2 SAMUEL 20:9 - Khasi CL Bible (BSI)

⁹ U Joab u ong ha u Amasa, “Phi long kumno, ko paralok jong nga?” bad u bat ïa u Amasa na u 'ñiuhtmoh jong u da la ka kti kamon ban doh ïa u.

KA BAIBL

⁹ Bad u Joab u la ong ha u Amasa, “Kumno, me bha, ko para?” Bad u Joab u la bat ïa u Amasa da ka kti kamon na u 'ñiuh tmoh ïa ka ban doh ïa u.

2 SAMUEL 20:9 ပူးပေါင်းရင်းမြစ်များ

2 SAMUEL 15:5

Haba u briew u wan hajan u Absalom ban nguh ha khmat jong u, u Absalom u ju kner la ki kti, u bat ïa u, bad u doh ïa u.

2 SAMUEL 17:25

(U Absalom u la buh ïa u Amasa ban ai hukum ïa ka kynhun shipai ha ka jaka jong u Joab. U Amasa u dei u khun jong u Jether u nong Ishmael; ka kmie jong u ka dei ka Abigail, ka khun jong u Nahash bad ka para jong ka Seruïah, ka kmie jong u Joab.)

2 SAMUEL 18:29

“Hato u samla Absalom u dang im?” U syiem u kylli. U Ahimaas u jubab, “Kynrad, haba u Joab u rangbah pynïaidkam jong phi u phah ïa nga, nga ïohi ïa ka jingkhihwin kaba jur, hynrei ngam tip ka dei kaei.”

2 SAMUEL 3:27

Haba u Abner u la wan poi ha Hebron, u Joab u ïalam ïa u kham sharud ha ka khyrdop, kumba u kwah ban ïakren jar jar bad u, bad hangta u la dung ïa u na ka kpoh. Bad kumta la pynïap ïa u Abner namar ba u la pynïap ïa u Asahel, u para u Joab.

1 SYIEM 2:32

U Trai un pynshitom ïa u Joab na ka bynta kito ki jingpynïap, kiba u la leh khlem ka jingtip u Dabid u kpa jong nga. U Joab u la pynïap ar ngut ki rangbah balui lui kiba kham bha ban ïa u — u Abner, u rangbah ai hukum jong ka kynhun shipai Israel, bad u Amasa, u rangbah ai hukum jong ka kynhun shipai Judah.

SALM 55:21

Ki ktien jong u ki long kiba kham jlih ban ïa ka makhon, hynrei ka don ka jingisih ha ka dohnud jong u; ki ktien jong u ki pynum kum ka umphniang, hynrei ki ot kum ki waitlam banep.

PROBERB 26:23

Ka jingkren bymshisha kaba buhrieh ïa kaei ba phi pyrkhat shisha ka long kum ka jingsop ïit ha u khiew khyndew uba tat-dor.

PROBERB 27:6

U paralok u thmu ïa kaba bha, wat haba u pynmong ïa phi. Hynrei haba u nongshun u buh ïa ka ksang'ti jong u halor ka tyrpeng jong phi — da husiar!

JEREMAÏAH 41:2

Katba ki dang ïabam jingbam lang, u Ishmael bad ki shiphew ngut ki rangbah lem bad u ki la sei ïa la ki waitlam bad ki la pynïap ïa u Gedalaïah.

MIKAH 7:2

Ym don shuh u briew uba hok uba dang don ha ka ri, ym don mano mano baïaineh bad U Blei. Uwei pa uwei u ap ïa ka kabu ban pynïap briew. Uwei pa uwei u behmrad ïa la u para shnong.

NONGBISHAR 3:15

Nangta ki Israel ki la kyang jam ha U Trai, bad u la phah ïa uwei u briew ban pyllait ïa ki. Une u dei u Ehud, u briew uba trei da kadiang, u khun jong u Gera na ka jait Benjamin. Ki paid Israel ki phah ïa u Ehud ban leit ai ïa ki jingai sngewbha sha u Eglon u syiem Moab.