2 SAMUEL 4:9 - Khasi CL Bible (BSI)

⁹ U Dabid u jubab ïa ki, “Nga la shim jingsmai ha U Trai uba im, uba la pyllait ïa nga na ki jingma baroh!

KA BAIBL

⁹ U Dabid te u la ïathuh ha u Rekhab bad u Baanah u para jong u, ki khun u Rimmon u nong Beeroth, bad u la ong ha ki, “Katba im U Trai, uba la pyllait ïa ka mynsiem jong nga na ka jingjynjar baroh,

2 SAMUEL 4:9 ပူးပေါင်းရင်းမြစ်များ

JENESIS 48:16

To u angel uba la pyllait ïa nga na ka jingsniew baroh, un kyrkhu ïa ki! To ka kyrteng jong nga, bad ka jong ki kpa jong nga, u Abraham bad u Isaak, Kan ïai im lyngba kine ki khun! To kin don bun ki khun ki kti bad ki khun ki ksiew kiba bun!”

2 SAMUEL 4:2

U Ishbosheth u don ar ngut ki rangbah synshar kiba long ki nongïalam ïa ki kynhun lute, u Baanah bad u Rekhab, ki khun shynrang jong u Rimmon, uba na Beeroth, hapoh ka jait Benjamin. (Ïa ka Beeroth la ñiew kum ka bynta jong ki Benjamin.

1 SYIEM 1:29

Nangta u ong ha ka, “Nga kular ïa pha da U Trai uba im, uba la pyllait im ïa nga na ki jingjynjar baroh,

SALM 103:4

U pyllait ïa nga na ka jingtep bad u kyrkhu ïa nga da ka jingieit bad ka jingisynei.

SALM 106:10

U pynim ïa ki na kito kiba shun ïa ki; u pyllait ïa ki na ki nongshun jong ki.

SALM 107:2

To ïai-ong ïa kine ki ktien ha ka jingïaroh ïa U Trai, ma phi baroh ïa kiba u la pynim.

SALM 34:17

Kiba hok ki khot kyrpad ïa U Trai, bad u shahshkor, u pyllait ïa ki na ki jingjynjar jong ki baroh.

SALM 34:22

U Trai un pyllait im ïa ki briew jong u; kito kiba phet sha u ban ïoh jingïada kin lait im.

SALM 69:18

To wan sha nga, bad to pyllait im ïa nga; to pyllait ïa nga na ki nongshun jong nga.

SALM 71:23

Ngan pyrta da kaba kmen katba nga dang tem na ka bynta jong me; da ka longrynïeng jong nga baroh kawei ngan rwai namar ba me la pynim ïa nga.

1 SAMUEL 26:24

Kumba nga la pyllait im ïa ka jingim jong phi ha kane ka sngi, ai ba U Trai un leh kumjuh ïa nga bad pyllait ïa nga na ki jingjynjar jong nga baroh!”