2 SAMUEL 7:10 - Khasi CL Bible (BSI)

^10-11 Nga la jied ka jaka ïa ki briew jong nga ki Israel bad nga la pynsah ïa ki hangta, ha kaba kin im khlem da shah banbeiñ shuh. Naduh ba ki rung sha kane ka ri, ki la shah tur ïaleh ha ki riewrunar, hynrei kane kan ym jia shuh. Nga kular ban sumar ïa me na ki nongshun jong me baroh bad ban ai ha me ki khun ki ksiew.

KA BAIBL

¹⁰ Ngan buh jaka ruh ïa ki briew jong nga ki Israel, bad ngan thung ïa ki, ba kin ïoh shong ha la ka jong ka jaka, bad ba kin ym kynriah noh shuh; te ki khun ka pop kin ym ïoh pynjynjar shuh ïa ki, kumba mynshuwa,

2 SAMUEL 7:10 ပူးပေါင်းရင်းမြစ်များ

2 SYIEM 21:8

Bad lada ki paid Israel kin kohnguh ïa ki hukum jong nga baroh, bad sumar ïa ka Aiñ baroh ba u Moses u shakri jong nga u la ai ha ki, nangta ngan ym shah ba yn beh noh ïa ki na ka ri kaba nga la ai ha ki kpa tymmen jong ki.”

1 KHRONIKL 17:9

Nga la jied ka jaka na ka bynta ki briew jong nga ki Israel bad nga la pynshong pynsah ïa ki hangta, ha kaba kin shongduh shah banbeiñ shuh. Naduh ba ki la rung ha kane ka ri, ki la shah tur ïaleh pyrshah ha ki briew kiba runar, hynrei kane kan ym jia shuh. Nga kular ban jop ïa baroh ki nongshun jong me bad ban ai ha me ki nonghiarpateng.

2 KHRONIKL 33:8

Bad lada ki paid Israel kin kohnguh ïa ki hukum jong nga baroh, bad sumar ïa ka Hukum baroh kaba u Moses u shakri jong nga u la ai ïa ki, te ngan ym shah ban beh noh ïa ki na ka ri kaba nga la ai ha ki kpa tymmen jong ki.”

SALM 44:2

Kumno ba ma me hi me la beh noh ïa kiba mane blei thala bad pynshong neh ïa ki briew jong me ha ka ri jong ki; kumno me la pynshitom ïa kiwei pat ki jaitbynriew bad pynlong ïa la ki jong ban roi kyrhai.

SALM 44:4

Me long u syiem jong nga bad U Blei jong nga; me ai jingjop ïa ki briew jong me,

SALM 80:8

Me la wallam ïa u dieng sohwaiñ na Ijipt; me la beh noh ïa kiwei pat ki jaitbynriew bad me la thung ïa u ha ka ri jong ki.

SALM 80:9

Me la pynkhuid ka jaka ïa u ba un san; ki thied jong u ki suh jylliew, bad ki pyiar sha kylleng jong ka ri.

EKSODOS 1:22

Khatduh eh, uta u syiem u hukum ïa ki briew jong u baroh, “Shim ïa u khunlung Hebru baroh uba dang shu lah kha bad bret ïa u sha wah Nile, hynrei ai ba ki khun kynthei kin im.”

EKSODOS 15:17

Me wan ïalam ïa ki shapoh bad me buh ïa ki ha u lumbah jong me, ha ka jaka kaba me, ko Trai, me la jied na ka bynta ka ïing jong me, ka Templ kaba me hi me la tei.

ISAÏAH 5:2

U la tih ïa ka khyndew bad u la weng ïa ki maw na ka; u la thung ïa ki dieng sohwaiñ kiba kynsai. U la tei ka jaka ap phira ban khmih sumar ïa ki, u la tih ka thliew na ka bynta ban ïuh ïa ki sohwaiñ. U la ap ïa ki sohwaiñ ban ih, hynrei uwei pa uwei u sohwaiñ u long uba jew.

ISAÏAH 5:7

Ka Israel ka dei ka bri sohwaiñ jong U Trai Badonbor Baroh; ki briew ka Judah ki dei ki dieng sohwaiñ kiba u la thung. U la khmih lynti ba kin leh ïa kaei kaba bha, hynrei pynban ki la pynïap briew. U la khmih lynti ba kin leh ïa kaba dei, hynrei kiba shah lanot jong ki, ki kyang ïa ka jingbishar hok.

ISAÏAH 60:18

Ïa ki jingleh thombor yn ym ïohsngew shuh, ka jingjot kan ym don shuh hapoh ki pud jong pha; ngan ïada bad kyrshan ïa pha kum ka kynroh: Phan ïaroh ïa nga namar nga la pyllait ïa pha.

ISAÏAH 60:21

Ki briew jong pha kin leh baroh ïa kaei kaba dei, bad kin ïohkynti ïa ka ri junom. Nga la thung ïa ki, nga la thaw ïa ki, ban pynpaw ïa ka jingkhraw jong nga sa baroh.

JEREMAÏAH 18:9

Ha kawei pat ka liang, lada nga ong ba ngan seng lane tei ïa kano kano ka jaitbynriew lane ka hima,

JEREMAÏAH 24:6

Ngan khmih halor jong ki bad ngan wallam biang ïa ki sha kane ka ri. Ngan tei bha ïa ki bad ngan ym tar lyngkhot ïa ki; ngan thung ïa ki bad ngan ym rat ïa ki.

ESEKIEL 28:24

U Trai u la ong, “Yn ym don na ki hima ba-marjan kiba la ñiewbeiñ ïa ka Israel da ka jingkrenbeiñ, ki ban long pat kum ki shiah bad ki shiah buid ban pynmong ïa ki Israel. Bad kin tip ba ma nga, nga long U Trai Nongsynshar.”

HOSIA 2:18

Ha kata ka por, ngan pynlong ka jutang bad baroh ki mradkhlaw bad ki sim, khnang ba kin ym pynmynsaw shuh ïa ki briew jong nga. Ngan weng noh ruh ïa baroh ki tiar thma na ka ri, baroh ki waitlam bad ki ryntieh, bad ngan ailad ba ki briew jong nga kin ïoh im ha ka jingsuk bad jingshngain.

AMOS 9:15

Ngan thung ïa ki briew jong nga ha ka ri ba nga la ai ïa ki, bad yn ym jynrat shuh ïa ki,” U Trai U Blei jong phi u la kren.

JINGPYNPAW 21:4

Un ñiad noh ïa ki ummat baroh na ki khmat jong ki. Yn ym don shuh ka jingïap, ym don shuh ka jingsngewsih lane ka jingïam lane ka jingpang. Kiei kiei kiba rim ki la jah noh.”

NONGBISHAR 4:3

U Jabin u don khyndaispah tylli ki kali ïapom kiba da ka nar, bad u la synshar ïa ki Israel da kaba banbeiñ bad lehbor haduh arphew snem. Nangta ki paid Israel ki la kyang jam ha U Trai ban ïoh jingïarap.

1 SAMUEL 13:17

Ki shipai Philistia ki mih ban leit ïaleh ha ki lai kynhun na ka jaka sher dara jong ki: kawei ka kynhun ka leit shaphang Ophrah ha ka ri Shual,