2 SAMUEL 20:6 - Khasi CL Bible (BSI)

⁶ Kumta u syiem u ong ha u Abishai, “U Sheba un kham pynjynjar ïa ngi ban ïa u Absalom. Shim ïa ki rangbah jong nga bad leit thwet ïa u, lym kumta u lah ban leit shong shnong ha ki shnong ba la ker kynroh, bad lait phet na ngi.”

KA BAIBL

⁶ Te u Dabid u la ong ha u Abishai, “Une u Sheba u khun u Bikhri un kham pynsniew ïa ngi ban ïa kaba u la leh u Absalom: to shim ma me ïa ki shakri u kynrad jong me, bad to beh nadien jong u, ïoh ba un ïoh ïa ki shnong ba la ker kynroh, bad un lait noh na ngi.”

2 SAMUEL 20:6 ပူးပေါင်းရင်းမြစ်များ

2 SAMUEL 10:14

Haba ki Ammon ki ïohi ba ki Syria ki la her ïap, ki ruh ki la phet krad na u Abishai bad ki leit rung noh shapoh ka nongbah. Nangta u Joab u wan phai noh na ka jingïaleh ïa ki Ammon, bad u leit noh sha Jerusalem.

2 SAMUEL 11:11

U Uriah u jubab, “Ki rangbah Israel bad Judah ki don jngai ha ka thma, bad ka Synduk ka Jutang ka don bad ki; u Joab u rangbah nongai hukum ïa nga bad ki rangbah pynïaidkam jong u ki ïasah ha madan. Kumno nga lah ban shu leit sha ïing, ban bam ban dih, bad ban thiah bad la ka tnga? Ka long kaba kyntang ïa nga, nga smai ba ngan ym leh ïa kaba kum kata ka kam!”

2 SAMUEL 18:12

Hynrei uta u briew u jubab, “Wat la phi ai ïa nga shihajar tylli ki sbai rupa, ngan ym rah iwei i shynriah'ti pyrshah ïa u khun jong u syiem. Baroh ngi la ïohsngew ba u syiem u hukum ïa phi, ïa u Abishai bad ïa u Ittai, ‘Na ka bynta jong nga wat pynmynsaw ïa u samla Absalom.’

2 SAMUEL 18:2

Nangta u phah ïa ki ha ki lai kynhun, ryngkat bad u Joab lem bad u Abishai, u para jong u Joab bad u Ittai uba na Gath, kiba long ki nongai hukum ha la ka kynhun kynhun. Bad u syiem u ong ha la ki rangbah, “Nga ruh da lade ngan leit lang bad phi.”

2 SAMUEL 19:7

Mynta, to leit ban pynskhem biang ïa ki rangbah jong phi. Nga smai ha ka kyrteng U Trai ba lada phim leh kumta, yn ym don shuh uwei ruh na ki u ban don bad phi lashai mynstep. Kata kan long ka jingjynjar kaba sniew tam kaba phin shah ha ka jingim jong phi baroh.”

2 SAMUEL 2:18

Ki lai ngut ki khun shynrang jong ka Seruïah ki la don hangta: u Joab, u Abishai, bad u Asahel. U Asahel, uba lah ban mareh stet kum ka skei khlaw,

2 SAMUEL 21:17

Hynrei u Abishai u khun jong ka Seruïah u wan ïarap ïa u Dabid, u tur ïaleh ïa u ramhah, bad u pynïap ïa u. Nangta ki rangbah jong u Dabid ki la pynkular ïa u Dabid ba un ym leit shuh da lei lei ruh bad ki sha ka thma. “Phi long ka jingkyrmen jong ka Israel, bad ngim kwah ban duh noh ïa phi,” ki la ong.

2 SAMUEL 23:18

U Abishai, u para jong u Joab (ka kmie jong ki ka dei ka Seruïah) u long u nongïalam jong ki “Laiphew Ngut kiba pawnam”. U la ïaleh da la u sum pyrshah ïa ki laispah ngut ki rangbah bad u la pynïap ïa ki, bad u la long uba pawnam napdeng “Laiphew Ngut”.

2 SAMUEL 3:30

Kumta u Joab bad u Abishai u para jong u ki la pynhiarkput ïa u Abner namar ka jingpynïap ïa u Asahel u hynmen u para jong ki ha ka thma ha Gibeon.

2 SAMUEL 3:39

Wat la nga long u syiem uba la jied da U Blei, nga sngewtlot mynta ka sngi. Kine ki khun shynrang jong ka Seruïah ki long ka jingma ïa nga. To U Trai un pynshitom ïa kine ki nongkamsniew kumba ki dei ban ïoh!”

1 SYIEM 1:33

u ong ha ki, “Ïalam bad phi ïa ki rangbah synshar ka ïingbishar jong nga; pynshong ïa u Solomon, u khun jong nga halor u khashor jong nga, bad synran ïa u shathie sha ka Umpohliew Gihon,

1 KHRONIKL 11:20

U Abishai u para jong u Joab u dei u nongïalam jong ki “Laiphew ngut kiba pawnam”. U ïaleh da la u sum pyrshah ïa ki laispah ngut ki rangbah bad u pynïap ïa ki, bad u la kylla long uba pawnam hapdeng ki “Laiphew ngut”.

1 KHRONIKL 18:12

U Abishai, u khun jong ka Seruïah, u jop ïa ki Edom ha ka Them Mluh bad pynïap khatphra hajar ngut na ki.

JEREMAÏAH 8:14

“Balei ba ngi ïashong khop?” Ki briew jong U Blei ki ïakylli. “Ale, ngin ïaphet sha ki nongbah ba la ker kynroh, bad ïap hangta. U Trai U Blei jong ngi u la pynrem ïa ngi ban ïap; u la ai ha ngi ka bih ban dih, namar ngi la leh pop pyrshah ïa u.

MARKOS 3:24

Lada ka ri ka phiah ïa lade ha ki kynhun kiba ïaleh pyrshah para ma ki, kata ka ri kan kyllon noh.

1 SAMUEL 26:6

Nangta u Dabid u kylli ïa u Ahimelekh u nong Hit bad ïa u Abishai u para u Joab, (ka kmie jong ki ka dei ka Seruïah), “Mano napdeng jong phi ar ngut ban leit bad nga sha ka jaka shong dara u Saul?” “Ma nga,” u Abishai u jubab.