2 SAMUEL 7:22 - Khasi CL Bible (BSI)

²² Katno me long uba khraw; A Trai Nongsynshar! Ym don uwei pat uba kum ma me, ngi la ju tip ba dei tang ma me hi uba long U Blei.

KA BAIBL

²² Namar kata, me long u bakhraw, A Trai U Blei; naba ym don uba kat ma me, lymne ym don U Blei nalor jong me, katba kum kata baroh ïa kaba ngi la ïohsngew da la ki shkor.

2 SAMUEL 7:22 ပူးပေါင်းရင်းမြစ်များ

2 SAMUEL 22:32

U Trai tang ma u hi u long U Blei; U Blei tang ma u hi uba long ka jingïada jong ngi.

1 SYIEM 8:23

bad u duwai, “A Trai U Blei ki Israel, ym don U Blei uba kum ma me ha bneng shajrong ne ha khyndew shapoh! Me bat ïa ka jutang bad me pynpaw ïa la ka jingieit ha la ki jong ki briew kiba kohnguh ïa me naduh ka mynsiem.

1 KHRONIKL 16:25

U Trai u long uba khraw bad uba eh dei ban ïaroh; ïa u dei ban ai ka burom palat ban ïa kiwei ki blei baroh.

2 KHRONIKL 2:5

Nga thmu ban tei ka Templ kaba khraw, namar U Blei jong ngi u kham khraw ban ïa uno uno uwei pat u blei.

SALM 135:5

Nga tip ba U Trai u long uba khraw, kham khraw ban ïa ki blei baroh.

SALM 145:3

U Trai u long uba khraw ïa uba dei ban ïaroh eh; ka jingkhraw jong u ka long palat ïa ka jingshemphang.

SALM 44:1

Da la ki jong ki shkor ngi la ïohsngew ïa ka, A Blei — ki kpa tymmen jong ngi ki la ïathuh ïa ngi shaphang jong ka, shaphang kiei kiei kiba khraw kiba me la leh ha ka por jong ki, ha ki sngi ba-mynshuwa eh:

SALM 48:1

U Trai u long uba khraw ïa uba dei ban ïaroh eh ha ka nongbah jong U Blei jong ngi, halor u lum bakyntang jong u.

SALM 86:10

Me long uba donbor bad me leh ïa kiei kiei kiba phylla, tang ma me hi me long U Blei.

SALM 86:8

Ym don u blei kum ma me, A Trai, ym don uba leh kum kaei kaba me la leh.

SALM 89:6

Ym don ha bneng u ba kum ma me, A Trai; ym don ki jingthaw ha bneng uba long mar ryngkat bad me.

SALM 89:8

A Trai U Blei Badonbor Baroh, ym don uba khlaiñbor kum ma me, ha kiei kiei baroh me long uba ïaineh, A Trai.

SALM 96:4

U Trai u long uba khraw bad uba dei eh ban ïaroh; u long uba dei ban shah pyndonburom kham palat ïa ki blei baroh.

EKSODOS 10:2

bad ba phi lah ban ïathuh ha ki khun ki ksiew jong phi kumno nga la pynpaw bieit ïa ki nong Ijipt haba nga leh ïa kine ki kambah. Phi baroh phin tip ba nga long U Trai.”

EKSODOS 15:11

“Ko Trai, uei uba kat ma me hapdeng ki blei? Uei keiñ uba kum ma me, uba phylla ha ka jinglongkhuid? Uei uba lah ban leh ki kambah bad ki kamphylla kum ma me?

EKSODOS 8:10

U Pharaoh u jubab, “Duwai na ka bynta jong nga la shai.” U Moses u ong, “Ngan leh kumba phi ong, ba phin ïoh tip ba ym don mano mano ruh uba kum U Trai U Blei jong ngi.

EKSODOS 8:6

Kumta u Aaron u rah ïa la u diengduh halor kita ki um; te ki jakoid ki ïamih bad ki tap lin ïa kata ka ri.

