2 SAMUEL 7:12 - Khasi CL Bible (BSI)

¹² Ynda me ïap, bad la tep ïa me bad ki kpa tymmen jong me, ngan thung syiem ïa uwei na ki khun shynrang jong me, bad ngan pynkhlaiñ ïa ka hima jong u.

KA BAIBL

¹² Haba la pynkut noh ïa ki sngi jong me, bad ba me la ïohthiah noh bad ki kpa jong me, ngan pynïeng ïa u symbai jong me hadien jong me, u ban mih noh na ka kpoh jong me, bad ngan pynskhem ïa ka jinglong syiem jong u.

2 SAMUEL 7:12 ပူးပေါင်းရင်းမြစ်များ

JENESIS 15:4

Nangta u ïohsngew ïa U Trai ba u kren biang ha u, “Une u Eliesar uba long u mraw un ym ïohpateng ïa ka spah ka phew jong me; u khun jong me hi un long u nongïoh pateng jong me.”

2 SAMUEL 22:51

U Blei u ai ki jingjop bakhraw ha u syiem jong u; u pynpaw ka jingieit baïaineh ha uba u la jied, ha u Dabid bad ha ki khun ki ksiew jong u junom.

1 SYIEM 1:21

Lada phim leh kumta, tang mar ïa-ïap ma phi, u Solomon, u khun jong nga bad ma nga ngin shah ñiew kum ki nongshetkylla.”

1 SYIEM 1:48

Nangta u Syiem Dabid u dem ngon ha ka jingmane ha la ka jingthiah bad u duwai, ‘To ngin ïaroh ïa U Trai, U Blei ki Israel, uba ha kane ka sngi u la pynlong syiem hadien jong nga ïa uwei na ki khun ki ksiew jong nga, bad ba u la shah ïa nga ban ïohi ïa kata!’ ”

1 SYIEM 2:1

Haba u Dabid u la jan ïap, u la khot ïa u Solomon, u khun jong u bad u la ai ha u ïa ki jingbthah bakhatduh:

1 SYIEM 2:10

U Dabid u la ïap, bad la tep ïa u ha ka Nongbah u Dabid.

1 SYIEM 2:4

Lada me kohnguh ïa u, U Trai un bat ïa ka kular kaba u la pynlong haba u ong ïa me ba ki khun ki ksiew jong nga kin synshar ïa ka Israel katba ki dang phikir ban kohnguh hok ïa ki hukum da ka dohnud baroh bad ka mynsiem jong ki.

1 SYIEM 5:5

U Trai u la kular ïa u Dabid, u kpa jong nga, ‘U khun jong me, uba ngan pynlong syiem hadien jong me, un tei ka Templ ïa nga.’ Bad mynta nga la kut jingmut ban tei ka templ na ka bynta ka jingmane ïa U Trai U Blei jong nga.

1 SYIEM 8:15

U ong, “Ïaroh ïa U Trai U Blei ki Israel! uba la bat ïa la ka kular ba u la pynlong bad u Dabid u kpa jong nga, mynba u ong,

1 SYIEM 8:19

hynrei men ym ïoh ban tei ïa ka; dei u khun jong me, u khun jong me hi u ban tei ïa ka Templ jong nga.’

1 SYIEM 8:20

“Bad mynta U Trai u la pyndep ïa ka kular jong u. Nga la kiew ïa ka khet u kpa jong nga, u syiem ki Israel bad nga la tei ïa ka Templ ban mane ïa U Trai U Blei ki Israel.

1 SYIEM 9:5

ngan pynneh junom ïa ka khet syiem jong me ha Israel, kumba nga la kular ha u Dabid u kpa jong me, da kaba ong, ‘Men ym kyrduh u briew u ban shong ha ka khet Israel.’

2 SYIEM 8:19

Hynrei U Trai um mon ban pynjot ïa ka Judah, namar ba u la kular ïa u Dabid u shakri jong u ba ki khun ki ksiew jong u kin ïai bteng ban synshar.

1 KHRONIKL 17:11

Ynda me ïap bad tep ïa me bad ki kpa tymmen jong me, ngan pynlong syiem ïa uwei na ki khun jong me bad ngan pynlong ïa ka hima jong u kaba khlaiñ.

2 KHRONIKL 1:9

A Trai U Blei, to pyndep ïa ka kular kaba me la ong ha u kpa jong nga. Me la pynlong syiem ïa nga halor u paidlang uba bun katta katta kat haduh ba ym lah ban ñiew, kumta to ai ha nga ïa ka jingstad bad ka jingtip kaba nga donkam ban synshar ïa ki.

2 KHRONIKL 13:5

“Hato phim tip ba U Trai, U Blei ki Israel, u la pynlong ka jutang bad u Dabid ka bym lah ban pynkheiñ, da kaba ai ha u bad ha ki khun ki ksiew jong u ïa ka jinglong syiem junom halor ki Israel?

