2 SAMUEL 6:16 - Khasi CL Bible (BSI)

¹⁶ Katba dang wallam ïa ka Synduk shapoh ka nongbah, ka Mikhal, ka khun jong u Saul, ka la peit na ka jingkhangïit bad ka la ïohi ïa u Syiem Dabid ba u shad bad kynthih kylleng sawdong ha ka jingshad bakyntang, bad ka la i ngiah ïa u.

KA BAIBL

¹⁶ Te katba ka synduk U Trai ka la wan poi shapoh ka nongbah u Dabid, hangta ka Mikhal ka khun u Saul haba ka la khmih na ka jingkhang ïit, ka la ïohi ïa u syiem Dabid ba u da rynsied bad ba u da shad ha khmat U Trai; bad ka la beiñ ïa u ha la ka dohnud.

2 SAMUEL 6:16 ပူးပေါင်းရင်းမြစ်များ

2 SAMUEL 3:14

Bad u Dabid ruh u phah ïa ki nonglamktien sha u Ishbosheth ban ong, “Ai noh ha nga ïa ka Mikhal ka tnga jong nga. Nga la siew shispah tylli ki doh otsher jong ki Philistia ban shongkurim ïa ka.”

2 SAMUEL 5:7

(Hynrei u Dabid u la ïohknieh ïa ka kut Seïon jong ki, bad la tip kyrteng ïa ka kum ka “Nongbah u Dabid.”)

2 SAMUEL 6:15

Bad kumta ma u bad ki Israel baroh ki la rah ïa ka Synduk ka Jutang U Trai shatei sha Jerusalem da ka jingrisa kmen bad ka jingpynsawa ïa ki turoi.

2 SAMUEL 6:20

Hadien kata, haba u Dabid u la leit sha ïing ban khublei ïa la ki ba-ha-ïing, ka Mikhal ka wan mih ban ïakynduh ïa u. “U syiem ki Israel u la pynkhraw nam ïa lade ha kane ka sngi!” ka ong. “U la pynlyngkhuit ïa lade kum u bieit ha khmat ki shakri kynthei jong ki rangbah synshar jong u.”

1 KHRONIKL 15:29

Katba dang wanrah ïa ka Synduk sha ka nongbah, ka Mikhal, ka khun u Saul, ka khmih na ka jingkhangïit bad ka la ïohi ïa u Syiem Dabid ba u shad bad kynthih da ka jingkmen, bad ka la i ngiah ïa u.

SALM 123:3

To isynei ïa ngi, A Trai, to isynei; ngi la shah ha kiba bun ki jingñiewbeiñ.

SALM 69:7

Dei na ka bynta jong me ba nga la shah rkhiebeiñ bad ba la tap ïa nga da ka jinglehrain.

ISAÏAH 53:3

Ngi la ñiewbeiñ ïa u bad ngi la kyntait ïa u; u la shah ïa ka jingshitom bad jingpang. Ym don mano mano wat ban peit ïa u — ngi la leh bymsalia ïa u kum u bym long ei ei.

KI KAM 2:13

Hynrei kiwei pat ki kren biria ïa ki riewngeit, da kaba ong, “Kine ki briew ki la buaid!”

1 KORINTH 2:14

Uno uno u bym don U Mynsiem, um lah ban ïohpdiang ïa ki jingai kiba wan na U Mynsiem U Blei. Kum uta u briew da shisha um sngewthuh ïa ki; ki long ka jingbieit ha u, namar ïa ka dor jong ki lah ban bishar tang na ka nongrim kaba kynja mynsiem.

1 SAMUEL 18:17

Nangta u Saul u ong ha u Dabid, “Kane ka dei ka Merab ka khun jong nga kaba kham shuwa. Ngan ai ïa ka ha me kum ka tnga jong me halor ka kyndon ba me dei ban shakri ïa nga kum u shipai bashlur bad baïaineh, bad ïaleh ïa ki thma U Trai.” (U Saul u nang pyrkhat ba ha kane ka rukom ki Philistia kin ïoh pynïap ïa u Dabid bad um da donkam ban leh da lade.)

1 SAMUEL 18:20

Ka Mikhal ka khun u Saul pynban ka ïapmat ïa u Dabid, bad haba u Saul u la ïohsngew ïa kane, u la sngewbha.