa ka da ka bor jong ki hi; ka la long da ka bor jong me bad ka jingkhlaiñ jong me, da ka jingthikna jong ka jingdon ryngkat jong me, kaba pyn-i ba me ieit ïa ki.

SALM 65:5

Me jubab ïa ngi da kaba ai ha ngi ka jingjop bad me leh kiei kiei kiba phylla ban pyllait im ïa ngi. Ki briew ha kylleng ka pyrthei bad sha shiliang ki duriaw kiba jngai ki shaniah ha me.

SALM 66:3

To ong ha U Blei, “A katno kiba phylla long kiei kiei kiba me leh! Ka bor jong me ka long kaba khraw katta katta ba ki nongshun jong me ki dem ngon ha ka jingsheptieng ha khmat jong me.

EKSODOS 12:12

“Ha kata ka miet ngan ïaid lyngba ïa ka ri Ijipt, da kaba pynïap ïa u khun nyngkong baroh, la u dei u briew ne u mrad, bad ngan pynshitom ïa ki blei ka ri Ijipt baroh. Nga long U Trai.

EKSODOS 33:16

Naba da kumno ki briew kin tip ba me sngewbha ïa une u paidlang bad ïa nga lada me men ym leit ryngkat bad ngi? Ka jingdon ryngkat jong me bad ngi kan pyn-i ba ngi long kiba pher na kiwei pat ki jaitbynriew ha ka pyrthei.”

EKSODOS 6:7

Ngan pynlong ïa phi ki briew jong nga, bad nga ngan long U Blei jong phi. Phin sa tip ba nga long U Trai U Blei jong phi haba nga pyllaitluid ïa phi na ka jinglongmraw ha ka ri Ijipt.

EKSODOS 9:15

Lada nga la rah ïa la ka kti bad shoh ïa me bad ki briew jong me da ka jingpang, phin jin da la ïap lut khoit.

EKSODOS 9:16

Hynrei ban pyn-i ha me ïa ka bor jong nga, nga la shah ba men dang im, khnang ba yn ïoh pynbna ïa ka kyrteng jong nga ha ka pyrthei baroh kawei.

JEREMAÏAH 32:20

Naduh mynbarim, me la leh ïa ki kambah bad ki jingphylla ha Ijipt, bad me ïai leh ïa ki haduh kane ka sngi, ha Israel bad hapdeng kiwei ki hima baroh, ba kumta ïa me mynta la tip kylleng sawdong.

JEREMAÏAH 32:21

Da ki kambah bad ki jingphylla kiba la pynsngewshyrkhei ïa ki nongshun jong ngi, me la pyndonkam ïa ka bor bad ka borbah jong me ban wallam ïa ki briew jong me, ki Israel, na ka ri Ijipt.

ESEKIEL 20:9

Hynrei ngam shym la leh kumta, naba kata kan wallam ka jingjahburom ïa ka kyrteng jong nga, namar ha ka jingdon ryngkat jong ki briew ha kiba hapdeng jong ki, ki shong ki sah nga la lah pynbna ha ki Israel ba nga ngan ïalam noh ïa ki na Ijipt.

JINGKHEIÑ 6:27

Bad U Trai u ong, “Lada ki pynbna ïa ka kyrteng jong nga kum ka jingkyrkhu halor ki Israel, ngan kyrkhu ïa ki.”

EPHESOS 1:6

To ngin ïaroh ïa U Blei namar ka jingaiei ba-dap da ka burom jong u, ïa ka jingai ei u la ai ha ngi ha U Khun uba ieit jong u!

DEUTERONOMI 10:21

U long uba phi dei ban ïaroh — u long U Blei jong phi; bad phi la ïohi da la ki khmat ïa ki kam kiba khraw bad kiba phylla kiba u la leh na ka bynta jong phi.

DEUTERONOMI 15:15

Kynmaw ba phi ruh phi la long ki mraw ha Ijipt bad U Trai U Blei jong phi u la pyllait ïa phi; dei namar kata ba nga ai ha phi mynta ka sngi ïa kane ka hukum.

DEUTERONOMI 33:29

Suk shisha ma pha, ko Israel! ym don kaba kum ma pha, ka jaitbynriew ba la pyllait im da U Trai. U Trai hi u long ka stieh bad ka waitlam jong pha, ban ïada ïa pha bad ai ha pha ka jingjop. Ki nongshun jong pha kin wan dem wan nguh ïa pha, bad phan sa ïuhroit ïa ki.

DEUTERONOMI 9:26

Bad nga la duwai, ‘A Trai Nongsynshar, wat pynjot ïa la ki briew, ki briew kiba me la pyllait bad ïalam na Ijipt da ka jingkhlaiñ bad ka borbah jong me.

TITOS 2:14

U la aiti ïa lade na ka bynta jong ngi, ban pyllait ïa ngi na ka jingbymman baroh bad ban pynlong ïa ngi ki briew kiba khuid kiba dei ki jong U hi bad kiba kwah hir hir ban leh ïa kaba bha.

JOSHUA 7:9

Ki Kanaan bad baroh kiba hapoh ka ri kin sa ïohsngew ïa kane. Kin sa kerkut ïa ngi, bad kin sa pynïap ïa uwei pa uwei ïa ngi! Bad nangta aïu men leh ban ïada ïa la ka burom?”

1 PETROS 2:9

Hynrei ma phi, phi long ka kynja ba la jied, ki lyngdoh jong U Syiem, ka jaitbynriew bakhuid, ki briew kiba dei jong U Blei hi, ba la jied ban pynbna ïa ki kam baphylla jong U Blei, uba la khot noh ïa phi na ka jingdum sha ka jingshai baphylla jong u hi.

JINGPYNPAW 5:9

Ki la rwai ka jingrwai bathymmai: “Me long uba dei hok ban shim ïa ka kot kli bad ban pynpait ïa ki jingpyndait jong ka. Naba la pynïap ïa me, bad da ka jingïap ba aiti lut jong me me la siew kuna na ka bynta ki briew jong U Blei na kawei pa kawei ka jait, ka jait ktien, ka hima bad ka jaitbynriew.