2 SAMUEL 23:3 - Khasi CL Bible (BSI)

³ U Blei ki Israel u la kren; u nongïada jong ki Israel u ong ha nga: “U syiem uba synshar da ka jinglehhok, uba synshar da kaba kohnguh ïa U Blei,

KA BAIBL

³ U Blei u Israel u la ong, U Mawsiang u Israel u la kren ha nga: ‘Uta uba synshar ïa ki briew da ka hok, uba synshar ha ka jingsheptieng ïa U Blei,

2 SAMUEL 23:3 ပူးပေါင်းရင်းမြစ်များ

JENESIS 33:20

U pynïeng ïa ka duwan hangta, bad u la khot kyrteng ïa ka da ka kyrteng El, U Blei jong ki Israel.

2 SAMUEL 22:32

U Trai tang ma u hi u long U Blei; U Blei tang ma u hi uba long ka jingïada jong ngi.

2 SAMUEL 8:15

U Dabid u la synshar halor ka ri Israel baroh, bad u da pynthikna ba ki briew jong u kin ïohmad ïa ka jinglehhok bad ka jingbymshah shiliang.

1 SYIEM 10:9

Ïaroh ïa U Trai U Blei jong phi! Uba la pynpaw katno u sngewbha eh ïa phi bad pynlong ïa phi u syiem ki Israel. Namar ba U Trai u ieit ïa ki Israel junom, u la pynlong ïa phi u syiem jong ki khnang ban synshar bha bad bishar hok.”

NEHEMAÏAH 5:14

Ha baroh ki khat-ar snem ba nga long u lat jong ka ri Judah, naduh ka snem kaba khat-ar ba u Artakserksis u long u patsha haduh ka snem kaba arphew ar, ki ba-ha-ïing jong nga lymne ma nga, ngi ïabam ïa ka jingbam ba ngi dei ban ïoh kum u lat.

Ka Kitab U Job 34:17

Hato phi rai pynrem ïa U Blei uba hok? Hato phi pyrkhat ba U isih ïa ka jingbishar hok?

SALM 110:2

Na Seïon U Trai un pynïar ïa ka bor syiem jong me. “To synshar halor ki nongshun jong me,” u ong.

SALM 42:9

Ha U Blei, u nongïada jong nga, nga ong, “Balei ba me la klet noh ïa nga? Balei ba ngan ïaishah shitom na ka jingshyrkhei ki nongshun jong nga?”

SALM 72:1

To hikai ïa u syiem ban bishar da ka hok jong me, A Blei; ïabynta bad u ïa ka jingbishar hok ka jong me,

SALM 72:2

ba kumta un synshar halor ki briew jong me da ka jingbishar hok bad synshar ïa kiba la shah banbeiñ da ka hok.

EKSODOS 18:21

Hynrei nalor kata, phi dei ban jied katto katne ngut ki rangbah kiba tbit, bad thung ïa ki kum ki nongïalam jong u paidbah: ki nongïalam ïa ki hajar, ïa ki spah, ïa ki sanphew, bad ïa ki phew. Ki dei ban long ki briew kiba sheptieng ïa U Blei, kiba lah ban shaniah, bad kiba ym lah ban pynbam sap.

EKSODOS 20:2

“Nga long U Trai U Blei jong phi uba la wan ïalam ïa phi na ka ri Ijipt, ka ri ha kaba phi la long ki mraw.

EKSODOS 3:15

Ong ïa ki Israel ba ma nga, U Trai, U Blei jong ki kpa tymmen jong ki, U Blei jong u Abraham, u Isaak bad u Jakob, u la phah ïa me sha ki. Kane ka long ka kyrteng jong nga junom la junom; kumne ruh ki pateng bynriew ki ban dang wan ki dei ban khot ïa nga.

PROBERB 31:9

Kren na ka bynta jong ki bad long u nongbishar uba hok. Ïada ïa ki hok jong kiba duk bad kiba kyrduh.”

ISAÏAH 32:1

Kan don ka sngi ha kaba yn don u syiem u ban synshar ha ka jinglong ba-beit, bad ki nongïalam ka ri ki ban synshar ha ka jinglehhok.

JEREMAÏAH 23:5

U Trai u ong, “Ka por kan wan haba ngan jied kum u syiem ïa uba hiarpateng na u Dabid uba hok. Uta syiem u ban synshar da ka jingstad, bad u ban leh ïa kaei kaba dei bad kaba hok ha kylleng ka ri.

SEKHARAÏAH 9:9

To kmen to shadkmen ko ki briew ka Seïon! Pyrta da ka jingkmen phi ki briew jong ka Jerusalem! Ha khmih u syiem jong phi u wan sha phi! U wan ha ka jingrisa bad ha ka jingjop, hynrei ha ka jingsngewrit bad u da shong halor ka kada — halor u khun kada.

DEUTERONOMI 32:4

“U Trai u long u nongïada bakhlaiñbor jong phi, ki lynti jong u ki long kiba janai, bad bahok; U Blei jong phi u long uba ïaineh bad uba shisha; u leh ïa kaba hok bad kaba beit.

HEBRU 1:8

Hynrei ïa U Khun, U Blei u la ong: “Ka hima jong me, A Blei, kan neh junom la junom! Me synshar halor la ki briew da ka hok.