2 SAMUEL 22:31 - Khasi CL Bible (BSI)

³¹ Une U Blei — ki kam jong u ki long kiba janai; ki ktien jong u kiba lah ban shaniah! U long kum ka stieh ïa baroh kiba wad jingïada jong u.

KA BAIBL

³¹ U Blei uba janai la ka lynti; ïa ka ktien jong U Trai la pynphrang; u long ka stieh ha kita baroh kiba shaniah ha u.

2 SAMUEL 22:31 ပူးပေါင်းရင်းမြစ်များ

2 SAMUEL 22:3

U Blei jong nga u long ka jingïada jong nga; bad nga shngain bad u, U ïada ïa nga kum ka stieh; u da ïa nga bad ri pynim ïa nga. U long u nongpynim jong nga. U ïada ïa nga bad u pyllait im ïa nga na ka jingumsnam.

NEHEMAÏAH 9:8

Me shem ba u ïaineh ha me, bad me pynlong ka jingïateh kular bad u. Me kular ban ai ha u ïa ka ri ki Kanaan, ka ri jong ki Hit bad ki Amor, ka ri ki Peris, ki Jebus bad ki Girgash, kan long ka ri ha kaba ki khun ki ksiew jong u kin shong kin sah. Me bat ïa la ka kular, namar me long uba ïaineh.

Ka Kitab U Job 34:10

To shahshkor ïa nga, phi ki rangbah kiba don jingshemphang! Hato U Blei Badonbor Baroh u leh ïa kaei ka bymdei?

SALM 119:140

A katno kaba thikna ka jingkular jong me! A katno nga ieit ïa ka!

SALM 12:6

Ki jingkular jong U Trai ki long kiba lah ban shaniah; ki long kiba shisha kum ka rupa ba la phrang hynñiew sien ha ka shlem.

SALM 145:17

U Trai u long uba hok ha baroh kaba u leh, uba isynei ha baroh ki jingleh jong u.

SALM 18:30

Une U Blei — katno kiba janai long ki kam jong u! Katno ki ktien jong u ki long kiba lah ban shaniah! U long kum ka stieh ïa kito baroh kiba wad ïa ka jingïada jong u.

SALM 2:7

“Ngan pynbna,” ong u syiem, “ïa kaei kaba U Trai u la pynbna. U ong ha nga: ‘Me long u khun jong nga; ha kane ka sngi nga la long u kpa jong me.

SALM 35:2

To shim ïa la ka stieh bad ka 'tiehbah jong me, bad to wan ban pyllait im ïa nga.

SALM 84:9

To kyrkhu ïa u syiem jong ngi, A Blei, u syiem ïa uba me la jied.

SALM 91:4

Un tap ïa me da ki thapniang jong u; men long shngain hapoh ka jingsumar jong u; ka jinglong baïaineh jong u kan ïada bad kyrshan ïa me.

PROBERB 30:5

“U Blei u bat man la ka kular ba u pynlong. U long kum ka stieh ïa baroh kiba wad ïa ka jingïada jong u.

EKLESIASTIS 3:14

Nga tip ba kaei kaei kaba U Blei u leh kan neh junom. Phim lah ban bynrap ei ei ha ka lane shim noh ïa kano kano na ka. Bad kawei kaba U Blei u leh ka long ban pynlong ïa ngi ban ïeng ha ka jingburom ïa u.

DANIEL 4:34

“Haba ki hynñiew snem ki la leit,” la ong u syiem, “Nga la khmih shajrong sha sahit bneng, bad ka jingtipbriew jong nga ka la wan phai. Nga la ïaroh ïa U Blei Bahakhlieh Tam Eh bad nga la ai ka jingpyndonburom bad ka burom ïa uta uba im junom. “Un synshar junom, bad ka hima jong u kan neh ha ki por baroh.

DANIEL 4:37

“Bad mynta, ma nga, u Nebukhadnessar, nga ïaroh, nga pyndon burom, bad nga ai burom ïa U Syiem jong ka Bneng. Kaei kaei baroh kaba u leh ka long kaba dei bad kaba hok, bad u lah ban pynhiar ïa uno uno uba leh sarong.”

MATHAÏOS 5:48

Phi dei ban long kiba janai — kumba U Kpa jong phi uba ha bneng u long uba janai!

DEUTERONOMI 32:4

“U Trai u long u nongïada bakhlaiñbor jong phi, ki lynti jong u ki long kiba janai, bad bahok; U Blei jong phi u long uba ïaineh bad uba shisha; u leh ïa kaba hok bad kaba beit.

JINGPYNPAW 15:3

bad ki da rwai ïa ka jingrwai u Moses, u shakri jong U Blei, bad ïa ka jingrwai U Khunlangbrot: “U Trai uba U Blei Badonbor Baroh, katno kiba khraw bad kiba phylla long ki kam jong me! U Syiem jong ki jaitbynriew, katno kiba dei bad kiba shisha ki long lynti jong me!