2 SAMUEL 23:5 - Khasi CL Bible (BSI)

⁵ Bad kata ka long kumno ba U Blei un kyrkhu ïa ki khun ki ksiew jong nga namar u la pynlong bad nga ka jutang ka ban neh junom, ka jingïateh kular ka ban ym lah pynkheiñ ka jingkular ka ban ym kylla. Kata baroh ka dei kaba nga angnud; kata kan long ka jingjop jong nga, bad U Blei da kaba thikna un pynurlong ïa ka.

KA BAIBL

⁵ “Shisha ka ïing jong nga kam long kumta bad U Blei, pynban, u la pynlong ka jutang kaba junom bad nga, ba la buh pynbeit ha kiei kiei baroh, bad kaba skhem: namar ba ka long ka jingpynim jong nga baroh, bad ka jingkwah jong nga baroh, la um pynman ïa ka.

2 SAMUEL 23:5 ပူးပေါင်းရင်းမြစ်များ

JENESIS 9:16

Haba u simpyllieng u paw ha ki lyoh, ngan khmih ïa u, bad ngan kynmaw ïa ka jutang baïaineh junom hapdeng jong nga bad ki jingthaw ba-im baroh ha ka pyrthei.

2 SAMUEL 12:10

Mynta, ha man la ka pateng, katto katne na ki khun ki ksiew jong me kin ïap ka jingïap kaba sngewma namar ba mem shym kohnguh ïa nga bad ba me la shim ïa ka tnga jong u Uriah.

2 SAMUEL 13:14

Hynrei um sngap ïa ka; bad namar ba u kham khlaiñ ban ïa ka, u la jop, bad u la batbor ïa ka.

2 SAMUEL 13:28

bad u bthah ïa la ki shakri: “Khmih haba u Amnon u la buaid palat, bad nangta haba nga ai hukum, pynïap ïa u. Wat sheptieng. Ngan shim jingkitkhlieh hi da lade. To long shlur bad wat sngewlehrain!”

2 SAMUEL 18:14

“Ngan ym pynsyrwa ei ïa ka por bad me,” u Joab u ong. U rah lai tylli ki sum, bad u pynngam ïa ki ha ka shadem jong u Absalom katba u dang im, haba u dang sdien ha u dieng Sning.

2 SAMUEL 7:12

Ynda me ïap, bad la tep ïa me bad ki kpa tymmen jong me, ngan thung syiem ïa uwei na ki khun shynrang jong me, bad ngan pynkhlaiñ ïa ka hima jong u.

2 SAMUEL 7:18

Nangta u Syiem Dabid u leit shapoh ka Ïingjaiñ ka Jingdon Ryngkat U Trai, u shong bad u duwai, “A Trai Nongsynshar, ngam long uba bit ïa kaei kaba me la leh na ka bynta jong nga lymne wat ka longïing jong nga.

1 SYIEM 1:5

Mynta ba u Absalom u la ïap, u Adonijah, u khun jong u Dabid bad ka Haggith, u dei u khun heh uba dang im. U long u briew uba bhabriew. U Dabid um pat ju sneng tyngeh ïa u shaphang kano kano, bad u la kwah eh ban long syiem. U la pynkhreh ïa lade ki kali ïapom, ki kulai, bad ka kynhun synran kaba don sanphew ngut ki rangbah.

1 SYIEM 11:38

Lada me kohnguh tylli ïa nga, me im hapoh ki hukum jong nga, bad me ïoh ïa ka jingmynjur jong nga da kaba leh ïa kaei kaba nga hukum, kumba u Dabid u shakri jong nga u la leh, ngan ïai don ryngkat bad me. Ngan pynlong ïa me u syiem ki Israel bad ngan pynthikna ba kiba hiarpateng na me kin synshar hadien jong me, kumba nga la leh ïa u Dabid.

1 SYIEM 12:14

U ong, “I pa i la buh ha phi ïa ka jingkit kaba khia; nga ngan kham pynkhia shuh shuh ïa kita. I pa i la shoh ïa phi da u riphin; nga ngan sympat ïa phi da u shabuk!”

SALM 111:9

U pyllaitluid ïa la ki briew, bad u pynlong ka jutang bymjukut bad ki. Uba khuid bad uba khrawbor u long ma u!

SALM 119:81

Nga la ringswai, A Trai, da kaba ap ïa me ban pynim ïa nga; nga buh ka jingshaniah ha ka ktien jong me.

SALM 27:4

Nga la pan na U Trai ïa kawei; tang kawei hi nga kwah: ban shong ha ka ïing U Trai baroh shi rta, ban sngewphylla hangta ïa ka jingbha jong u, bad ban kyrpad ïa ka jingïalam jong u.

SALM 62:2

Tang ma u hi uba ïada bad pynim ïa nga; u long u nongkyrshan jong nga, bad ngan ym shahjop da lei lei.

SALM 89:3

Me la ong, “Nga la pynlong ka jutang bad u briew uba nga la jied, nga la kular ha u Dabid u shakri jong nga,

ISAÏAH 11:1

Ka pateng longsyiem jong u Dabid ka long kum u dieng ba la khet; hynrei kumba ki tnat bathymmai ki khie lung na ka dyngkhong, kumta u syiem bathymmai un mih napdeng ki khun ki ksiew jong u Dabid.

