2 SAMUEL 21:16 - Khasi CL Bible (BSI)

¹⁶ U ramhah uba kyrteng u Ishbibenob, uba rah ïa u sum rnong uba khia kumba lai kilo shiteng bad uba kieng ka waitlam bathymmai, u la pyrkhat ba u lah ban pynïap ïa u Dabid.

KA BAIBL

¹⁶ Bad u Ishbi-benob, uba la long na ki khun u radbah, uba ka jingkhia u sum jong u ka la long laispah shekel ka rnong, bad haba u la panpoh da ka waitlam ka bathymmai, u la mut ban pynïap ïa u Dabid.

2 SAMUEL 21:16 ပူးပေါင်းရင်းမြစ်များ

JENESIS 14:5

Ha ka snem kaba khatsaw, u Khedorlaomer lem bad kita ki syiem kiba don ha ka liang jong u ki la wan ryngkat bad la ki shipai bad jop ïa ki Rephaim ha Ashteroth Karnaim, ïa ki Susim ha Ham, ïa ki Emim ha ka pyntha jong ka Kiriathaim,

JENESIS 6:4

Ha kito ki sngi, bad wat hadien kata ruh, la don ki ramhah ha ka pyrthei kiba long ki khun ki ksiew jong kita ki khun kynthei jong ki briew bad kita ki jingthaw ba kynja bneng. Ki la long ki riewshlur bakhraw bad ki briew kiba pawnam ha ki por mynbarim.

2 SAMUEL 21:18

Hadien kane, la don ka thma bad ki Philistia ha Gob, ha kaba u Sibbekai uba na Hushah u la pynïap ïa u ramhah uba kyrteng u Saph.

2 SAMUEL 21:20

Nangta la don ruh sa kawei pat ka thma ha Gath ha kaba la don uwei u ramhah uba sngewtynnat ban ïaleh. U don hynriew tylli ki shynriah'ti ha kawei kawei ka kti, bad hynriew tylli ki shynriah'jat ha kawei kawei ka kjat.

2 SAMUEL 21:22

Kine saw ngut ki long ki khun ki ksiew jong ki ramhah ka Gath, bad ki la shah pynïap ha u Dabid bad ha ki rangbah jong u.

2 SAMUEL 5:18

Ki Philistia ki la poi ha ka Them Rephaim bad ki ïohknieh ïa ka.

JINGKHEIÑ 13:22

Nyngkong ki la leit sha ka bynta kaba shathie jong kata ka ri bad ki poi haduh Hebron, ha kaba shong ba sah ki kur ki jait u Ahiman, u Sheshai, bad u Talmai, kiba hiarpateng na kawei ka jait ki ramhah ïa kaba la khot Anakim. (Ïa ka Hebron la tei hynñiew snem shuwa ïa ka Soan ha Ijipt.)

JINGKHEIÑ 13:28

Hynrei ki briew kiba shong hangta ki long kiba khlaiñ bad ki shnong jong ki, ki long kiba heh bad kiba la ker da ki kut kiba skhem bha. Kaba kham sngewshyrkhei, ngi la ïohi hangta ïa ki khun ki ksiew jong ki ramhah.

DEUTERONOMI 1:28

Ngin ïaleit lei shata? Ngi te ngi sheptieng. Kito ki rangbah kiba ngi la phah ki ïathuh ïa ngi ba ki briew hangta ki kham khlaiñ bad kham jrong ban ïa ngi, bad ba ki shong ha ki nongbah kiba ki kynroh jong ki, ki kynjoh ïa ka suiñbneng. Ki la ïohi ruh hangta ïa ki ramhah.’

DEUTERONOMI 2:10

(Ki jaitbynriew Emim kiba ju shong ha Ar ki dei ki ramhah kiba khrawbor. Ki long kiba jrong kat ki Anakim, kawei pat ka jait ki ramhah.

DEUTERONOMI 2:11

Kum ïa ki Anakim, la ju khot ruh ïa ki, ki Rephaim; hynrei ki nong Moab ki khot ïa ki, ki Emim.

DEUTERONOMI 2:21

Ki long kiba jrong kat ki Anakim, kiba bun paid, bad kiba khlaiñ. Hynrei U Trai u la pynjot ïa ki baroh, kumta ki Ammon ki ïohknieh ïa ka ri jong ki bad ki shong hangta.

DEUTERONOMI 3:11

(U Og u long u syiem uba khatduh na ki Rephaim. Ka jingthiah jong u, kaba la shna da u nar, ka long saw mitar ka lynter bad ar mitar ka pyngkiang, kat kum ka jingthew ba dei rukom. Dang lah ban ïohi ïa ka ha ka nongbah Rabbah jong ki Ammon.)

DEUTERONOMI 9:2

Ki briew pat ki long kiba radbah bad kiba jrong rynïeng; ki dei ki ramhah, bad phi la bna ba don kiba ong ba ym don mano mano uba lah ban ïeng ïaleh ïa ki.

JOSHUA 11:22

Ym don napdeng ki Anakim kiba dang sah ha ka ri Israel; pynban, tang katto katne, la iehnoh ha Gasa, Gath bad Ashdod.

JOSHUA 15:14

U Kaleb u beh krad ïa ki khun ki ksiew jong u Anak na ka nongbah — ki kur Sheshai, Ahiman, bad Talmai.

1 SAMUEL 17:7

U sum jong u, u rben kat u khung ha ka kor u nongthain jaiñ; bad tang u sop nar jong u, u khia kumba hynñiew kilo. U shipai u ïaid ha shuwa jong u da kaba rah ïa ka stieh.