2 SAMUEL 3:1 - Khasi CL Bible (BSI)

¹ Ka jingïaleh hapdeng ki kynhun ïaleh kiba ïashah ïa ka longïing jong u Saul bad kito kiba ïashah ïa u Dabid ka la neh slem bha. Katba u Dabid u nang khlaiñ nang khlaiñ, ki nongïaleh pyrshah jong u ki la nang tlot nang tlot.

KA BAIBL

¹ Te ka thma kaba slem ka la don hapdeng ka ïing u Saul bad ka ïing u Dabid: hynrei, u Dabid u la nang khlaiñ nang khlaiñ, bad ka ïing u Saul ka la nang kham tlot kham tlot.

2 SAMUEL 3:1 ပူးပေါင်းရင်းမြစ်များ

JENESIS 3:15

Ngan pynlong ïa me bad ka briew ban ïa-isih iwei ïa iwei pat, u symbai jong ka bad u symbai jong me kin ïailong ki nongshun. U symbai jong ka un pynlwet ïa ka khlieh jong me, bad me pat men puh ïa ka khongdong'jat jong u symbai jong ka.”

2 SAMUEL 2:17

Nangta la khie ka thma kaba shyrkhei, bad u Abner bad ki Israel ki la shahjop ha ki rangbah jong u Dabid.

2 SAMUEL 2:28

Nangta u Joab u put ïa ka turoi, kum ka dak ïa ki rangbah jong u ban sangeh noh na kaba beh kthong ïa ki Israel, bad kumta ka jingïaleh ka la sangeh.

2 SAMUEL 22:44

Me la pyllait im ïa nga na ki briew jong nga kiba ïaleh pyrshah bad me la pynneh ïa ka jingsynshar jong nga halor ki jaitbynriew; ki briew kiba ngam ju ithuh ki la long mynta ki raïot jong nga.

2 SAMUEL 3:6

Katba ka jingïaleh ka dang bteng hapdeng ki kynhun jong u Dabid bad ki kynhun kiba ïashah ïa ka longïing jong u Saul, u Abner u la nang kham khrawbor napdeng ki nongbud jong u Saul.

2 SAMUEL 5:10

U la nang khlaiñ ha ki por baroh, namar U Trai U Blei Badonbor Tam u la don ryngkat bad u.

1 SYIEM 14:30

Ha kine ki por baroh, u Rehoboam bad u Jeroboam ki don ha ka jingïaleh thma borabor hapdeng jong ki.

1 SYIEM 15:16

U Asa u syiem ka Judah bad u Baasha u syiem ka Israel ki don ha ka jingïaleh thma borabor katba ki dang don ha ka bor.

1 SYIEM 15:32

U Asa u syiem Judah bad u Baasha u syiem Israel ki don borabor ha ka jingïaleh thma hapdeng jong ki katba ki dang don ha ka bor.

1 KHRONIKL 11:9

U Dabid u la nang khrawbor, namar ba U Trai Badonbor Baroh u don ryngkat bad u.

1 KHRONIKL 3:1

Kine harum, kat kum ka rta, ki dei ki khun shynrang jong u Dabid ïa kiba la kha mynba u don ha Hebron: U Amnon, uba ka kmie jong u ka dei ka Ahinoam na Jesreel U Daniel, uba ka kmie jong u ka dei ka Abigail na Karmel U Absalom, uba ka kmie jong u ka dei ka Maakah, ka khun jong u Talmai, u syiem Geshur U Adonijah, uba ka kmie jong u ka dei ka Haggith U Shephataïah, uba ka kmie jong u ka dei ka Abital U Ithream, uba ka kmie jong u ka dei ka Eglah

ESTHER 6:13

U ong ha la ka tnga bad baroh ki paralok ïa kiei kiei baroh ba la jia ha u. Nangta ma ka bad kito ki paralok bastad jong u ki ong ha u, “Phi la sdang ban duh bor ha u Mordekai. U dei u Jiw, bad phim lah ban jop ïa u. Da shisha un sa jop ïa phi.”

ESTHER 9:4

Ka long kaba la tip ha kylleng sawdong ka hima ba u Mordekai u long mynta u briew uba donbor ha ka ïingsyiem bad u nang khrawbor.

Ka Kitab U Job 17:9

Kito kiba dawa ba ki long kiba donburom ki la nang sngewdei shuh shuh ba kim shym la bakla.

Ka Kitab U Job 8:7

Baroh ka spah kaba me la duh, kam long ei ei ban ïapyrshang bad kaei kaba U Blei un sa ai pat ha me.

SALM 18:43

Me la pyllait im ïa nga na ka kynhun bynriew kaba ïaleh pyrshah, bad me pynlong ïa nga u nongsynshar halor ki jaitbynriew; ki jaitbynriew kiba ngam ithuh ki la long mynta ki raïot jong nga.

SALM 46:9

U pynsangeh ïa ki thma ha kylleng sawdong ka pyrthei; u pynkheiñ ïa ki ryntieh, u kdiah ïa ki sum, bad u thang ïa ki stieh ha ka ding.

SALM 84:7

Ki nang kham khlaiñ katba ki nang leit; kin sa ïohi ïa U Blei jong ki blei ha Seïon.

GALATIA 5:17

Ïa kaei kaba ka jinglong ba kynja briew jong ngi ka kwah ka long marpyrshah ïa kaei kaba U Mynsiem u kwah, bad kaei kaba U Mynsiem u kwah ka long marpyrshah ïa kaei kaba ka jinglong ba kynja briew jong ngi ka kwah. Kine ar ki ïalong nongshun, bad kane ka mut ba phim lah ban leh ïa kaei kaba phi kwah ban leh.

EPHESOS 6:12

Naba ngim ïaleh pyrshah ïa ki briew hynrei pyrshah ïa ki bor bymman ba kynja mynsiem ha ka pyrthei ba kynja bneng, ki nongsynshar, ki bor synshar, bad ki bor pyrthei jong kane ka juk ba-dum.

JINGPYNPAW 6:2

Nga la khmih, bad hangta la don u kulai balieh. Halor jong u, u nongshong kulai u la bat ïa ka ryntieh, bad ha u la ai ïa ka pansngiat. U la shong halor jong u kum u nongjop ban jop.