2 SAMUEL 24:2 - Khasi CL Bible (BSI)

² Kumta u Dabid u la ai hukum ïa u Joab, u rangbah ai hukum jong ka kynhun shipai jong u: “Khie leit bad ki rangbah pynïaidkam jong phi ha kylleng ki jait Israel na kawei ka tduh jong ka ri sha kawei pat, bad ñiew ïa ki briew. Nga kwah ban tip ki don haduh katno.”

KA BAIBL

² Te u syiem u la ong ha u Joab u kaptan jong u paidïapom, uba la don lem bad u, “Khie leit te kylleng ïa ki jaid Israel baroh, naduh Dan haduh Beer-sheba, bad to kheiñ ïa u paidlang, ba ngan ïoh tip ïa ka jingkheiñ jong u paidlang.”

2 SAMUEL 24:2 ပူးပေါင်းရင်းမြစ်များ

JENESIS 21:14

Dang step phyrngab ha ka sngi kaba bud, u Abraham u ai katto katne ka jingbam bad ka pla snieh ba-dap um ha ka Hagar. U pynbah ïa u khun ha ka met jong ka bad u la phah noh ïa ka. Ka la mihnoh bad ka ïaid sakma ha ka ri khlaw jong ka Beersheba.

2 SAMUEL 17:11

Ka jingai jingmut jong nga ka long ba phin lumlang ïa ki Israel baroh na kawei ka tduh jong ka ri sha kawei pat, ki ban bun kat u shyiap ka rud duriaw, bad ba ma phi da lade hi phin ïalam ïa ki ha ka thma.

2 SAMUEL 2:13

U Joab, u khun jong ka Seruïah, bad kiwei pat ki rangbah synshar jong u Dabid ki la ïakynduh ïa ki ha ka pung, ha kaba baroh ki la ïashong, kawei ka kynhun ha kawei ka liang jong ka pung bad kawei pat ka kynhun ha kawei ka liang.

2 SAMUEL 20:23

U Joab u long u rangbah ai hukum jong ka kynhun shipai Israel; u Benaïah, u khun jong u Jehoïada u khmih ïa ka kynhun ïada ïa u Dabid;

2 SAMUEL 24:15

Kumta U Trai u phah ïa ka jingïapthem ha Israel, kaba neh naduh kata ka step haduh ka por kaba u la jied. Na kawei ka tduh jong ka ri sha kawei pat ka tduh ki la ïap haduh hynñiewphew hajar ngut ki Israel.

2 SAMUEL 8:16

U Joab, u khun ka Seruïah, u long u rangbah ai hukum jong ka kynhun shipai; u Jehoshaphat, u khun jong u Ahilud u long uba khmih sumar ïa ki dulir;

1 KHRONIKL 21:2

U Dabid u la ai ki hukum ïa u Joab bad ïa kiwei pat ki rangbah pynïaidkam, “Khie leit lyngba ka Israel, na kawei ka tduh jong ka ri sha kawei pat ka tduh, bad ñiew ïa ki briew. Nga kwah ban tip haduh katno ngut ki ïadon.”

2 KHRONIKL 32:31

U Hesekaïah u ïoh jingjop ha kiei kiei baroh kiba u la leh, bad wat haba ki nonglamktien ka Babilon ki wan ban kylli shaphang ki jingjia bym ju kham jia kiba jia ha ka ri, U Blei u shah ba u Hesekaïah un leit ha la ka lynti tang ban tynjuh ïa ka jinglong jong u.

PROBERB 29:23

Ka jingsngewmeng kan wanrah ïa ka jinghap jong phi, hynrei lada phi long kiba sngewrit, yn burom ïa phi.

JEREMAÏAH 17:5

U Trai u ong, “Ngan pynrem ïa u briew uba phai noh na nga bad uba buh ïa ka jingshaniah jong u ha u briew, ha ka jingkhlaiñ jong u briew u bym im junom.

2 KORINTH 12:7

Hynrei ban pyllait ïa nga na kaba dap da ka jingsarong namar kiei kiei kiba bun kiba phylla ba nga la ïohi, la buh ha nga ïa ka jingpang kaba jur ha ka met, kaba long kum u nonglamktien jong u Soitan ban pynshitom ïa nga bad ban pyllait ïa nga na ka jingsngew sarong.

NONGBISHAR 20:1

Baroh ki paid Israel naduh Dan kaba shaphang shatei haduh Beersheba kaba shaphang shathie, kumjuh ruh naduh ri Gilead kaba shaphang mihngi, ki la ïawanlang. Ki ïalumlang kum kawei ka kynhun ha khmat U Trai ha Mispah.