2 SAMUEL 5:7 - Khasi CL Bible (BSI)

⁷ (Hynrei u Dabid u la ïohknieh ïa ka kut Seïon jong ki, bad la tip kyrteng ïa ka kum ka “Nongbah u Dabid.”)

KA BAIBL

⁷ Pynban, u Dabid u la jop ïa ka kut jong ka Seïon; kata ka long “Ka nongbah u Dabid”.

2 SAMUEL 5:7 ပူးပေါင်းရင်းမြစ်များ

2 SAMUEL 5:8

Ha kata ka sngi u Dabid u ong ha ki rangbah jong u, “Hato don uno uno hangne uba isih ïa ki Jebus kumba isih ma nga? Haduh katta kat ban pynïap ïa ki? Te khie leit kiew lyngba ka nur-um bad tur ïaleh ïa kito ki bapli ki matlah bad ki dkoh.” (Dei na kata ka daw ba la ong, “Kiba matlah bad kiba dkoh kim lah ban rung sha ka ïing ka jong U Trai.”)

2 SAMUEL 5:9

Hadien ka jingïohknieh ïa ka kut, u Dabid u la shong hapoh jong ka bad u la khot kyrteng ïa ka “Ka Nongbah u Dabid.” U la tei ïa ka nongbah sawdong jong ka, da kaba sdang na ka jaka ha kaba la pyndap khyndew ha ka phang mihngi jong u lum.

2 SAMUEL 6:10

Kumta u la rai ban ym leit shim ïa ka bad u sha Jerusalem; pynban, u phai noh na lynti bad u lam ïa ka sha ka ïing jong u Obed Edom, u traishnong jong ka nongbah Gath.

2 SAMUEL 6:12

U Syiem Dabid u ïohsngew ba namar ka Synduk ka Jutang, U Trai u la kyrkhu ïa ka longïing jong u Obed Edom bad baroh kat kiba u don; kumta u leit shim noh ïa ka Synduk ka Jutang na ka ïing jong u Obed ban leit rah ïa ka sha Jerusalem ryngkat bad ka jinglehkmen kaba khraw.

2 SAMUEL 6:16

Katba dang wallam ïa ka Synduk shapoh ka nongbah, ka Mikhal, ka khun jong u Saul, ka la peit na ka jingkhangïit bad ka la ïohi ïa u Syiem Dabid ba u shad bad kynthih kylleng sawdong ha ka jingshad bakyntang, bad ka la i ngiah ïa u.

1 SYIEM 2:10

U Dabid u la ïap, bad la tep ïa u ha ka Nongbah u Dabid.

1 SYIEM 3:1

U Solomon u la pynlong ka jingmynjur ban ïatreilang bad u syiem Ijipt da kaba shongkurim ïa ka khun jong u. U la wan ïalam ïa ka ban shong ha ka Nongbah U Dabid haduh ba un da dep tei ïa la ka ïingsyiem, ka Templ, bad ka kynroh sawdong ka Jerusalem.

1 SYIEM 8:1

Nangta u Syiem Solomon u phah khot ïa baroh ki nongïalam jong ki jait bad ki kur jong ki Israel ban wan sha u sha Jerusalem khnang ban leit shim noh ïa ka Synduk ka Jutang U Trai na ka Seïon, ka Nongbah u Dabid, sha ka Templ.

1 SYIEM 9:24

U Solomon u la pyndap khyndew ïa ka jaka ha ka phang mihngi jong ka nongbah, hadien ba ka tnga jong u, ka khun jong u syiem ka ri Ijipt, ka la wan kynriah na ka Nongbah u Dabid sha ka ïingsyiem kaba u Solomon u la tei na ka bynta jong ka.

1 KHRONIKL 11:7

Namar ba u Dabid u leit ban shong hapoh ka kut, la khot ïa ka, ka “Nongbah u Dabid”.

2 KHRONIKL 24:16

Ki la tep ïa u ha ka jingtep ki syiem ha ka Nongbah jong u Dabid kum ka dak ka jingñiewkor ïa ka jingshakri kaba u la leh na ka bynta ki paid Israel, na ka bynta U Blei bad na ka bynta ka Templ.

