2 SAMUEL 22:43 - Khasi CL Bible (BSI)

⁴³ Nga pynlwet ïa ki, bad ki kylla long kum u pui pui, nga ïuh halor jong ki kum ïa ka ktieh ha ki lynti.

KA BAIBL

⁴³ Hangta nga la pynlwet jin ïa ki kum ka 'dewmet ka khyndew, nga la ïuh roit ïa ki kum ka ktieh ka lynti bah, bad nga pynsaphred kylleng ïa ki.

2 SAMUEL 22:43 ပူးပေါင်းရင်းမြစ်များ

2 SAMUEL 7:9

Nga la don ryngkat bad me kat shaba me leit, bad nga la jop ïa ki nongshun jong me baroh katba me nang ïaid shaphrang. Ngan pynlong ïa me uba pawnam kat ki nongïalam kiba khraw tam ha ka pyrthei.

2 SYIEM 13:7

U Jehoahas um don ki shipai kieng atiar kiba dang sah, lait sa tang ki sanphew ngut ki shipai shong kulai, shiphew tylli ki kali ïapom, bad shiphew hajar ngut ki shipai ïaid kjat, namar u syiem ka Syria u la pynjot ïa kiwei, da kaba ïuh halor jong ki kum ïa u pui pui.

SALM 18:42

Nga khñiot ïa ki, ba kumta kin long kum u pui pui uba la rong noh da ka lyer. Nga ïuh halor jong ki kum ïa ka ktieh ha ki lynti.

SALM 35:5

Ai ba kin long kum u phlangïap ba rong ka lyer, katba u angel U Trai u nang beh kthong ïa ki!

ISAÏAH 10:6

Nga la phah ïa ka Assyria ban tur ïaleh ïa ka jaitbynriew bym don blei, ki briew kiba la pynbitar ïa nga. Nga la phah ïa ki ban lute, ban tuh bad ban ïuhroit ïa ki briew kum ïa u pui pui ha ki lynti.”

ISAÏAH 26:15

A Trai, me la pynlong ïa ka hima jong ngi ban roi, da kaba pynïar ïa ka ri ha baroh sawdong, bad kane ka la wallam ïa me ka burom.

ISAÏAH 41:2

“Uei uta uba wanrah ïa u nongjop na sha mihngi, bad pynlong ïa u ban leh risa kat shaba u leit? Mano ba ai jingjop ïa u halor ki syiem bad ki jaitbynriew? Ka waitlam jong u ka mait ïa ki la kumba ki long ka pui pui, ki khnam jong u ki pynsaphred ïa ki kum u phlangïap ha khmat ka lyer.

ISAÏAH 41:25

“Nga la jied ïa u briew uba shong basah shaphang mihngi; ngan wallam ïa u ban tur ïaleh na shaphang shatei. Un ïuh halor ki nongsynshar la kumba dei ka ktieh, kum u nongthaw khiew uba ïuh ïa ka dewbyrtha.

DANIEL 2:35

Kumta hi ka nar, ka dewbyrtha, ka rnong, ka rupa bad ka ksiar ki la khyllem bad ki la long kum u pui pui ha ka jaka shoh kew ha ka por lyiur. Ka lyer ka la kit noh ïa u, khlem da pynsah dien ei ei. Hynrei u maw u la san ban long u lumbah uba tap ïa ka pyrthei baroh kawei.

MIKAH 7:10

Te ki nongshun jong ngi kin ïohi ïa kane bad kin shah pynjahburom — kijuh ki nongshun kiba la pynthut ïa ngi da kaba kylli, “Hangno U Trai U Blei jong phi u don?” Ngin ïohi ba ki la shahjop, shah ïuh kum ka ktieh ha ki lynti bah.

SEKHARAÏAH 10:5

Ki paid Judah kin jop kum ki shipai kiba kyrdem ïa ki nongshun jong ki ha ka ktieh jong ki lynti bah. Kin ïaleh namar U Trai u don bad ki, bad kin jop wat ïa ka kynhun shipai shong kulai jong u nongshun.

SEKHARAÏAH 2:6

U Trai u la ong ha la ki briew, “Nga la pynsakma ïa phi ha ki liang baroh. Hynrei mynta, ma phi kiba shah ringmraw, phet noh na Babilonia bad leit phai pat sha Jerusalem.

MALAKHI 4:1

U Trai Badonbor Baroh u ong, “Ka sngi ka la nang wan ha kaba ïa kiba sarong baroh bad ïa ki briew kiba sniew yn thang kum u phlangïap. Ha kata ka sngi kin shah thang lut, bad yn ym don kaba sah na ki.

LOUKAS 21:24

Katto katne ngut kin shah pynïap da ka waitlam, bad kiwei pat kin shah rah kum ki koidi sha ki ri baroh; bad ki bymngeit blei kin ïuh ïa ka Jerusalem tad ynda ka por jong ki ka la kut.

DEUTERONOMI 32:26

Ngan jin da la pynjot thiaw ïa ki, khnang ban ym don ba kynmaw shuh ïa ki.