2 SAMUEL 3:18 - Khasi CL Bible (BSI)

¹⁸ Mynta, kane ka dei ka kabu jong phi. Kynmaw ba U Trai u la ong, ‘Ngan pyndonkam ïa u Dabid u shakri jong nga ban pyllait im ïa ki briew jong nga ki Israel na ki Philistia bad na kiwei pat ki nongshun jong ki baroh.’ ”

KA BAIBL

¹⁸ Mynta te, to leh kumta: naba U Trai u la kren shaphang u Dabid, u da ong, ‘Da ka kti u Dabid u shakri jong nga ngan pyllait ïa ki briew jong nga ki Israel na ka kti ki Philistia, bad na ka kti ki nongshun jong ki baroh.’ ”

2 SAMUEL 3:18 ပူးပေါင်းရင်းမြစ်များ

2 SAMUEL 3:9

U Trai u la kular ha u Dabid ba un shim noh ïa ka hima na u Saul bad ki khun ki ksiew jong u, bad un thung ïa u Dabid kum u syiem jong ki Israel bad ki Judah, naduh na kawei ka tduh sha kawei pat ka tduh jong ka ri. Mynta to U Blei un shoh ïap ïa nga lada ngam pynurlong shisha ïa kane!”

2 SAMUEL 8:6

Nangta u la pynïeng ki dara sah shipai ha ki ri jong ki, bad ki la kylla long ki raïot jong u bad ki siew khajna sha u. U Trai u la pynlong ïa u Dabid ban jop kylleng kylleng.

1 SAMUEL 13:14

Hynrei mynta ka jingsynshar jong phi kan ym bteng. Namar ba phim shym kohnguh ïa u, U Trai un wad ïa u briew uba u kwah bad un thung ïa u ban long nongsynshar ïa ki briew jong u.”

1 SAMUEL 15:28

U Samuel u ong ha u, “U Trai u la kad ïa ka hima Israel na me ha kane ka sngi, bad u la ai ïa ka ha uta u briew uba kham bha ban ïa me.

1 SAMUEL 16:1

U Trai u ong ha u Samuel, “Sa katno slem men dang ïai sngewsih ïa u Saul? Nga la kyntait ïa u kum u syiem ki Israel. Hynrei mynta pynïoh katto katne ka umphniang Olib bad leit sha Bethlehem, sha u briew uba kyrteng u Jesse, namar nga la jied ïa uwei na ki khun shynrang jong u ban long syiem.”

1 SAMUEL 9:16

“La shai kumba katne por ngan phah ha me ïa u briew uba na ka jait Benjamin; pynsleh ïa u kum u nongsynshar ïa ki briew jong nga ki Israel, bad un sa pyllait ïa ki na ki Philistia. Nga la ïohi ïa ka jingshah shitom ki briew jong nga, bad nga la ïohsngew ïa ki jinglynñiar jong ki ban ïoh jingïarap.”