EKSODOS 9:14

Naba ha kane ka kynti ngan pynshitom ym tang ïa ki rangbah synshar bad ïa ki briew jong me, hynrei ïa me hi ruh, khnang ba men ïoh tip ba ym don uba kum ma nga ha ka pyrthei baroh.

ISAÏAH 40:18

Badno lah ban nujor ïa U Blei? Kumno phi lah ban batai kaei ba u long?

ISAÏAH 40:25

Badno lah ban ïanujor ïa U Blei bakhuid? Don uno uno ba kum ma u?

ISAÏAH 45:18

U Trai u la thaw ïa ki bneng — U long tang ma u hi U Blei! U pynlong bad thaw ïa ka pyrthei — U thaw ïa ka kaba skhem bad kaba neh. Um shym la thaw ïa ka ban iehnoh suda, hynrei ka jaka ba ki briew kin shong kin sah. U long ma u, uba ong, “Nga long U Trai, ym don uwei pat U Blei.

ISAÏAH 45:22

“To phai sha nga mynta bad ban im, ko ki briew baroh kylleng ka pyrthei! Nga long tang ma nga U Blei.

ISAÏAH 45:5

“Nga long U Trai; ym don uwei pat U Blei, ngan ai ïa me ka jingkhlaiñ ba me donkam, wat la mem shym la ithuh ïa nga.

ESEKIEL 36:22

“Mynta te, to ai ha ki Israel ïa ka khubor kaba ma nga, U Trai Nongsynshar, nga don na ka bynta jong ki: Kaei kaba ngan leh kam long na ka bynta jong phi ki Israel, hynrei na ka bynta ka kyrteng bakhuid jong nga, ïa kaba phi la pynjahburom ha kawei pa kawei ka ri kat sha kaba phi leit.

ESEKIEL 36:32

Ko Israel, nga kwah ba phin tip ba ngam shym leh ïa kane baroh namar jong phi. Nga kwah ba phin da sngewlehrain bad sngewjahburom ïa kaei kaba phi la leh. Ma nga, U Trai Nongsynshar, nga la kren.”

DANIEL 2:45

Phi la ïohi kumno u maw u la lait na ka synrang khlem don mano mano ba ktah ïa u bad kumno u la shoh ïa ka durbriew kaba la shna da ka nar, ka rnong, ka dewbyrtha, ka rupa bad ka ksiar. U Blei uba khraw u ïathuh ïa u Syiem Kynrad kaei ka ban sa jia ha ka lawei. Nga la ïathuh thik ïa kaei kaba phi la phohsniew bad nga la ai ha phi ïa ka jingmut bashisha.”

MIKAH 7:18

Ym don uwei pat u blei kum ma me, A Trai; me map ïa ki pop jong ki briew jong me kiba la lait im. Mem neh junom ha ka jingbitar, hynrei me sngewbha haba me pynpaw ïa ka jingieit baïaineh jong me.

DEUTERONOMI 3:24

‘Ko Trai Nongsynshar, me la pyn-i ha la u shakri dang tang ïa kaba sdang jong ki kam kiba khraw bad kiba phylla jong me. Ym don blei ha bneng ne ha khyndew uba lah ban leh ïa ki kam kiba khraw kiba me, me la leh!

DEUTERONOMI 32:39

“ ‘Nga, bad tang ma nga hi, nga long U Blei; ym don uwei pat u blei uba shisha. Nga pynïap bad nga ai jingim, nga pynmong bad nga pynkoit, bad ym don uba lah ban ïaleh pyrshah ïa kaei ba nga leh.

DEUTERONOMI 4:35

U Trai u la pynpaw ha phi ïa kane, ban pynshisha ha phi ba tang ma u hi u long U Blei, bad ba ym don uwei pat lait na u.

DEUTERONOMI 4:39

Namar kata, kynmaw ïa kane ka sngi, bad wat klet ïa ka lano lano: U Trai u long U Blei ha bneng bad ha pyrthei. Ym don blei da uwei pat.

1 SAMUEL 2:2

“Ym don uba khuid kum U Trai; ym don uba kum ma u, ym don nongïada uba kum U Blei jong ngi.