2 SAMUEL 24:17 - Khasi CL Bible (BSI)

¹⁷ U Dabid u la ïohi ïa u angel uba u pynïap ïa ki briew, bad u ong ha U Trai, “Dei ma nga uba la leh pop. Nga dei uta uba la leh bakla. Kine ki briew bapli ki la leh aïu? Me dei ban pynshitom ïa nga bad ïa ka longïing jong nga.”

KA BAIBL

¹⁷ U Dabid te u la kren ha U Trai haba u la ïohi ïa uta u angel uba la shoh ïa u paidbah, bad u la ong, “Ha khmih, nga, nga la leh pop, bad nga, nga la leh kiat: hynrei, kine ki langbrot, ki la leh aïu kine? nga kyrpad ïa me, to ka kti jong me kan long halor jong nga, bad halor ka ïing u kpa jong nga.”

2 SAMUEL 24:17 ပူးပေါင်းရင်းမြစ်များ

JENESIS 18:23

U Abraham u wan hajan U Trai, bad u kylli, “Hato men shu pynjot noh ïa kiba hok ruh ryngkat bad ki bymman?

JENESIS 44:33

Namar kata, ko kynrad, ieh ngan sah ma nga hangne kum u mraw jong phi ha ka jaka u para, bad shah ïa u ba un leit phai bad la ki hynmen.

2 SAMUEL 12:13

“Nga la leh pop pyrshah ïa U Trai,” U Dabid u la ong. U Nathan u jubab, “U Trai u map ïa phi; phin ym ïap.

2 SAMUEL 24:10

Hynrei hadien ba u Dabid u la dep shim ïa ka jingkheiñbriew, ka jingïatiplem jong u ka la sdang ban pynshitom ïa u, bad u ong ha U Trai, “Nga la leh ïa ka pop kaba shyrkhei ha kaba leh ïa kane! Sngewbha map ïa nga. Nga la leh bieit.”

2 SAMUEL 7:8

“Kumta ïathuh ha u shakri jong nga u Dabid ba nga U Trai Badonbor Baroh nga ong ha u, ‘Nga la shim ïa me na kaba sharai ïa ki langbrot ha ki pyntha phlang, bad nga la thung ïa me u nongsynshar ïa ki briew jong nga ki Israel.

1 SYIEM 22:17

U Mikaïah u jubab, “Nga ïohi ïa ka kynhun shipai jong ki Israel ba ki sakma ha ki lum kum ki langbrot khlem u nongsharai. Bad U Trai u ong, ‘Kine ki rangbah kim don nongïalam; ai kin leit phai noh sha ïing da kaba suk.’ ”

Ka Kitab U Job 42:6

Kumta nga la sngewlehrain ïa baroh kaba nga la ong bad nga kylla-kaba-mut ha u pui pui bad u dpei.

Ka Kitab U Job 7:20

Hato la pynmynsaw ïa phi da ka pop jong nga, ko phi u nongap byndi? Balei me pyndonkam ïa nga na ka bynta ka sohpdung-jinghikai jong me? Hato nga long ka jingkit kaba khia eh ïa me?

SALM 32:5

Te nga la phla ïa la ki pop ha me, ngam shym la buhrieh ïa la ki jingleh bymdei, nga la kut jingmut ban phla ïa ki ha me bad me la map ïa ki pop jong nga baroh.

SALM 44:11

Me shah ïa ngi ban shah pynïap kput kum ki langbrot; me pynsakma ïa ngi sha ki ri nongwei.

SALM 74:1

Balei ba me la iehnoh ïa ngi kumne, A Blei? Hato men bitar ïa ki briew jong me hi junom?

SALM 78:71

na kaba sharai ïa ki kynhun langbrot jong u, bad u la pynlong ïa u, u syiem ka Israel, u nongap langbrot jong ki briew jong U Blei.

EKSODOS 10:16

Nangta u Pharaoh u phah khot kyrkieh ïa u Moses bad u Aaron, bad u ong, “Nga la leh pop pyrshah ïa U Trai U Blei jong phi, bad ïa phi ruh.

ISAÏAH 6:5

Nga la ong, “Ym don jingkyrmen ïa nga! Nga long ba la tim namar kawei pa kawei ka kyntien kaba mih na ki rmiang shyntur jong nga ka long kaba pop, bad nga shong nga sah hapdeng ki briew kiba kawei pa kawei ka kyntien ka long kaba pop. Bad pynban, da la ki jong ki khmat nga la ïohi ïa U Syiem, U Trai Badonbor Baroh.”

JONAH 1:12

U Jonah u la jubab, “Bret noh ïa nga sha ka duriaw, bad kan sa long jai jai. Nga tip ka dei ka jingleh bymdei jong nga ba phi la ngat ha kane ka 'erïong kaba jur.”

SEKHARAÏAH 13:7

U Trai Badonbor Baroh u ong, “To khie joit, ko waitlam, bad tur ïaleh ïa u nongaplangbrot uba trei na ka bynta jong nga! Pynïap ïa u, bad ïa ki langbrot yn pynsakma. Ngan tur ïaleh ïa ki briew jong nga

JINGKHEIÑ 16:22

Hynrei u Moses bad u Aaron ki dem khrup ha khyndew bad ki ong, “A Blei, me, me long ka thymmei jong ka jingim baroh. Haba uwei na ngi u leh pop, hato men shu bitar lep ïa ka kynhun baroh kawei?”