2 SAMUEL 21:6 - Khasi CL Bible (BSI)

⁶ Kumta aiti ha ngi hynñiew ngut na ki khun ki ksiew shynrang jong u, bad ngin phasi ïa ki ha khmat U Trai ha Gibeah, ka shnong trai jong u Saul, u syiem ba la jied da U Trai.” “Ngan aiti ïa ki,” u syiem u ong.

KA BAIBL

⁶ to aiti hynñiew ngut ki rangbah na ki khun jong u ha ngi, te ngin phasi ïa ki ha U Trai ha Gibeah u Saul, uba la jied jong U Trai.” Bad u syiem u la ong, “Ngan aiti ïa ki.”

2 SAMUEL 21:6 ပူးပေါင်းရင်းမြစ်များ

JENESIS 40:19

Hapoh lai sngi u syiem un sa pyllait noh ïa phi — un phah khrai khlieh ïa phi! Nangta un sa sdien ïa ka met jong phi ha u dieng, bad ki sim kin bam ïa ka doh jong phi.”

JENESIS 40:22

Baroh ka la jia kumba u Joseph u la lah ong.

2 SAMUEL 17:23

Haba u Ahithophel u la ïohi ba ïa ka jingai jingmut jong u ym shym la pdiang, u la teh jin ïa la ka kada bad u leit phai noh sha la shnong. Ynda u la dep pynbeit ïa la ki kam ïing kam sem, u la sdien phasi ïa lade. La tep ïa u ha ka jingtep ka longïing jong u.

2 SAMUEL 18:10

Uwei na ki rangbah jong u Dabid u la ïohi ïa u bad u la ïathuh ha u Joab, “Kynrad, nga la ïohi ïa u Absalom ba u sdien ha u dieng Sning!”

2 SAMUEL 19:28

Baroh kiba na ka longïing jong i pa jong nga ki dei hok ban shah pynïap ha phi ko Syiem Kynrad, hynrei phi ai ha nga ka hok ban bam ha ka miej bam jong phi. Ngam don hok ban pan shuh shuh ïa ki jinglehbha na u Syiem Kynrad.”

1 KHRONIKL 12:3

Ki don hapoh ka jingpynïaid jong u Ahieser bad u Joash, ki khun u Shemaah, uba na Gibeah. Kine ki shipai ki long: U Jesiel bad u Pelet, ki khun jong u Asmabeth U Berakah bad u Jehu na Anathoth U Ishmaïah na Gibeon, u shipai bapawnam bad uwei na ki nongïalam napdeng ki “Laiphew ngut” U Jeremaïah, u Jahasiel, u Johannan, bad u Josabad, kiba na Gederah U Elusai, u Jerimoth, u Bealaïah, u Shemaraïah, bad u Shepataïah kiba na Hariph U Elkanah, u Isshaïah, u Asarel, u Joeser, bad u Jashobeam, na ka kur u Korah U Joelah bad u Sebadaïah, ki khun jong u Jeroham, kiba na Gedor.

ESRA 6:11

Nga hukum ruh ba lada uno uno um kohnguh ïa kane ka hukum, dei ban sei ïa u bim dieng na ka ïing jong u, ban pynnep ha kawei ka liang, bad ban sam lyngba ïa ka met jong u. Bad ïa ka ïing jong u ban pynlong kum ka kynton ñiut.

MATHAÏOS 27:5

U Judas u la bret ïa ki sbai rupa ha madan hapoh ka Templ bad u la mihnoh; nangta u la leit bad u la sdien phasi ïa lade.

KI KAM 13:21

Bad haba ki la pan syiem, U Blei u la ai ha ki ïa u Saul u khun jong u Kish na ka jait Benjamin, ban long u syiem jong ki haduh sawphew snem.

DEUTERONOMI 21:22

“Lada u briew u leh ïa kano kano ka kam runar bad na ka bynta kata u shah phasi ha u dieng,

JOSHUA 10:26

Nangta u Joshua u pynïap ïa ki syiem bad u sdien ïa ki ha ki san tylli ki dieng, ha kaba ki met jong ki, ki la sah haduh janmiet.

JOSHUA 8:29

U la phasi ïa u syiem jong ka Ai ha uwei u dieng bad u ieh ïa ka met jong u hangta haduh janmiet. Ha ka por sep sngi u Joshua u ai hukum ban weng noh ïa kata ka metïap, bad la bret ïa ka ha ka jaka rung sha ka khyrdop ka nongbah. Ki la tap ïa ka da ka kynton maw kaba heh, kaba dang sah hangta mynta.

1 SAMUEL 10:1

Nangta u Samuel u shim shi klong ka umphniang Olib bad u theh ïa ka ha ka khlieh u Saul, u doh ïa u, bad u ong, “U Trai u la pynsleh ïa me kum u nongsynshar ki briew jong u, ki Israel. Men synshar ïa ki briew jong u bad men ïada ïa ki na ki nongshun jong ki. Bad kane kan long ka jingpynshisha ïa me ba U Trai u la pynsleh ïa me ban long u nongsynshar ïa ki briew jong u:

1 SAMUEL 10:24

U Samuel u ong ha uta u paidbah, “Hangne u long uta u briew uba U Trai u la jied. Ym don uba kum ma u hapdeng jong ngi.” Baroh u paidbah u risa, “To un im slem u syiem!”

1 SAMUEL 10:26

U Saul ruh u leit phai sha la ïing ha Gibeah. Katto katne ki rangbah kiba khlaiñ ryngkat bad ki nongïapom kiba U Blei u la ktah ïa ki dohnud jong ki, ki la leit lang bad u.

1 SAMUEL 11:4

Kita ki nonglamktien ki poi ha Gibeah ha kaba u Saul u shong, bad haba ki la ïathuh ha ki briew ïa kata ka khubor, baroh ki ïalynñiar da ka jingsngewsih.

1 SAMUEL 24:21

Hynrei kular ïa nga ha ka kyrteng U Trai ba phin ri pynim ïa ki khun ki ksiew jong nga, ba kumta ka kyrteng jong nga bad ka kyrteng ka jait jong nga kan ym jah junom.”

1 SAMUEL 24:22

U Dabid u la kular ba un leh kumta. Nangta u Saul u leit phai sha ïing, bad u Dabid bad ki rangbah jong u ki la leit phai biang sha la ka jakarieh.