2 SAMUEL 3:39 - Khasi CL Bible (BSI)

³⁹ Wat la nga long u syiem uba la jied da U Blei, nga sngewtlot mynta ka sngi. Kine ki khun shynrang jong ka Seruïah ki long ka jingma ïa nga. To U Trai un pynshitom ïa kine ki nongkamsniew kumba ki dei ban ïoh!”

KA BAIBL

³⁹ Ma nga te la la thung syiem ruh ïa nga, nga long uba tlot ha kane ka sngi; bad kine ki rangbah, ki khun ka Seruïah ki kham eh ïa nga: to U Trai un ai nong ïa u nongleh sniew katba kum ka jingbymman jong u.”

2 SAMUEL 3:39 ပူးပေါင်းရင်းမြစ်များ

2 SAMUEL 16:10

“Kane kam dei ka kam jong me,” u syiem u ong ïa u Abishai bad ïa u Joab, u para jong u. “Lada u tim ïa nga namar ba U Trai u la ong ïa u, mano ba don hok ban kylli balei u leh ïa ka?”

2 SAMUEL 19:13

U Dabid u la bthah ruh ïa ki ban ong ha u Amasa, “Phi dei u ba-ha-ïing jong nga. Naduh mynta nga buh ïa phi ban ïalam ïa ka kynhun shipai ha ka jaka jong u Joab. To U Blei un shoh ïap ïa nga lada ngam leh kumta!”

2 SAMUEL 19:22

Hynrei u Dabid u ong ïa u Abishai bad ïa u Joab, u para jong u, “Mano ba pan ïa ka jingmut na phi? Hato phi thmu ban pynwit ïa nga? Mynta, nga dei ma nga u Syiem jong ka Israel bad ha kane ka sngi yn ym pynïap ïa uno uno ruh u Israel.”

2 SAMUEL 3:38

U syiem u ong ha ki rangbah synshar jong u, “Phim ïasngewthuh ba ha kane ka sngi uwei u nongïalam bakhraw ha Israel u la ïap?

1 SYIEM 2:32

U Trai un pynshitom ïa u Joab na ka bynta kito ki jingpynïap, kiba u la leh khlem ka jingtip u Dabid u kpa jong nga. U Joab u la pynïap ar ngut ki rangbah balui lui kiba kham bha ban ïa u — u Abner, u rangbah ai hukum jong ka kynhun shipai Israel, bad u Amasa, u rangbah ai hukum jong ka kynhun shipai Judah.

1 SYIEM 2:9

Hynrei mem dei ban shah ïa u ban lait khlem ka jingpynshitom. Me tip kaei ba men leh, bad me dei ban khmih ba u dei ban shah pynïap.”

1 KHRONIKL 22:5

U Dabid u pyrkhat, “Ka Templ ba u Solomon u khun jong nga un tei ka dei ban long kaba ishongkun bad donnam ha ka pyrthei. Hynrei u dang samla bad um pat ju mlien, kumta nga dei ban pynkhreh lypa na ka bynta jong ka.” Kumta u Dabid u la pynbiang lypa shibun ki tiar shuwa ba un ïap.

1 KHRONIKL 29:1

U Syiem Dabid u pynbna ha baroh kiba ïalumlang, “U Solomon u khun jong nga u dei ma u uba U Blei u la jied, hynrei u dang samla bad dang duna ka jingtbit. Ka kam ban leh ka long kaba khraw, namar kane kam dei ka ïingsyiem na ka bynta ki briew hynrei ka Templ na ka bynta U Trai U Blei.

2 KHRONIKL 13:7

Hadien u lumlang ïa ka kynhun ki riewmadan, bad ki pynbor ïa ka mon jong ki ha u Rehoboam u khun jong u Solomon, uba dang khynnah eh bad ba dang lung ka jingtbit ban ïeng pyrshah ïa ki.

SALM 101:8

Na kawei ka sngi sha kawei pat ngan pynjot ïa u bymman ha ka ri jong ngi; ngan beh noh ïa baroh ki briew kiba sniew na ka nongbah jong U Trai.

SALM 28:4

Pynshitom ïa ki na ka bynta kaei ba ki la leh, ïa ka pop kaba ki la leh. Pynshitom ïa ki na ka bynta ki jingleh jong ki baroh; ai ha ki ïa kaei ba ki dei ban ïoh!

SALM 62:12

bad ba ka jingieit jong u ka long kaba neh. Ma me hi, A Trai, me ainong ha uwei pa uwei kat kum ki jingleh jong u.

SALM 7:16

Kumta ïa ki la pynshitom da ki kam sniew jong ki hi bad ki mynsaw na ka jingleh jubor jong ki hi.

SALM 75:10

Un pynkheiñ ïa ka bor jong ki bymman, hynrei ïa ka bor jong kiba hok yn kyntiew.

EKSODOS 21:12

“Uta uba shoh ïa la u parabriew kat haduh ba un da ïap u dei ban shah pynïap.

PROBERB 20:8

U syiem u shong ban bishar bad u tip ïa kaba sniew haba u ïohi ïa ka.

PROBERB 25:5

Weng noh ïa ki nongai jingmut bymman na khmat u syiem, bad ïa ka jingsynshar jong u yn tip na ka bynta ka ïingbishar hok jong ka.

ISAÏAH 3:11

Hynrei ki briew kiba sniew ki long kiba la tim; kaei kaba ki la leh ïa kiwei mynta yn leh ïa ka ha ki.

ISAÏAH 7:4

Ong ïa u ban da husiar, ban long jai jai, bad ban ym sheptieng lane khih jingmut. Ka jingbitar u Syiem Resin bad ki Syria jong u bad ka jong u Syiem Pekah kam long shuh kaba don jingma ban ïa ka tdem jong ki ar tylli ki shynraiñ dieng kiba don ding.

JEREMAÏAH 38:5

U syiem Sedekaïah u la jubab, “To leh te ïa kaei kaba phi kwah ban leh ïa u; ngam lah ban khang ïa phi.”

DANIEL 6:16

Kumta u syiem u la ai ki hukum ban kem ïa u Daniel bad ban bret ïa u shapoh ka thliew kaba dap da ki sing. U la ong ha u Daniel, “Ai ba U Blei jong me, ïa uba me shakri hok katta katta, un pyllait im ïa me.”

JINGKHEIÑ 32:23

Hynrei lada phim bat ïa la ka kular, nga maham ïa phi ba phi leh pop pyrshah ïa U Trai. Wat bakla ïa kane; phin shah pynshitom namar ka pop jong phi.

Ka Shithi U Paul Sha Ki Nong Rom 13:4

namar u long u shakri jong U Blei uba trei na ka bynta ka jingbha jong phi hi. Hynrei lada phi leh ïa kaba sniew, te to sheptieng ïa u, namar ka bor jong u ban pynshitom ka long kaba dei. U long u shakri jong U Blei bad u pyntreikam ïa ka jingpynshitom U Blei halor kito kiba leh ïa kaba sniew.

2 TIMOTHI 4:14

U Aleksandar, u kamar-tama u la pyndik eh ïa nga; U Trai un sa ainong ïa u kat kum ki kam jong u.

NONGBISHAR 9:57

U Blei u la pynlong ruh ïa ki rangbah ka Shekhem ban shitom namar ka jingbymman jong ki, kumba u Jotham, u khun jong u Gideon, u ong ïa ki ba kin long kumta haba u la tim ïa ki.