2 SAMUEL 23:20 - Khasi CL Bible (BSI)

²⁰ U Benaïah, u khun jong u Jehoïada, uba na Kabseel, u dei uwei pat u shipai uba pawnam; u la leh shibun ki kam shlur; kynthup ka jingpynïap ïa ki ar ngut ki khla-ka-wait jong ki Moab. Shisien u la leit hiar sha ka thliew ha ka sngi ba hap ïor bad u pynïap ïa u sing.

KA BAIBL

²⁰ Bad u Benaïah u khun u Jehoïada, u khun jong u rangbah badonbor na Kabsil, uba la leh ïa ki kam ki bakhraw, u la pynïap ïa ki ar ngut ki khun u Ariel na Moab: u la leit hiar ruh bad u la pynïap ïa u sing hapoh ka thliew ha ka por hap ïor.

2 SAMUEL 23:20 ပူးပေါင်းရင်းမြစ်များ

2 SAMUEL 1:23

“U Saul bad u Jonathan, ki long kiba phylla bad ba sngewieit; Ryngkat ryngkat ha ka jingim, bad ryngkat ryngkat ha ka jingïap; ki kham stet ban ïa ki pukni, ki kham khlaiñ ban ïa ki sing.

2 SAMUEL 20:23

U Joab u long u rangbah ai hukum jong ka kynhun shipai Israel; u Benaïah, u khun jong u Jehoïada u khmih ïa ka kynhun ïada ïa u Dabid;

2 SAMUEL 23:19

U long uba pawnam tam na ki “Laiphew Ngut”, bad u la kylla long u nongïalam jong ki, hynrei um shym da pawnam kat ki “Lai Ngut.”

2 SAMUEL 23:21

U la pynïap ruh ïa u nong Ijipt, u briew uba heh uba kieng atiar da u sum. U Benaïah u la tur ïaleh ïa u da u dieng tangon, u knieh ïa u sum na ka kti jong u nong Ijipt, bad u la pynïap ïa u da uta.

2 SAMUEL 23:22

Kito ki dei ki kam shlur jong u Benaïah, uba long uwei na ki “Laiphew Ngut.”

2 SAMUEL 8:18

u Benaïah, u khun jong u Jehoïada u long uba khmih ïa ki nongïada jong u Dabid; bad ki khun shynrang jong u Dabid ki la long ki lyngdoh.

1 SYIEM 1:26

Hynrei, kynrad, um shym khot sngewbha ïa nga, lane ïa u Sadok u lyngdoh lane ïa u Benaïah lane ïa u Solomon.

1 SYIEM 1:38

Kumta u Sadok, u Nathan, u Benaïah, bad ki nongïada syiem ki pynshong ïa u Solomon halor u khashor jong u Syiem Dabid bad ki la synran ïa u sha ka Umpohliew Gihon.

1 SYIEM 1:8

Hynrei u Sadok u lyngdoh, u Benaïah u khun jong u Jehoïada, u Nathan u nongïathuhlypa, u Shimei, u Rei, bad ki nongïada jong u Dabid, kim don ha ka liang jong u Adonijah.

1 SYIEM 2:46

Nangta u syiem u ai hukum ha u Benaïah, uba la mih shabar bad pynïap ïa u Shimei. U Solomon mynta u la ïoh ka jingsynshar kaba pura.

1 KHRONIKL 12:8

Kine ki long ki kyrteng jong ki shipai bapawnam bad ba la tbit na ka jait Gad kiba pynïasoh bad ki kynhun shipai jong u Dabid mynba u la don ha ka kut ha ri shyiap. Ki long kiba tbit bha ban pyndonkam ïa ki stieh bad ki sum, kiba don ka durkhmat ba-itriem kum jong ki sing bad kiba stet kum ki khiat ha ki lum.

1 KHRONIKL 18:17

u Benaïah u khun jong u Jehoïada u khmih halor ka kynhun ap phira jong u Dabid; ki khun shynrang jong u Dabid ki bat ïa ki kyrdan ba-halor ha ka jingshakri ïa u.

EKSODOS 15:15

Ki nongïalam jong ka Edom ki la sngewshyrkhei; ki rangbah bakhlaiñbor jong ka Moab ki sngewkyiuh; ki briew ka Kanaan ki duh noh ïa ka jingshlur jong ki.

JOSHUA 15:21

Ki nongbah kiba sha jngai eh shaphang shathie kiba dei ki jong ki, kito kiba hajan u pud jong ka Edom, ki long ka Kabseel, ka Eder, ka Jagur,