ISAÏAH 27:6

Ha ki sngi ki ban sa wan ki paid Israel, ki khun ki ksiew u Jakob, kin suhthied kum u dieng, bad kin phuh bad shylluit. Ïa ka pyrthei yn pyndap da u soh uba ki pynmih.

ISAÏAH 4:2

Ka por ka poi ha kaba U Trai un pynlong ïa uwei pa uwei u jingthung bad u dieng ha ka ri ban long uba heh bad ba-itynnat. Baroh ki paid Israel kiba lait im kin dap da ka jingkmen bad jingsarong ha ki mar rep ba ka ri ka pynmih.

ISAÏAH 54:10

Ki lumbah bad ki lumrit ki lah ban twa, hynrei ka jingieit jong nga ïa pha kan ym kut noh; ngan pynneh junom ïa la ka kular jong ka jingsuk.” Kumta te ong U Trai uba ieit ïa pha.

ISAÏAH 55:3

“To shahshkor mynta, ko ki briew jong nga, bad to wan sha nga; to wan sha nga, bad phin ïoh jingim! Ngan pynlong ka jutang baneh bad phi bad ngan ai ha phi ïa ki jingkyrkhu kiba nga la kular ha u Dabid.

ISAÏAH 61:8

U Trai u ong, “Nga ieit ïa ka jingbishar hok bad nga isih ïa ka jingbanbeiñ bad ka jingleh runar. Da shisha ngan sa ai bainong ïa ki briew jong nga bad ngan pynlong ka jutang kaba neh junom bad ki.

ISAÏAH 7:14

Te kumta, U Trai un ai hi ka dak ha phi: Ka theisotti kaba punkhun kan kha u khun bad kan khot kyrteng ïa u, ‘U Immanuel.’

JEREMAÏAH 32:40

Ngan pynlong ïa ka jutang bymjukut bad ki. Ngan ym sangeh lano lano ruh ban leh ïa kiei kiei kiba bha na ka bynta jong ki, bad ngan pynlong ïa ki ban tiengburom ïa nga da ka dohnud jong ki baroh, khnang ba kin ym phai dien shuh na nga.

JEREMAÏAH 33:21

Ha kajuh ka rukom nga la pynlong ka jutang bad u shakri jong nga u Dabid ba un don borabor u nonghiarpateng u ban long syiem, bad nga la pynlong ka jutang bad ki lyngdoh na ka jait Lebi ba borabor kin shakri ïa nga; bad ïa kita ki jutang yn ym lah ban pynkheiñ lano lano ruh.

ESEKIEL 37:26

Ngan pynlong ka jutang bad ki ka ban pynneh ïa ka jingsngewskhem jong ki junom. Ngan tei skhem ïa ki bad ngan pynroi ïa ka jingbun briew jong ki, bad ngan buh ïa ka Templ jong nga ha ka ri jong ki, ha kaba kan neh junom.

AMOS 9:11

U Trai u ong, “Ka sngi ka la poi haba ngan pynïeng pat ïa ka hima u Dabid kaba long kum ka ïing kaba la khyllem ha ki jingjot. Ngan shna pynbha ïa ki kynroh jong ka bad ngan pynïeng pat ïa ka. Ngan tei pat ïa ka bad ngan pynlong ïa ka kumba ka la ju long mynshuwa.

KI KAM 13:34

Bad kane ka long kaei kaba U Blei u la ong shaphang kaba pynmihpat ïa u na ka jingïap, ym ban pyut noh ha ka jingtep: “ ‘Ngan ai ha me ïa kita ki jingkyrkhu bakyntang bad kiba thikna kiba nga la kular ha u Dabid.’ ”

HEBRU 13:20

U Blei uba la pynmihpat na ka jingïap ïa U Jisu uba U Trai jong ngi, uba long u Nongaplangbrot uba khraw jong ki langbrot da kata ka jingïap ha kaba la kñia ïa u, da kaba la pynskhem ïa ka jutang bymjukut. To ai ba U Blei ka jingsuk un pyndap ïa phi da kaei kaei kaba bha baroh kaba phi donkam khnang ban leh ïa ka mon jong u, bad ai ba ma u, da U Jisu Khrist, un leh ha ngi ïa kaei kaei kaba pynsngewbha ïa u. Bad ha U Khrist to long ka burom junom la junom, Amen.

HEBRU 6:19

Ngi don kane ka jingkyrmen kum u angkor ïa ki jingim jong ngi. Ka long kaba skhem bad kaba thikna, bad ka ïaid lyngba ka jingkah jong ka Templ ba kynja bneng shaduh ka kamra kaba kham shapoh.

1 SAMUEL 2:35

Ngan jied ïa u lyngdoh u ban kohnguh ïa nga bad leh ïa kata baroh kaba nga kwah ïa u. Ngan ai ha u ki khun ki ksiew ki ban ïai shakri ha khmat u syiem uba la jied jong nga.

1 SAMUEL 25:28

Sngewbha map ïa nga, ko kynrad, na ka bynta kano kano ka jingbakla kaba nga la leh. U Trai un pynlong ïa phi u syiem, bad ïa ki khun ki ksiew jong phi ruh, naba phi ïaleh ïa ki thma jong u; bad phin ym leh kano kano kaba sniew katba phi dang im.