2 SAMUEL 7:13 - Khasi CL Bible (BSI)

¹³ Un dei ma u, u ban tei ka templ ïa nga, bad ngan pynthikna ba ka longïing syiem jong u kan ïaineh.

KA BAIBL

¹³ Un tei ma u keiñ ïa ka ïing ïa ka kyrteng jong nga; nga ruh ngan pynskhem ïa ka khet ka jinglong syiem jong u junom.

2 SAMUEL 7:13 ပူးပေါင်းရင်းမြစ်များ

JENESIS 49:10

U Judah un bat ïa u diengsynshar syiem, Bad ki khun ki ksiew jong u kin ïai synshar. Ki jaitbynriew kin wanrah ha u ïa ka bai nguh syiem, kin dem bad kohnguh ïa u.

2 SAMUEL 22:51

U Blei u ai ki jingjop bakhraw ha u syiem jong u; u pynpaw ka jingieit baïaineh ha uba u la jied, ha u Dabid bad ha ki khun ki ksiew jong u junom.

2 SAMUEL 7:16

Men ïai don ki khun ki ksiew, bad ngan pynlong ïa ka hima jong me ban neh junom. Ka longïing syiem jong me kan ym kut.’ ”

2 SAMUEL 7:27

A Trai Nongsynshar, U Blei ki Israel! nga sngew shlur ban duwai kane ka jingduwai ha me, namar me la pynpaw ïa kane baroh ha nga, u shakri jong me, bad ba me la ong ha nga ba men pynlong syiem ïa ki khun ki ksiew jong nga.

1 SYIEM 2:24

U Trai, u la pynskhem triang ïa nga ha ka khet jong u Dabid, u kpa jong nga; u la bat ïa la ka kular bad u la ai ïa ka hima ha nga bad ha ki khun ki ksiew jong nga. Nga smai da U Trai uba im ba u Adonijah un ïap ha kane hi ka sngi!”

1 SYIEM 2:4

Lada me kohnguh ïa u, U Trai un bat ïa ka kular kaba u la pynlong haba u ong ïa me ba ki khun ki ksiew jong nga kin synshar ïa ka Israel katba ki dang phikir ban kohnguh hok ïa ki hukum da ka dohnud baroh bad ka mynsiem jong ki.

1 SYIEM 2:45

Hynrei un kyrkhu ïa nga, bad un pynskhem ïa ka hima u Dabid junom.”

1 SYIEM 5:5

U Trai u la kular ïa u Dabid, u kpa jong nga, ‘U khun jong me, uba ngan pynlong syiem hadien jong me, un tei ka Templ ïa nga.’ Bad mynta nga la kut jingmut ban tei ka templ na ka bynta ka jingmane ïa U Trai U Blei jong nga.

1 SYIEM 6:12

“Lada me kohnguh ïa ki aiñ bad ki hukum jong nga baroh, ngan leh na ka bynta jong me kumba nga la kular ïa u Dabid u kpa jong me.

1 SYIEM 8:13

Mynta nga la tei ïa ka Templ kaba khraw na ka bynta jong me, ka jaka na ka bynta jong me ba men shong junom la junom.”

1 SYIEM 8:15

U ong, “Ïaroh ïa U Trai U Blei ki Israel! uba la bat ïa la ka kular ba u la pynlong bad u Dabid u kpa jong nga, mynba u ong,

1 SYIEM 8:19

hynrei men ym ïoh ban tei ïa ka; dei u khun jong me, u khun jong me hi u ban tei ïa ka Templ jong nga.’

2 SYIEM 21:4

U tei ïa ki duwan ba-thala ha ka Templ, ka jaka kaba U Trai u la ong ba dei ban mane ïa u.

2 SYIEM 21:7

U la buh ïa ka dur jong ka blei Asherah ha ka Templ, ka jaka kaba U Trai u ong ïa u Dabid bad ïa u Solomon u khun jong u: “Hangne ha Jerusalem, ha kane ka Templ, ka dei ka jaka ba nga la jied na ki ri baroh jong ki khat-ar jait ki Israel kum ka jaka ha kaba yn mane ïa nga.

2 SYIEM 8:19

Hynrei U Trai um mon ban pynjot ïa ka Judah, namar ba u la kular ïa u Dabid u shakri jong u ba ki khun ki ksiew jong u kin ïai bteng ban synshar.

1 KHRONIKL 28:10

Me dei ban sngewthuh ba U Trai u la jied ïa me ban tei ïa ka Templ bakhuid jong u. Mynta leh ïa kata — bad leh ïa kata da ka jingkut jingmut baskhem.”

2 KHRONIKL 33:4

U tei ki duwan ki blei thala ha ka Templ, ka jaka ha kaba U Trai u la ong ba yn mane ïa u junom.

