2 SAMUEL 7:18 - Khasi CL Bible (BSI)

¹⁸ Nangta u Syiem Dabid u leit shapoh ka Ïingjaiñ ka Jingdon Ryngkat U Trai, u shong bad u duwai, “A Trai Nongsynshar, ngam long uba bit ïa kaei kaba me la leh na ka bynta jong nga lymne wat ka longïing jong nga.

KA BAIBL

¹⁸ Ynda kumta, u syiem Dabid u la leit bsut, bad u la shong ha khmat U Trai; bad u la ong, “Nga, nga long uei, A Trai U Blei, bad ka ïing jong nga ka long aïu, ba me la wallam ïa nga haduh hangne?

2 SAMUEL 7:18 ပူးပေါင်းရင်းမြစ်များ

JENESIS 32:10

Ngam long uba bit dor ban ïohpdiang ïa baroh ka jinglehisynei bad ka jingieit baïaineh ba me la pynpaw ha nga, u shakri jong me. Nga la jam ïa ka wah Jordan tang bad u diengduh jong nga, bad mynta pat nga la wan phai bad kine ar ki kynhun.

JENESIS 32:11

Nga kyrpad ïa me ba men pyllait ïa nga na ka kti u Iso u hynmen jong nga. Nga sheptieng — sheptieng ba u wan ban ïaleh bad pynïap lut ïa ngi baroh, wat ïa ki kynthei bad ki khynnah ruh.

2 SAMUEL 23:5

Bad kata ka long kumno ba U Blei un kyrkhu ïa ki khun ki ksiew jong nga namar u la pynlong bad nga ka jutang ka ban neh junom, ka jingïateh kular ka ban ym lah pynkheiñ ka jingkular ka ban ym kylla. Kata baroh ka dei kaba nga angnud; kata kan long ka jingjop jong nga, bad U Blei da kaba thikna un pynurlong ïa ka.

2 SAMUEL 7:17

U Nathan u ïathuh ha u Dabid ïa baroh kaba U Blei u la pynpaw ha u.

1 KHRONIKL 17:16

Hadien kata, u Dabid u rung shapoh ka Ïingjaiñ Ka Jingdon Ryngkat U Trai, u shong bad u duwai, “Ngam long uba dei hok ïa kaei kaba me la lah leh na ka bynta jong nga, ko Trai U Blei, lane ka longïing jong nga.

1 KHRONIKL 29:14

“Pynban ki briew jong nga bad ma nga ngim lah shisha ban ai ei ei ïa me, namar kaei kaei baroh ka dei ka jingai sngewbha jong me, bad ngi la ai biang sha me ïa kaei kaba dei ka jong me hi.

SALM 8:4

u briew u long uei, ba me pyrkhat ïa u; u long tang u briew, ba me da sumar ïa u?

EKSODOS 3:11

Hynrei u Moses u ong ha U Blei, “Ngam long ei ei. Kumno nga lah ban leit sha u Pharaoh bad ban ïalam noh ïa ki Israel na Ijipt?”

ISAÏAH 37:14

U syiem Hesekaïah u shim ïa ka shithi na ki nongrah-khubor bad pule ïa ka.

EPHESOS 3:8

Nga long uba rit na kiba rit tam na ki briew jong U Blei baroh; pynban, U Blei u la ai ha nga ïa kane ka kabu ban ïalap sha ki Jentil ïa ka Khubor Babha shaphang ka jingkynrei spah bymkut shuh jong U Khrist, bad ban pynlong ïa ki briew baroh ban ïohi kumno ba la pyntreikam ïa ka jingthmu bamaïan U Blei.

NONGBISHAR 6:15

U Gideon u jubab, “Hynrei Trai, kumno ngan lah ban pyllait ïa ki Israel? Ka kur jong nga ka long kaba tlot tam hapoh ka jait Manasseh, bad nga long uba rit tam na ki dkhot ka longïing jong nga.”

RUTH 2:10

Ka Ruth ka nguh ngon haduh khyndew, bad ka ong ha u Boas, “Balei phi da pyrkhat ïa nga haduh katta katta? Balei phi da lehsbun haduh katta katta ïa ka nongwei?”

1 SAMUEL 15:17

U Samuel u ong, “Wat la phi ñiew ïa lade ba phim long ei ei, phi dei u nongïalam jong ki jait Israel. U Trai u la pynsleh ïa phi ban long u syiem jong ki Israel,

1 SAMUEL 18:18

U Dabid u jubab, “Nga dei uei keiñ bad kaei ka longïing jong nga ba ngan ïoh long u pyrsa kurim jong u syiem?”

1 SAMUEL 9:21

U Saul u jubab, “Nga dei uba na ka jait Benjamin, ka jait kaba rit tam ha Israel, bad ka longïing jong nga ka long kaba rit tam ha kata ka jait. Balei keiñ phi leit kren kumta ïa nga?”