2 KHRONIKL 21:7

hynrei U Trai um mon ban pynduh ïa ka longïing syiem jong u Dabid, namar u la lah pynlong ka jutang bad u Dabid bad ba u la kular ba ki khun ki ksiew jong u kin ïai bteng ban synshar.

2 KHRONIKL 23:3

Baroh ki la ïalumlang ha ka Templ bad hangta ki la pynlong ka jutang bad u Joash, u khun jong u syiem. U Jehoïada u ong ha ki, “Une hangne u dei u khun jong u syiem ba la khlad noh! Mynta u dei ban long syiem, kumba U Trai u la kular ba ki khun ki ksiew u Dabid kin long.

2 KHRONIKL 6:15

Me la bat ïa la ka kular kaba me la pynlong ha u Dabid u kpa jong nga; mynta ka sngi la pyndep ïa kawei pa kawei ka ktien.

2 KHRONIKL 6:9

hynrei men ym ïoh tei ïa ka. U dei u khun jong me, u khun jong me hi, u ban tei ïa ka Templ jong nga.’

SALM 89:29

Ka longïing syiem jong u kan neh skhem kum ka sahit bneng, uba hiarpateng na u, un ïailong u syiem.

ISAÏAH 11:10

Ka sngi ka wan ha kaba u syiem bathymmai na ka longïing syiem jong u Dabid un long ka dak ka shin ïa ki jaitbynriew. Kin ïalumlang ha ka nongbah ba kynja syiem jong u bad ai ka jingpyndonburom ïa u.

ISAÏAH 9:7

Ka bor ba kynja syiem jong u kan nang san; ka hima jong u kan ïailong borabor ha ka jingsuk. Un synshar kum u nongmih bujli ïa u Syiem Dabid, da kaba pynshong nongrim ïa ka bor jong u ha ka hok bad ka jingbishar hok, naduh mynta haduh kaba kut ka por. U Trai Badonbor Baroh u la kut jingmut ban leh ïa kane baroh.

JEREMAÏAH 33:17

Ma nga, U Trai, nga kular ba borabor yn don u nonghiarpateng na u Dabid ban long u syiem ki Israel

DANIEL 12:2

Bun na kito kiba la lah ïap kin im pat: Katto katne kin ïoh ka jingim bymjukut, bad katto katne kin shah ka jingjahburom bymjukut.

MATHAÏOS 1:1

Kane ka dei ka thup kyrteng jong ki kpa tymmen U Jisu Khrist, uba hiarpateng na u Dabid, uba long uba hiarpateng na u Abraham.

LOUKAS 1:32

Un long uba khraw, bad yn khot ïa u, U Khun jong U Blei Bahakhlieh Tam Eh. U Trai Uba U Blei un pynlong syiem ïa u, kumba u Dabid u kpa tymmen jong u, u la long,

LOUKAS 24:27

Bad U Jisu u la batai ha ki ïa kaei kaba la ong shaphang jong u hi ha baroh ki Jingthoh Bakhuid, da kaba sdang da ki kitab u Moses bad ki jingthoh jong ki nongïathuhlypa baroh.

KI KAM 13:36

Naba u Dabid u la shakri ïa ki jingthmu jong U Blei ha ka por jong u; bad nangta u la ïap, la tep ïa u bad ki kpa tymmen jong u, bad ka met jong u ka la pyut hapoh ka jingtep.

KI KAM 2:30

U la long u nongïathuhlypa, bad u la tip aïu U Blei u la kular ïa u: U Blei u la pynlong ka jingsmai ba un pynlong syiem ïa uwei na ki khun ki ksiew jong u Dabid, kumba u Dabid u la long.

1 KORINTH 15:51

To shahshkor ïa kane ka jingshisha barieh: Ngi baroh ngin ym ïap, hynrei haba ka turoi bakhatduh kan sawa, ïa ngi baroh yn pynkylla dur ha kaba shikhyllipmat. Naba haba ka turoi kan sawa, ïa kiba ïap yn pynmihpat, ba kin ym ïap shuh da lei lei, bad ïa ngi baroh yn pynkylla dur.

DEUTERONOMI 31:16

U Trai u ong ha u Moses, “Shen men sa ïap noh, bad ynda me ïap u paidbah un sa phai noh na nga bad pynkheiñ ïa ka jutang kaba nga la pynlong bad ki. Kin kyntait ïa nga bad mane ïa ki blei thala jong kata ka ri sha kaba kin sa leit rung.

1 THESSALONI 4:14

Ngi ngeit ba U Jisu u la ïap bad u la mihpat, bad kumta ngi ngeit ba U Blei un shim pat bad U Jisu ïa kito kiba la ïap da kaba ngeit ha u.