2 SAMUEL 3:28 - Khasi CL Bible (BSI)

²⁸ Haba u Dabid u tip ïa kata, u ong, “U Trai u tip ba ma nga bad ki khun ki hajar jong nga ngim don jingrem ha ka jingpynïap ïa u Abner.

KA BAIBL

²⁸ Hadien kata, te u Dabid u la ïohsngew, bad u la ong, “Ma nga bad ka hima jong nga ngi khuid keiñ ha khmat U Trai junom na ka snam u Abner u khun u Ner:

2 SAMUEL 3:28 ပူးပေါင်းရင်းမြစ်များ

JENESIS 4:10

Bad U Trai u ong, “Balei me leh ïa kane ka kam kaba shyrkhei? Ka snam u para jong me ka ud ha nga na khyndew kum ka sur kaba khot ïa ka jingpynhiarkput.

JENESIS 9:6

Ïa ki briew la thaw ha ka dur jong U Blei hi, kumta uno uno uba pynïap ïa uwei na ki, u ruh un shah pynïap ha uwei pat.

2 SAMUEL 1:16

bad u Dabid u ong ha uta u nong Amalek, “Me la wallam ïa kane halor lade. Me la pynrem ïa lade haba me phla ba me la pynïap ïa uta uba U Trai u la jied ban long syiem.”

2 SAMUEL 16:8

Me la knieh ïa ka hima jong u Saul, bad mynta U Trai u la pynshitom ïa me namar ka jingpynïap ïa kiba bun na ka longïing jong u Saul. U Trai u la ai ïa ka hima ha u Absalom, u khun jong me, bad me la jot, ma me u nongpynïap briew!”

2 SAMUEL 3:27

Haba u Abner u la wan poi ha Hebron, u Joab u ïalam ïa u kham sharud ha ka khyrdop, kumba u kwah ban ïakren jar jar bad u, bad hangta u la dung ïa u na ka kpoh. Bad kumta la pynïap ïa u Abner namar ba u la pynïap ïa u Asahel, u para u Joab.

2 SAMUEL 3:29

To ka jingpynshitom na ka bynta kane kan hap halor u Joab bad ka longïing jong u baroh! Ha kawei pa kawei ka pateng to yn don u shynrang ha ka longïing jong u, uba don ka jingpang 'ñiangkulia lane ka jingpang 'ñiangthohlieh kaba shyrkhei lane uba hap ban trei tang ïa ka kam ba trei ki kynthei lane uba shah pynïap ha ka thma lane uba kyrduh bam!”

EKSODOS 21:12

“Uta uba shoh ïa la u parabriew kat haduh ba un da ïap u dei ban shah pynïap.

JINGKHEIÑ 35:33

Lada phi leh kumta, phi pynjakhlia ïa ka ri ha kaba phi shong phi sah. Ka jingpynïap briew ka pynjakhlia ïa ka ri, bad ym lah ban pyndep ïa ka jinglehniam ka jingpynkhuid ïa kata ka ri ha kaba u briew u shah pynïap, lait tang da ka jingpynïap ïa u nongpynïap briew.

MATHAÏOS 27:24

Haba u Pilat u la ïohi ba kam donkam ban pynjlan, hynrei ba kan pynmih pynban ka jingkhynwin, u la shim khyndiat ka um, u la thet ïa la ki kti ha khmat u paidbah, bad u la ong, “Ngam don jingkitkhlieh na ka bynta ka jingïap jong une u briew! Kane ka dei ka jingleh jong phi!”