2 SAMUEL 3:31 - Khasi CL Bible (BSI)

³¹ Nangta u Dabid u hukum ïa u Joab bad ïa ki rangbah jong u ban kad ïa la ki jaiñ, ban phong ka jaiñ khain, bad ban ïambriew na ka bynta u Abner. Bad ha ka jingleit ontep, u syiem Dabid da lade hi u ïaid hadien ka synduk metïap.

KA BAIBL

³¹ Bad u Dabid u la ong ha u Joab, bad ha uta u paidbah baroh uba don lem bad u, “To kad ïa la ki jaiñ, bad to panpoh ïa lade ha ka jaiñ khain, bad to ïambriew ha khmat u Abner.” Bad u Dabid syiem ruh u la bud hadien ka krong.

2 SAMUEL 3:31 ပူးပေါင်းရင်းမြစ်များ

JENESIS 37:29

Haba u Reuben u leit phai pat sha kata ka pukri bad shem ba u Joseph um don shuh hangta, u la kad ïa la ki jaiñ ha ka jingsngewsih.

JENESIS 37:34

U Jakob u kad ïa la ki jaiñ ha ka jingsngewsih bad u kup da ka jaiñ khain. U la ïam sngewsih bun sngi na ka bynta u khun jong u.

2 SAMUEL 1:11

U Dabid u kad ïa la ki jaiñkup ha ka jingsngewsih, bad ki briew jong u baroh ki leh kumjuh.

2 SAMUEL 1:2

Ha ka sngi kaba bud, uwei u samla u la wan poi na ka jaka sher dara jong u Saul. Ban pynpaw ïa la ka jingsngewsih, u la kad ïa la ki jaiñ bad sleh ïa la ka khlieh da ka khyndew. U leit sha u Dabid bad u dem ngon da kaba burom haduh khyndew.

1 SYIEM 20:31

Ki rangbah synshar jong u ki leit sha u bad ki ong, “Ngi ïohsngew ba ki syiem Israel ki long kiba isynei. Ai jingbit ïa ngi ba ngin leit sha u syiem jong ka Israel ryngkat bad ki jaiñ byrni sawdong ki syngkai jong ngi bad ki tyllai sawdong ki ryndang jong ngi, bad lehse un pyllait im ïa phi.”

1 SYIEM 21:27

Haba u Elijah u la dep kren, u Ahab u la kad ïa la ki jaiñ, u la law ïa ki bad u phong da ki jaiñ khain. Um treh bam, u thiah ha ka jaiñ khain, bad u leit phai da kaba khuslai bad rit mynsiem.

2 SYIEM 19:1

U syiem Hesekaïah tang mar ïohsngew ïa kaba la ïathuh, u kad ïa la ki jaiñ ha ka jingsngewsih, u phong da ka jaiñ khain, bad u leit sha ka Templ jong U Trai.

2 SYIEM 19:2

U phah khot ïa u Eliakim, u rangbah synshar uba dei peit ïa ka ïingsyiem, u Shebna, u sekretari ka ïingbishar, bad ki lyngdoh kiba ha shuwa jong u nongïathuhlypa Isaïah u khun jong u Amos. Ki ruh ki phong da ki jaiñ khain.

LOUKAS 7:14

Nangta u la ïaid sha khmat bad u la ktah ïa ka krong, bad ki briew kiba bah ïa ka ki la sangeh. U Jisu u la ong, “Ko samla! To khie joit, nga ong ïa me!”

JOSHUA 7:6

U Joshua bad ki nongïalam jong ki Israel ki la kad ïa la ki jaiñ da ka jingsngewdiaw, bad ki dem khrup ha khyndew ha khmat ka Synduk ka Jutang U Trai bad dem hangta haduh janmiet lem bad u pui pui halor ki khlieh jong ki ban pyn-i ïa ka jingsngewsih jong ki.

JINGPYNPAW 11:3

Ngan sa phah ïa ki sakhi jong nga ar ngut kiba kup da ki jaiñ khain, bad kin pynbna ïa ka khubor U Blei ha kita ki shihajar arspah hynriewphew sngi.”

NONGBISHAR 11:35

Haba u ïohi ïa ka, u kad ïa la ki jaiñkup ha ka jingsngewsih bad u ong, “Waw, ko khun! Phi la pynpait ïa ka dohnud jong nga! Balei ba yn dei da ma phi kaba pynpang ïa nga? Nga la ai ïa ka jingkular bakyntang ha U Trai, bad ngam lah ban kylla pat ïa la ka kular!”