2 SAMUEL 7:15 - Khasi CL Bible (BSI)

¹⁵ Hynrei ngan ym weng noh na u ïa la ka jingkyrshan kumba nga la weng noh na u Saul, ïa uba nga la pynkynriah noh khnang ba men long syiem ma me.

KA BAIBL

¹⁵ hynrei, ka jingisynei jong nga kan ym kynriah noh na u, kumba nga la shim noh na u Saul, ïa uba nga la kyntait noh ha khmat jong me.

2 SAMUEL 7:15 ပူးပေါင်းရင်းမြစ်များ

2 SAMUEL 7:14

Ngan long u kpa jong u, bad u, un long u khun jong nga. Haba u leh bakla, ngan sneng sympat ïa u kumba u kpa u sneng sympat ïa la u khun.

2 SAMUEL 7:16

Men ïai don ki khun ki ksiew, bad ngan pynlong ïa ka hima jong me ban neh junom. Ka longïing syiem jong me kan ym kut.’ ”

1 SYIEM 11:13

Bad ngan ym shim na u ïa ka hima baroh kawei, pynban ngan ai ha u ïa kawei ka jait na ka bynta u Dabid u shakri jong nga bad na ka bynta ka Jerusalem, ka nongbah ïa kaba nga la pynlong ka jong nga.”

SALM 89:28

Ngan ïai bat ïa ka kular jong nga bad u, bad ka jutang jong nga bad u kan neh junom.

SALM 89:31

lada kim suidñiew ïa ki jinghikai jong nga bad kim sumar ïa ki hukum jong nga,

SALM 89:33

Hynrei ngan ym sangeh ha kaba ieit ïa u Dabid, lane ban ym pynkheiñ ïa ka kular jong nga bad u.

SALM 89:34

Ngan ym pynkheiñ ïa ka jutang jong nga bad u, lane shim noh ïa kawei ka kular kaba nga pynlong bad u.

SALM 89:49

A Trai, hangno keiñ ki jingpynshisha kiba mynshuwa jong ka jingieit jong me? Hangno kita ki jingkular kiba me la pynlong bad u Dabid?

ISAÏAH 37:35

Ngan ïada ïa kane ka nongbah bad ngan ïada ïa ka, na ka bynta ka burom jong nga hi bad namar ka kular kaba nga la pynlong ha u shakri jong nga u Dabid.’ ”

ISAÏAH 55:3

“To shahshkor mynta, ko ki briew jong nga, bad to wan sha nga; to wan sha nga, bad phin ïoh jingim! Ngan pynlong ka jutang baneh bad phi bad ngan ai ha phi ïa ki jingkyrkhu kiba nga la kular ha u Dabid.

ISAÏAH 9:7

Ka bor ba kynja syiem jong u kan nang san; ka hima jong u kan ïailong borabor ha ka jingsuk. Un synshar kum u nongmih bujli ïa u Syiem Dabid, da kaba pynshong nongrim ïa ka bor jong u ha ka hok bad ka jingbishar hok, naduh mynta haduh kaba kut ka por. U Trai Badonbor Baroh u la kut jingmut ban leh ïa kane baroh.

1 SAMUEL 15:23

Ka jingïaleh pyrshah ïa u ka long kaba sniew hi kum ka jingleh byrtong, bad ka jingmeng ka long hi ka pop kum ka jingmane bleithaw. Namar ba me la kyntait ïa ka hukum U Trai, u la kyntait ïa me kum u syiem.”

1 SAMUEL 15:26

“Ngan ym leit phai bad phi,” u Samuel u jubab. “Phi la kyntait ïa ka hukum U Trai, bad u la kyntait ïa phi kum u syiem ki Israel.”

1 SAMUEL 15:28

U Samuel u ong ha u, “U Trai u la kad ïa ka hima Israel na me ha kane ka sngi, bad u la ai ïa ka ha uta u briew uba kham bha ban ïa me.

1 SAMUEL 16:14

U Mynsiem jong U Trai u la iehnoh ïa u Saul, bad u mynsiem bymman ba la phah da U Trai u pynjynjar ïa u.

1 SAMUEL 19:24

U loit noh ïa la ki jaiñ bad u shad bad risa ha khmat u Samuel, bad u thiah lyngkhuit ha kata ka sngi baroh shi sngi bad ha kata ka miet baroh shi miet. (Ha kane ka rukom la mih ka jingong, “Hato wat u Saul ruh u la kylla long u nongïathuhlypa?”)