2 KHRONIKL 5:2

Nangta u syiem Solomon u la phah khot ïa baroh ki nongïalam jong ki jait bad ki kur jong ki Israel ban ïalumlang ha Jerusalem, khnang ban wallam ïa ka Synduk ka Jutang jong U Trai na Seïon, ka nongbah jong u Dabid, sha ka Templ.

NEHEMAÏAH 3:15

U Shallum, u khun jong u Kolhoseh, u nongsynshar ïa ka Mispah distrik, u tei pat ïa ka Khyrdop Umpohliew. U siang ïa ka lynti kaba poi sha ka khyrdop, u pynïeng ïa ka khyrdop, bad pyndait ïa ki nar-khang bad ïa ki jingkhang ka khyrdop. Ha ka Pungsum Shelah, u tei ïa ka khyrdop markhap ïa ka kper syiem, haduh ki mawjam kiba hiar sha ka Nongbah u Dabid.

SALM 132:13

U Trai u la jied ïa ka Seïon; u kwah ba kan long ka jaka shong jong u:

SALM 2:6

“Ha Seïon, u lum bakyntang jong nga,” u ong, “nga la thung ïa u syiem jong nga.”

SALM 48:12

Ko ki briew jong U Blei, to ïaid sawdong ïa ka Seïon bad ñiew ïa ki jaka ap phira;

SALM 48:3

U Blei u la pyn-i ba bad u ka don ka jingshngain hapoh ki kut jong ka nongbah.

SALM 51:18

A Blei, to lehbha ïa ka Seïon bad to ïarap ïa ka; to tei pat ïa ki kynroh ka Jerusalem.

SALM 87:2

u kham ieit ïa ka nongbah Jerusalem ban ïa kiwei pat ki jaka ha Israel.

SALM 9:11

To rwai ka jingïaroh ïa U Trai uba synshar ha Seïon! Ïathuh ha kawei pa kawei ka jaitbynriew ïa ki kam kiba u la leh!

ISAÏAH 12:6

Ai ba uwei pa uwei uba shong basah ha Seïon un pyrta bad un rwai! U Blei bakhuid jong ka Israel u long uba khraw, bad u shong hapdeng ki briew jong u.”

ISAÏAH 59:20

U Trai un ong ha ki briew jong u, “Ngan wan sha Jerusalem ban ïada ïa phi bad ban pynim ïa phi baroh kiba la phai noh na ki pop jong phi.

JEREMAÏAH 21:13

Pha ko Jerusalem, pha kaba shong shajrong eh na ki ri them, kum u mawsiang uba ïeng shajrong na ka madan. Hynrei ngan ïaleh pyrshah ïa pha. Pha ong ba ym don ba lah ban tur ïaleh ïa pha ne ban pynpra ïa ki jingker jong pha.

MIKAH 4:2

bad ki briew jong ki, kin ong, “ïa ngin ïaleit sha u lum jong U Trai, sha ka Templ jong U Blei ki Israel. Naba un hikai ïa ngi ïa kaei kaba u kwah ïa ngi ban leh; ngin ïaid ha ki lynti kiba u la jied. Naba ka jinghikai U Trai ka wan na Jerusalem; na Seïon u kren ha la ki briew.”

Ka Shithi U Paul Sha Ki Nong Rom 9:33

uba ka Jingthoh Bakhuid ka kren shaphang uta: “Ha khmih, nga buh ha Seïon ïa u maw u ban pynlong ïa ki briew ban jynthut, u mawsiang u ban pynlong ïa ki ban kyllon. Hynrei uno uno uba ngeit ha u un ym shem ïa kaba sngewsih.”

HEBRU 12:22

Pynban, phi la wan sha u lum Seïon bad sha ka nongbah jong U Blei uba im, ka Jerusalem kaba kynja bneng, ha kaba la don bun hajar ki angel.

JINGPYNPAW 14:1

Te nga la peit, bad la don U Khunlangbrot uba ïeng halor u lum Seïon; lem bad u la don shi lakh sawphew saw hajar ngut ki briew kiba la don ïa ka kyrteng jong u, bad ïa ka kyrteng jong U Kpa jong u ïa kaba la thoh ha ki shyllangmat jong ki.