2 SAMUEL 6:19 - Khasi CL Bible (BSI)

¹⁹ bad u sam jingbam sha ki baroh. U ai ha uwei pa uwei u shynrang bad ha kawei pa kawei ka kynthei ha Israel mar uwei u kpu, shi lyngkhot ka doh syang, bad katto katne ki soh kismis. Nangta baroh ki la leit phai sha ïing.

KA BAIBL

¹⁹ Bad u la sam ha kita ki briew baroh, kata ha u paidlang ki Israel baroh, ha ki shynrang bad ha ki kynthei ruh, ha uwei pa uwei baroh, uwei u kpu, bad shi tukra ka doh, bad iwei i kpu da u soh Khajur. Kumta uta u paidbah baroh ki la leit wan noh uwei pa uwei baroh ha la ka jong ka ïing.

2 SAMUEL 6:19 ပူးပေါင်းရင်းမြစ်များ

2 SAMUEL 6:18

Haba u la dep ai ki jingkñia, u la kyrkhu ïa u paidbah ha ka kyrteng U Trai Badonbor Baroh

2 SAMUEL 6:20

Hadien kata, haba u Dabid u la leit sha ïing ban khublei ïa la ki ba-ha-ïing, ka Mikhal ka wan mih ban ïakynduh ïa u. “U syiem ki Israel u la pynkhraw nam ïa lade ha kane ka sngi!” ka ong. “U la pynlyngkhuit ïa lade kum u bieit ha khmat ki shakri kynthei jong ki rangbah synshar jong u.”

1 SYIEM 8:66

Ha ka sngi kaba phra u Solomon u phah noh sha ïing ïa u paidlang. Baroh ki la ïaroh ïa u bad ki leit suk sha ïing namar ki jingkyrkhu baroh ba U Trai u la ai ha u Dabid u shakri jong u bad ha ki briew jong u ki Israel.

1 KHRONIKL 16:3

U ai ha uwei pa uwei u shynrang bad ha kawei pa kawei ka kynthei ha Israel ïa u kpu bad ka dohthang bad katto katne ki soh Khajur.

1 KHRONIKL 16:43

Hadien kata baroh ki leit noh sha la ïing, bad u Dabid u la leit sha la ïing ban pynlut katto katne por bad ka longïing jong u.

2 KHRONIKL 30:24

U syiem Hesekaïah u la synñiang shihajar tylli ki masi lyngraw bad hynñiew hajar tylli ki langbrot na ka bynta ki briew ban pynïap bad bam, bad ïa ki rangbah synshar u la ai ha ki, sa kiwei pat ki shihajar tylli ki masi lyngraw bad shiphew hajar tylli ki langbrot. Bun bah ki lyngdoh ki la leit lyngba ka jingpynkhuid kat kum ka jinglehniam.

2 KHRONIKL 7:10

Ha ka sngi kaba bud kaba long ka sngi kaba arphew lai jong u bnai uba hynñiew, u Solomon u phah noh ïa ki briew sha la ïing. Ki la kmen ïa baroh ki jingkyrkhu ba U Trai u la ai ha ki briew jong u ki Israel, ha u Dabid bad ha u Solomon.

NEHEMAÏAH 8:10

Mynta leit noh sha la ïing bad bam bad dih sngewbha. Ïasam ïa ka jingbam bad ka waiñ bad kito ki bym dap bym biang. Mynta ka sngi ka long kaba khuid ha U Trai jong ngi, kumta wat sngewsih. Ka jingkmen kaba U Trai u la ai ha phi kan pynlong khlaiñ ïa phi.”

JINGRWAI SOLOMON 2:5

Pynïoh pat ïa ka jingkhlaiñ jong nga da ki soh kismis bad pynpyngngad ïa nga da ki soh apple! Nga tlot na ka jingkwah palat jong nga.

ESEKIEL 45:17

Kan long ka kamram jong u ban pynbiang ïa ki mrad ban thang tylli, ki jingainguh bam, bad ki jingainguh waiñ na ka bynta ka jaitbynriew Israel baroh kawei ha ki Jingkhawai Niam Bnai Thymmai, ki Sabbaton, bad kiwei ki Jingkhawai Niam. Un pynbiang ki jingkñia pop, jingainguh bam, ki jingkñia ban thang tylli, bad ki jingainguh ïasyllok, ban shim noh ïa ki pop jong ki paid Israel.”

HOSIA 3:1

U Trai u la ong ha nga, “Khie leit biang bad leh-ieit ïa ka briew kaba dang ïaleh nuti bad uba ieit jong ka. Me dei ban ieit ïa ka kumba nga ruh nga dang ieit ïa ki paid Israel, wat la ki phai sha kiwei pat ki blei bad ki ieit ban ainguh ha ki bleithaw da ki soh kismis.”

KI KAM 20:35

Nga la pyn-i ha phi ha kiei kiei baroh ba da kaba trei shitom ha kane ka rukom ngi dei ban ïarap ïa kiba tlot, da kaba kynmaw ïa ki ktien kiba U Trai Jisu da lade hi u la ong, ‘Ka don ka jingkmen kaba kham khraw ha kaba ai ban ïa kaba pdiang.’ ”

EPHESOS 4:8

Kumba ka Jingthoh Bakhuid ka ong, “Mynba u la kiew shajrong eh, u la ïalam bad u ïa shibun kiba shah ringmraw; u la ai ki jingai sngewbha ha u bynriew.”

JOSHUA 22:6

U Joshua u la phah ïa ki sha ïing ryngkat bad ki jingkyrkhu jong u, bad kine ki ktien: “Phi leit phai pat sha ïing kiba la riewspah bha, lem bad shibun ki jingri, ka rupa, ka ksiar, ka rnong, ka nar, bad shibun ki jaiñphong. Ïasam bynta lem bad la ki para jait ïa kaei kaba phi la shim na ki nongshun jong phi.” Nangta, ki leit phai noh sha ïing. U Moses u la ai jaka ha ka phang mihngi jong ka Jordan ha kaba shiteng na ka jait Manasseh, hynrei ïa kawei pat kaba shiteng, u Joshua u la ai ka jaka ha ka phang sepngi jong ka Jordan, lem bad kiwei pat ki jait.