2 SAMUEL 24:13 - Khasi CL Bible (BSI)

¹³ u Gad u la leit sha u, ban ïathuh ïa u ïa kaei ba U Trai u la ong, bad u kylli, “Kano kata ka ban long? Lai snem ka 'nemsniew ha ka ri jong phi, lane lai bnai kaba phet ïap na ki nongshun jong phi, ne lai sngi ka jingïapthem ha ka ri jong phi? Mynta to pyrkhat, bad ïathuh ha nga kaei ka jubab ba ngan leit rah sha U Trai.”

KA BAIBL

¹³ Kumta, u Gad u la wan ha u Dabid, bad u la ïathuh ha u, bad u la ong ha u, “Kan wan ha me hynñiew snem ka 'nemsniew ha ka ri jong me? lane me mon ban phet ïap lai bnai ha khmat ki nongshun jong me haba ki beh ïa me? lane kan long ka jingïapthem lai sngi ha ka ri jong me? mynta to pyrkhat, bad to sngap da kaba kumno ngan phai ktien ha uta uba la phah ïa nga.”

2 SAMUEL 24:13 ပူးပေါင်းရင်းမြစ်များ

2 SAMUEL 21:1

Ha ka por ka jingsynshar jong u Dabid, la don ka 'nemsniew kaba jur kaba la neh haduh lai snem lynter. Kumta u Dabid u kylli na U Trai shaphang kata bad U Trai u ong, “U Saul bad ka longïing jong u ki long kiba rem ha ka jingpynïap briew; u la pynïap ïa ki paid Gibeon.”

2 SYIEM 8:1

Mynta u Elisha u la lah ïathuh ha ka briew kaba shong ha Shunem, ha kaba ïa u khun jong ka u la pynim pat, ba U Trai un phah ïa ka 'nemsniew ka ban neh hynñiew snem ha ka ri bad ba ka dei ban mihnoh bad ka longïing jong ka bad leit sah shawei pat.

1 KHRONIKL 21:12

Lai snem ka jingkyrduh bam? Lane, lai bnai kaba phet krad na ki nongshun jong me? Lane lai sngi ha kaba U Trai u tur ïaleh ïa me da ka waitlam bad phah ka jingïapthem halor ka ri jong me, da kaba pyndonkam ïa u angel jong u ban wallam ka jingïap ha kylleng ka Israel? Kaei ka jubab ba ngan ai ha U Trai?”

SALM 91:6

ne ïa ki khlam kiba shoh ha kaba dum, ne ïa ki jingsniew kiba pynïap haba shai ka sngi.

EKSODOS 7:25

Hynñiew sngi ki la leit hadien ba U Trai U la shoh ïa ka wah.

ESEKIEL 14:13

“Ko khun u briew,” u la ong, “lada ka ri ka leh pop bad kam ïaineh ha nga, ngan kner ïa ka kti jong nga bad pynduh ïa ka jingpyndap jingbam jong ka. Ngan phah ïa ka 'nemsniew bad pynïap ïa ki briew bad ki mrad kumjuh.

LEBITIKOS 26:20

Baroh ka jingtrei shitom jong phi kan long lehnoh-ei, namar ka khyndew jong phi kan ym pynmih jingthung jingtep bad ki dieng kin ym seisoh.

LEBITIKOS 26:25

Ngan pynkhie da ka thma ban pynshitom ïa phi namar ka jingpynkheiñ jutang jong phi, bad lada phi wad jingïada da kaba ïalumlang ha la ki shnong, ngan phah ïa ki jingpang bym lah pynkhiah hapdeng jong phi bad phin hap pyndem ha ki nongshun jong phi.

LOUKAS 4:25

“Shahshkor ïa nga: Ka long kaba shisha ba ki don shibun ki riewkynthei ha Israel ha ka por jong u Elijah, haba ym shym la don slap haduh lai snem shiteng bad ba ka 'nemsniew bajur ka la saphriang kylleng ka ri baroh kawei.

DEUTERONOMI 28:22

U Trai un shoh ïa phi da ka jingkhrew, da ka khieshoh, da ka jingat thung, bad da ka jingshit kyr-ang; un phah ruh ïa ka jingryngkhiang, ki lyer khluit, ban pynjot ïa ki jingthung jong phi. Kine ki jingpynjot kin ïailong bad phi haduh ba phin da ïap.

DEUTERONOMI 28:25

“U Trai un shah ba ki nongshun kin jop ïa phi. Phin tur pyrshah ïa ki na kawei ka dong, hynrei phin sa her ïap na kiba bun ki dong, bad ki briew ka pyrthei kin sngewsheptieng haba ki ïohi aïu ka jia ïa phi.

DEUTERONOMI 28:27

U Trai un shoh ïa phi da ki tohjaw, kumba u la leh ïa ki nong Ijipt. Un pynlong ïa ka met jong phi ban dap da ka prum. Yn tap ïa phi da ka sarew, bad phin daitbuid, hynrei yn ym don jingpynkhiah.

DEUTERONOMI 28:35

U Trai un tap ïa ki kjat jong phi baroh da ki prum ki bym lah ban pynkhiah bad kiba tyrha; ki tohjaw kin tap ïa phi naduh khlieh haduh kjat.

DEUTERONOMI 28:52

Kin tur pyrshah ïa ki shnong jong phi baroh ha kata ka ri ba U Trai U Blei jong phi u ai ha phi, bad ki kynroh kiba jrong bad kiba skhem ha kiba ai jingshngain ïa phi kin kyllon.

1 SAMUEL 25:17

Sngewbha da pyrkhat shaphang kane bad sa rai ïa kaei ban leh. Kane ka lah ban long kaba shyrkhei ïa u kynrad jong ngi bad ïa ka longïing jong u baroh. U long uba sniew jinglong ba un ym sngap ïano ïano ruh!”