2 SAMUEL 3:3 - Khasi CL Bible (BSI)

³ u Khileab, uba ka kmie jong u ka dei ka Abigail, ka tnga jong u Nabal uba la ïap, kaba na Karmel; u Absalom, uba ka kmie jong u ka dei ka Maakah, ka khun jong u Talmai u syiem ka Geshur;

KA BAIBL

³ bad u ba-ar jong u, u Khileab, na ka Abigail ka tnga u Nabal u nong Karmel; bad u balai, u Absalom, u khun ka Maakah kaba ka khun u Talmai u syiem ka Gesur;

2 SAMUEL 3:3 ပူးပေါင်းရင်းမြစ်များ

2 SAMUEL 13:1

U Absalom, u khun jong u Dabid u la don kawei ka para kaba bhabriew ka bym pat shongkurim, kaba kyrteng ka Tamar. U Amnon, uwei na ki khun shynrang jong u Dabid, u ibha ïa ka.

2 SAMUEL 14:23

Nangta u la ïeng joit bad u leit sha Geshur, bad u wan ïalam pat ïa u Absalom sha Jerusalem.

2 SAMUEL 14:24

Pynban u syiem u la ai hukum ba u Absalom um dei ban sah hapoh ïingsyiem. “Ngam kwah ban ïohi ïa u!” u syiem u ong. Kumta u Absalom u sah ha ka ïing jong u hi bad um shym leit mih ha khmat u syiem.

2 SAMUEL 14:32

U Absalom u jubab, “Namar ba phim wan haba nga la phah khot ïa phi. Nga la kwah ïa phi ban leit sha u syiem bad ban kylli na ka bynta jong nga: ‘Balei nga dei ban iehnoh ïa ka Geshur bad wan hangne? Kan jin da la kham bha ïa nga ban sah hangta.’ ” U Absalom u bteng, “nga kwah ïa phi ban pynbeit ïa nga ban ïohi ïa u syiem, bad lada nga la kit pop, te shah ïa u ban pynïap ïa nga.”

2 SAMUEL 15:7

Hadien saw snem, u Absalom u ong ha u syiem Dabid, “Kynrad, shah ngan leit sha Hebron ban pyndep ïa la ka kular ba nga la ai ha U Trai.

2 SAMUEL 15:8

Mynba nga dang sah ha Geshur kaba ha Syria, nga la kular ïa U Trai ba lada un ïalam biang ïa nga sha Jerusalem, ngan mane ïa u ha Hebron.”

2 SAMUEL 18:33

Te u syiem u la shah tyllep da ka sngewsih. U leit kiew sha ka kamra kaba halor kata ka khyrdop, bad u la ïam. Katba u dang leit, u la kyang, “A, ko khun jong nga! Ko khun jong nga, ko Absalom! Ko Absalom, u khun jong nga! Lada ngan da la ïap ha ka jaka jong phi, ko khun jong nga! Ko Absalom, ko khun jong nga!”

2 SAMUEL 2:2

Kumta u Dabid u la leit sha Hebron, u da ïalam bad u ïa ki ar ngut ki tnga jong u: Ka Ahinoam kaba na Jesreel, bad ka Abigail, ka tnga u Nabal uba la ïap, kaba na Karmel.

1 SYIEM 2:15

U jubab, “Phi tip ba nga la dei ban long syiem bad ba uwei pa uwei baroh ha Israel u khmih lynti ïa kata. Hynrei ka la jia long da kumwei pat, bad u para jong nga u la long syiem namar ka dei ka mon U Trai.

1 KHRONIKL 3:1

Kine harum, kat kum ka rta, ki dei ki khun shynrang jong u Dabid ïa kiba la kha mynba u don ha Hebron: U Amnon, uba ka kmie jong u ka dei ka Ahinoam na Jesreel U Daniel, uba ka kmie jong u ka dei ka Abigail na Karmel U Absalom, uba ka kmie jong u ka dei ka Maakah, ka khun jong u Talmai, u syiem Geshur U Adonijah, uba ka kmie jong u ka dei ka Haggith U Shephataïah, uba ka kmie jong u ka dei ka Abital U Ithream, uba ka kmie jong u ka dei ka Eglah

DEUTERONOMI 3:14

U Jair, uba na ka jait Manasseh, u la kam kynti ïa ka thain Argob baroh kawei, kata ka mut ïa ka Bashan, haduh u pud jong ka Geshur bad ka Maakah. U khot ïa kine ki shnong da ka kyrteng la jong, bad haduh mynta la dang tip ïa ki kum ki shnong u Jair.)

JOSHUA 13:13

Pynban, ki Israel kim shym beh noh ïa ki briew jong ka Geshur bad Maakah; ki dang shong ha Israel.

1 SAMUEL 25:42

Ka la ïeng kloi kloi bad ka shong halor ka kada jong ka. La synran ïa ka da ki shakri kynthei jong ka san ngut; ka la leit ryngkat bad ki shakri jong u Dabid bad ka la long ka tnga jong u.

1 SAMUEL 27:8

Ha kata ka por u Dabid bad ki rangbah jong u ki ju leit hiarthma ïa ki briew jong ka Geshur, ki Girsi, bad ki Amalek, kiba la ju shong ha kata ka thain naduh mynhyndai. U ju leit lute ïa ka ri jong ki haduh Shur, baroh shi lynter lynti haduh ka ri Ijipt,