2 SAMUEL 23:10 - Khasi CL Bible (BSI)

¹⁰ Ki Israel ki la kynran dien, hynrei u la ïeng skhem bad u la ïaleh ïa ki Philistia haduh ba ka kti jong u ka la pyrkhing haduh katta katta ha kaba um lah shuh ban pyllait ïa la ka waitlam. U Trai u la jop ka jingjop kaba khraw ha kata ka sngi. Hadien ba ka la kut, ki Israel ki la wan phai sha ka jaka kaba u Eleasar u don bad ki la sloit ïa ki jingkieng atiar na kiba la ïap.

KA BAIBL

¹⁰ u la ïeng, bad u la shoh ïa ki Philistia, haduh ba la thait ka kti jong u, bad ka kti jong u ka la dait skhem ha ka waitlam: te U Trai u la pynlong ïa ka jingjop kaba khraw ha kata ka sngi; bad u paidbah u leit phai hadien jong u tang ban shu lute.

2 SAMUEL 23:10 ပူးပေါင်းရင်းမြစ်များ

2 SAMUEL 23:12

hynrei u Shammah u la ïeng skhem ha ka lyngkha, u la ïada ïa ka, bad u la pynïap ïa ki Philistia. U Trai u la jop ka jingjop kaba khraw ha kata ka sngi.

2 SYIEM 5:1

U Naaman, u rangbah ai hukum jong ka kynhun shipai Syria, u long u briew ïa uba la burom shikatdei eh bad ñiewkor shibun da u syiem Syria, namar lyngba u Naaman, U Trai u la ai ka jingjop ïa ki shipai Syria. U la long u shipai bakhraw, hynrei u don ka jingpang 'ñiangthohlieh.

1 KHRONIKL 11:13

Une u don lem ha ka liang u Dabid ban ïaleh pyrshah ïa ki Philistia ha ka thma Pas Dammim. U la don ha lyngkha Barli mynba ki Israel ki la sdang ban phet ïap,

SALM 108:13

Ryngkat bad U Blei ha ka liang jong ngi, ngin ïoh jingjop; un jop ïa ki nongshun jong ngi.

SALM 144:10

Me ai jingjop ïa ki syiem bad me pyllait ïa u shakri jong me u Dabid.

SALM 68:12

“Ki syiem bad ki shipai jong ki, ki ïaphet krad!” Ki kynthei ha ïing ki ïasam ïa kaei kaba la ïoh kurup:

ISAÏAH 53:12

Bad kumta ngan ai ha u ïa ka burom, ka jaka hapdeng kiba khraw bad kiba donbor. U la aiti mon sngewbha ïa la ka jingim bad u la shim bynta lem bad ki riewbymman. U la shim ïa ka jaka jong ki nongpop kiba bun bad u la duwai ba ki kin ïoh ïa ka Jingmap-ei.”

Ka Shithi U Paul Sha Ki Nong Rom 15:18

Ngan long shlur bad ngan kren tang shaphang kaei kaba U Khrist u la leh lyngba jong nga, ban ïalam ïa ki Jentil ban kohnguh ïa U Blei. U la leh ïa kane da ki ktien bad ki kam,

2 KORINTH 4:5

Naba ym dei ïa lade ba ngi ïalap; ngi ïalap ïa U Jisu Khrist kum U Trai, bad ma ngi kum ki shakri jong phi na ka bynta U Jisu.

JOSHUA 10:10

U Trai u la pynkulmar jingmut ïa ki Amor ha ka jingïohi ïa ka kynhun shipai Israel. Ki Israel ki pynïap ïa ki ha Gibeon bad ki la beh ïa ki arsut ïa ka khim lum ha Beth Horon, da kaba ïai ïaleh shaduh shaphang shathie ha Asekah bad Makkedah.

JOSHUA 10:42

U Joshua u la jop ïa kine ki syiem baroh bad ïa ka ri jong ki tang shisien ïaleh namar U Trai, U Blei ki Israel, u ïaleh na ka bynta ki Israel.

JOSHUA 11:8

U Trai u ai ha ki Israel ka jingjop halor jong ki; ki Israel ki tur ïaleh bad ki bad ki beh kthong ïa ki shaphang shatei haduh Misrephoth Maim bad Sidon, bad shaphang mihngi haduh ka them Mispah. Ka jingïaleh ka neh haduh ba ym don shuh uwei ruh u nongshun uba lait im.

NONGBISHAR 15:14

Ynda u poi ha Lehi, ki Philistia ki wan mareh sha u, ki da ïarisa ïa u. Hangta hi ka bor jong U Trai ka pynshaitbor ïa u, bad u bthat ïa ki tyllai kiba la khum ïa ki ksang'ti bad ki kti jong u kum ki 'saihon kiba la kem ding.

NONGBISHAR 15:18

Nangta, u Samson u la sliang um palat, kumta u kyrpad ïa U Trai bad u ong, “Me la ai ha nga ïa kane ka jingjop kaba khraw; hato ngan shu ïap mynta na ka jingsliang um bad ban hap ha ki kti jong kine ki Philistia bymngeit?”

1 SAMUEL 11:13

Hynrei u Saul u ong, “Ym dei ban pynïap ïano ïano ha kane ka sngi, naba kane ka dei ka sngi ba U Trai u la pyllait im ïa ki Israel.”

1 SAMUEL 14:23

ki da ïaleh shi lynter lynti shaduh palat ka Bethaben. U Trai u la pyllait im ïa ki Israel ha kata ka sngi.

1 SAMUEL 14:6

U Jonathan u ong ha u samla, “Ïa ngin ïaleit sha shiliang sha ka jaka sher dara jong kito ki Philistia ba mane blei thala. Lehse U Trai un ïarap ïa ngi; lada u ïarap, ym don ei ei kaba lah ban khang ïa u ban ai ha ngi ka jingjop, kam pher la ngi don tang khyndiat ruh.”

1 SAMUEL 17:53

Ynda ki Israel ki wan phai na kaba beh kthong ïa ki Philistia, ki lute ïa ka jaka sher dara jong ki.

1 SAMUEL 19:5

U la kheiñduh ïa la ka jingim mynba u pynïap ïa u Goliath, bad U Trai u la pynïoh ïa ka jingjop kaba khraw na ka bynta ki Israel. Mynba phi ïohi ïa kata, phi la sngewkmen. Balei te mynta, phi kwah ban leh bymdei ïa u briew uba lui lui bad ban pynïap ïa u Dabid khlem kano kano ka daw?”