2 SAMUEL 4:8 - Khasi CL Bible (BSI)

⁸ Ki ai ïa kata ka khlieh ha u Syiem Dabid ha Hebron, bad ki ong ha u, “Kane hangne ka dei ka khlieh u Ishbosheth, u khun jong u Saul, u nongshun jong phi, uba la pyrshang ban pynïap ïa phi. Ha kane ka sngi U Trai u la shah ïa u Syiem Kynrad ban pynhiarkput ïa u Saul bad ki khun ki ksiew jong u.”

KA BAIBL

⁸ Bad ki la wallam ïa ka khlieh u Ishbosheth sha u Dabid ha Hebron, bad ki la ong ha u syiem, “Ha khmih ïa ka khlieh u Ishbosheth u khun u Saul u nongshun jong me, uba la wad ïa ka jingim jong me; te ha kane ka sngi U Trai u la pynhiar ïa ka kput u syiem kynrad jong nga halor u Saul, bad halor u symbai jong u.”

2 SAMUEL 4:8 ပူးပေါင်းရင်းမြစ်များ

2 SAMUEL 18:19

Nangta u Ahimaas, u khun jong u Sadok u ong ha u Joab, “Shah ngan leit sha u syiem bad ka khubor babha ba U Trai u la pyllait im ïa u na ki nongshun jong u.”

2 SAMUEL 18:31

Nangta u mraw na Sudan u wan poi bad u ong ha u syiem, “Nga don ka khubor babha ïa u Syiem Kynrad! Ha kane ka sngi U Trai u la ai ha phi ka jingjop halor kito baroh kiba la ïaleh pyrshah ïa phi!”

2 SAMUEL 2:8

U rangbah ai hukum jong ka kynhun shipai jong u Saul, u Abner u khun jong u Ner, u la phet bad u Ishbosheth, u khun jong u Saul sha Mahanaim.

2 SAMUEL 22:48

U ai ha nga ka jingjop halor ki nongshun jong nga, U pyndem ïa ki jaitbynriew hapoh jong nga,

SALM 71:24

Ngan kren shaphang ka hok jong me baroh shi sngi, namar kito kiba pyrshang ban pynmynsaw ïa nga ki la shahjop bad shah pynlehrain.

MATHAÏOS 2:20

bad u la ong, “To ïeng joit, shim ïa u khunlung bad ka kmie jong u, bad khie leit phai noh sha ka ri Israel, namar kito kiba pyrshang ban pynïap ïa u khunlung ki la ïap.”

JINGPYNPAW 18:20

To shadkmen, ko ka bneng, namar ka jingpynjot ïa ka! to shadkmen, ko ki briew jong U Blei bad ki apostol bad ki nongïathuhlypa! Naba U Blei u la pynrem ïa ka na ka bynta kaei kaba ka la leh ïa phi!

JINGPYNPAW 6:10

Ki la pyrta da ka sur kaba jam, “Ko Trai Badonbor Baroh, u bakhuid bad uba shisha! Sa katno kan long haduh ba men da bishar ïa ki briew ha ka pyrthei bad pynshitom ïa ki namar ba ki pynïap ïa ngi?”

1 SAMUEL 18:11

“Ngan sum ïa u ha ka kynroh,” u Saul u ong ha lade, bad u kawang ïa u sum ha u ar sien; hynrei ha baroh ar sien u Dabid u kynriah.

1 SAMUEL 19:1

U Saul u ïathuh ha u Jonathan u khun jong u bad ha ki rangbah synshar jong u baroh ba u thmu ban pynïap ïa u Dabid. Hynrei u Jonathan u sngew jan eh ïa u Dabid,

1 SAMUEL 19:15

Hynrei u Saul u phah biang ïa ki ba kin da leit peit da lade ïa u Dabid. U hukum ïa ki, “Rah lang ïa u hangne ha ka jingthiah jong u bad ngan pynïap ïa u.”

1 SAMUEL 20:1

Nangta u Dabid u phet na Naïoth kaba ha Ramah bad u leit sha u Jonathan. “Kaei kaba nga la leh?” u kylli. “Ka kam sniew aïu nga la leh? Ka kam palat aïu nga la leh ïa i pa jong phi ba i da thmu ban pynïap ïa nga?”

1 SAMUEL 23:15

U Dabid u ïohi ba U Saul u wad ban pynïap ïa u. U Dabid u don ha Horesh, ha ka ri khlaw hajan ka Siph.

1 SAMUEL 24:4

Ki ong ha u, “Kane ka dei ka kabu jong phi! U Trai u la ïathuh ïa phi ba un buh ïa u nongshun ha ka bor jong phi bad phi lah ban leh ïa u kat kaba phi kwah.” U Dabid u par sor sor bad u ot shi lyngkhot na ka jaiñkup u Saul khlem ka jingtip u Saul.

1 SAMUEL 25:29

Lada uno uno un ktah kti ïa phi bad pyrshang ban pynïap ïa phi, U Trai U Blei jong phi un ri sumar ïa phi, kumba uno uno u ap phira ïa ka jingkynshew kaba kordor. Katba ïa ki nongshun jong phi, un bret ïa ki sharud, kumba uno uno u kawang maw da ka jingshat maw.