2 SAMUEL 21:12 - Khasi CL Bible (BSI)

¹² u leit shim ïa ki shyieng jong u Saul bad jong u Jonathan, u khun jong u na ki briew ka Jabesh ha Gilead. (Ki la tuh ïa ki na ka jaka paidbah ha Beth Shan, ha kaba ki Philistia ki la sdien ïa ki met jong ki ha ka sngi ba ki la pynïap ïa u Saul halor u Lum Gilboa.)

KA BAIBL

¹² Bad u Dabid u la leit shim ïa ki shyieng jong u Saul bad ki shyieng jong u Jonathan u khun jong u na ki rangbah Jabesh-gilead, kiba la lah tuh ïa ki na ka lynti bah ka Beth-shan, ha kaba ki Philistia ki la phasi ïa ki, ha kata ka sngi ba ki Philistia ki la pynïap ïa u Saul ha Gilboa:

2 SAMUEL 21:12 ပူးပေါင်းရင်းမြစ်များ

2 SAMUEL 1:21

“Wat ai ban hap u slap ne ka umjer halor ki lum Gilboa; Ai ba ki lyngkha jong ka kin ïailong shrah! Naba ki stieh jong kiba shlur ki don hangta ha ka jingjahburom; ïa ka stieh u Saul ym shym la shut phyrnai shuh da ka umphniang.

2 SAMUEL 1:6

U la jubab, “Ka leit jia ryngkhat ba nga don ha u Lum Gilboa, bad nga la ïohi ïa u Saul ba u dang shaniah ha la u sum katba ki kali ïapom bad ki shipai shong kulai jong ki nongshun ki la hajan jong u.

2 SAMUEL 2:4

Nangta ki rangbah ka Judah ki la wan sha Hebron bad ki la pynsleh ïa u Dabid kum u syiem ka Judah. Haba u Dabid u ïohsngew ba ki briew ka Jabesh ha Gilead ki la tep ïa u Saul,

2 SAMUEL 21:11

Haba u Dabid u ïohsngew ïa kaei ba ka Rispah ka la leh,

2 SAMUEL 21:13

U Dabid u la shim ïa ki shyieng jong u Saul bad u Jonathan, bad u la lumlang ruh ïa ki shyieng jong ki hynñiew ngut ki rangbah kiba la shah phasi.

1 KHRONIKL 10:1

Ki Philistia ki ïaleh thma pyrshah ïa ki Israel halor u lum Gilboa. Shibun na ki Israel ki la shah pynïap hangta bad kiba sah na ki, kynthup ïa u syiem Saul bad ki khun shynrang jong u, ki la phet ïap.

1 KHRONIKL 10:12

ki rangbah bashlur tam ki leit bad shim ïa ki metïap jong u Saul bad jong ki khun jong u, bad ki wanrah ïa ki sha Jabesh. Ki tep ïa ki hangta hapoh u dieng Sning, bad ki shahjingit hynñiew sngi lynter.

1 KHRONIKL 10:8

Ha ka sngi kaba bud hadien ka thma, ki Philistia ki leit bad lute ïa ki metïap, bad ki lap ïa ki met jong u Saul bad ki khun shynrang jong u ba ki don halor u Lum Gilboa.

JOSHUA 17:11

Hapoh ka ri Issakhar bad Asher, ki Manasseh ki ïohkynti ïa ka Beth Shan bad ka Ibleam, lem bad ki nongrit kiba sawdong jong ki, kumjuh ruh ïa ka Dor (kata kaba harud duriaw), ka Endor, ka Taanakh, ka Megiddo, bad ki nongrit kiba sawdong jong ki.

1 SAMUEL 28:4

Ki shipai Philistia ki ïalumlang bad ki wan sher dara ha Shunem; u Saul pat u lumlang ïa ki Israel baroh bad ki sher dara ha u Lum Gilboa.

1 SAMUEL 31:1

Ki Philistia ki ïaleh thma pyrshah ïa ki Israel ha u Lum Gilboa. Kiba bun na ki Israel ki la shah pynïap hangta bad kiwei pat na ki, kynthup ïa u syiem Saul bad ki khun jong u ki la phet krad.

1 SAMUEL 31:3

U Saul u don hapdeng ka jingïaleh kaba jur, bad u hi u la shah siat da ki khnam u nongshun, bad u la mynsaw jur.

1 SAMUEL 31:4

U ong ha u samla uba rah atiar jong u, “Sei ïa la ka waitlam bad dung ïap ïa nga, kumta ba kine ki Philistia bymriewblei kin ym ïoh dung bad pynïap ïa nga.” Hynrei uta u samla u la sheptieng eh ban leh ïa kata. Kumta u Saul u shim ïa la ka waitlam bad u rynsied ïa lade ha ka.