2 KHRONIKL 6:16

Mynta, A Trai, U Blei ki Israel, to men bat ruh ïa ka kular kaba me la pynlong ha u kpa jong nga mynba me ong ïa u ba yn don borabor uwei na ki khun ki ksiew jong u, u ban synshar kum u syiem ka Israel, tang lada ki sumar bha ban kohnguh ïa ka Hukum jong me kumba u la leh.

Ka Kitab U Job 36:7

U ïada ïa kito kiba hok; u shah ïa ki ban synshar kum ki syiem bad u shah ïa ki ba kin ïoh ka jingpyndonburom junom.

SALM 72:17

Ai ban ym klet da lei lei ïa ka kyrteng jong u syiem; ai ba ka nam jong u kan neh kumba neh ka sngi. Ai ba ki jaitbynriew baroh kin kyrpad ïa U Blei ban kyrkhu ïa ki kumba u la kyrkhu ïa u syiem.

SALM 89:21

Ka jingkhlaiñ jong nga kan ïai don sah bad u, ka bor jong nga kan pynkhlaiñ ïa u.

SALM 89:29

Ka longïing syiem jong u kan neh skhem kum ka sahit bneng, uba hiarpateng na u, un ïailong u syiem.

SALM 89:4

‘U khun u ksiew jong me un ïailong u syiem, ngan buh kyrpang ïa ka longïing syiem jong me junom.’ ”

ISAÏAH 49:8

U Trai u ong ha la ki briew, “Haba ka por ban pyllait im ïa phi ka la poi, ngan pynpaw ïa ka jingsngewbha jong nga ïa phi bad ban sngap ïa ki jingkhot kyrpad jingïarap. Ngan ri bad ïada ïa phi bad lyngba jong phi ngan pynlong ka jutang bad ki briew baroh. Ngan shah ba phi shongduh sa shisien ha la ka ri kaba mynta ka la shu sah shrah.

ISAÏAH 9:6

Ïa i khunlung la kha ha ngi! Ïa u khun la ai ha ngi! Bad un long u nongsynshar jong ngi. Yn khot ïa u, “U Nongsyllok Baphylla,” “U Blei Bakhrawbor,” “U Kpa Bymjukut,” “U Syiem ka Jingsuk.”

ISAÏAH 9:7

Ka bor ba kynja syiem jong u kan nang san; ka hima jong u kan ïailong borabor ha ka jingsuk. Un synshar kum u nongmih bujli ïa u Syiem Dabid, da kaba pynshong nongrim ïa ka bor jong u ha ka hok bad ka jingbishar hok, naduh mynta haduh kaba kut ka por. U Trai Badonbor Baroh u la kut jingmut ban leh ïa kane baroh.

JEREMAÏAH 33:17

Ma nga, U Trai, nga kular ba borabor yn don u nonghiarpateng na u Dabid ban long u syiem ki Israel

ESEKIEL 37:25

Kin shong ha ka ri ba nga la ai ha u shakri jong nga u Jakob, ka ri ha kaba ki kpa tymmen jong ki, ki shong ki sah. Kin shong junom hangta, bad kumta ruh ki khun jong ki bad baroh kiba hiarpateng na ki. U syiem uba kum u shakri jong nga, u Dabid un synshar halor jong ki junom.

DANIEL 2:44

Ha ka por jong kito ki nongsynshar U Blei ka bneng un seng ka hima ka ban ym kut junom. Yn ym lah ban jop ïa ka, hynrei kan pynjot thiaw ïa baroh kito ki hima, bad nangta kan neh junom.

SEKHARAÏAH 6:12

Ïathuh ïa u ba U Trai Badonbor Baroh u ong, ‘U briew ïa uba la khot U Tnat un manbha ha kaba u don bad un tei ïa ka Templ jong U Trai.

SEKHARAÏAH 6:13

U long ma u, u ban tei ïa ka bad ïohpdiang ïa ka burom kaba dei ïa u syiem bad un synshar ïa ki briew jong u. U lyngdoh un ïeng hajan ka khet jong u, bad kin ïatreilang ha ka jingsuk bad ha ka jingïasngewtynnat.’

MATHAÏOS 16:18

Bad kumta nga ong ha me, ko Petros: me long u mawsiang, bad halor kane ka nongrim mawsiang ngan tei ïa ka balang jong nga, bad wat ka jingïap hi kan ym lah ban jop ïa ka.

HEBRU 3:3

U briew uba tei ïa ka ïing u ïoh kham bun ka burom ban ïa ka ïing hi. Ha kajuh ka rukom U Jisu u long uba dei hok ban ïoh ïa ka jingpyndonburom kaba kham khraw ban ïa u Moses.

1 PETROS 2:5

To wan kum ki maw ba-im, bad to shah ïa lade ba yn pyndonkam ha kaba tei ïa ka Templ ba kynja mynsiem, ha kaba phin shakri kum ki lyngdoh bakhuid ban ai ïa ki jingkñia ba kynja mynsiem bad ba pdiang hun ha U Blei da U Jisu Khrist.