2 SAMUEL 23:1 - Khasi CL Bible (BSI)

¹ U Dabid, u khun jong u Jesse, u la long u briew uba U Blei u la pynlong khraw, uba U Blei u Jakob u la jied ban long syiem bad u la long u nongthaw ïa ki jingrwai ba-bang na ka bynta ki Israel. Kine ki long ki kyntien khatduh jong u Dabid:

KA BAIBL

¹ Te kine ki long ki ktien ki bakhatduh ki jong u Dabid. U Dabid u khun u Jesse u ong, bad uta u briew ïa uba la kyntiew sha jrong u ong, uta uba la sleh jong U Blei u Jakob, bad u nongrwai babang jong u Israel:

2 SAMUEL 23:1 ပူးပေါင်းရင်းမြစ်များ

JENESIS 49:1

Te u Jakob u khot ïa la ki khun shynrang bad u ong, “Ïalumlang baroh, ba ngan ïathuh aïu kan jia ïa phi ha ka lawei:

2 SAMUEL 22:34

U pynstet ïa ki kjat jong nga kum ka skei; u sumar ïa nga ha ki lumbah.

2 SAMUEL 22:51

U Blei u ai ki jingjop bakhraw ha u syiem jong u; u pynpaw ka jingieit baïaineh ha uba u la jied, ha u Dabid bad ha ki khun ki ksiew jong u junom.

1 KHRONIKL 16:7

Ka long naduh kata ka por ba u Dabid u la ai nyngkong eh ha u Asaph bad ki para Lebi jong u ïa ka jingkitkhlieh na ka bynta ki jingrwai ïaroh ïa U Trai.

1 KHRONIKL 16:9

Rwai ka jingïaroh ïa U Trai; ïathuh ïa ki jingphylla kiba u la leh.

SALM 2:6

“Ha Seïon, u lum bakyntang jong nga,” u ong, “nga la thung ïa u syiem jong nga.”

SALM 72:20

Kane ka dei kaba kut jong ki jingduwai u Dabid u khun jong u Jesse.

SALM 89:20

Nga la pynlong ïa u Dabid u shakri jong nga ban long syiem, da kaba pynsleh ïa u da ka umphniang bakhuid.

SALM 89:21

Ka jingkhlaiñ jong nga kan ïai don sah bad u, ka bor jong nga kan pynkhlaiñ ïa u.

AMOS 6:5

Phi sngewtynnat ban thaw ïa ki jingrwai, kumba u Dabid u la thaw, bad tem ïa ki ha ki duitara.

LOUKAS 20:42

Naba u Dabid hi u ong ha ka kitab Ki Salm, “ ‘U Trai u la ong ha u Trai jong nga: to shong hangne ha ka liang kamon jong nga

LOUKAS 24:44

Nangta u la ong ha ki, “Kine ki long kita kiei kiei kiba nga la ïathuh ha phi mynba nga dang don lem bad phi: Kaei kaei baroh kaba la thoh shaphang jong nga ha ka Hukum u Moses, ha ki jingthoh jong ki nongïathuhlypa, bad ha Ki Salm ka dei ban urlong shisha.”

DEUTERONOMI 33:1

Kine ki long ki jingkyrkhu ba u Moses, u briew jong U Blei, u ai ha ki Israel shuwa ba un ïap.

KOLOSSAI 3:16

Ka khubor jong U Khrist ha ka jingdap pura jong ka baroh, ka dei ban im hapoh ki dohnud jong phi. To hikai bad kyntu iwei ïa iwei pat da ka jingstad baroh. To rwai ki salm, ki jingrwai, bad ki jingrwai bakyntang; to rwai sha U Blei da ka jingainguh ha ki dohnud jong phi.

JAKOB 5:13

Hato don napdeng jong phi ba shem jynjar? U dei ban duwai. Hato don uba kmen? U dei ban rwai ïaroh.

1 SAMUEL 17:12

U Dabid u dei u khun jong u Jesse, uba dei u nong Ephrath na Bethlehem kaba ha Judah. U Jesse u don phra ngut ki khun shynrang, bad ha ka por ba u Saul u long syiem, u la tymmen bha.

1 SAMUEL 18:7

Ha ka jinglehkmen jong ki, kita ki kynthei ki ïaphawar, “U Saul u la pynïap da ki hajar, bad u Dabid da ki phew hajar.”

1 SAMUEL 2:10

Ïa ki nongïaleh pyrshah ïa U Trai yn pynjot; kum u pyrthat na bneng un tied pyrshah ïa ki. U Trai un bishar ïa ka pyrthei baroh kawei; Un ai ka bor ha la u syiem, Un pynlong ïa u syiem ba la jied jong u ban ïoh ïa ka jingjop.”