2 SAMUEL 20:21 - Khasi CL Bible (BSI)

²¹ Kata kam dei ka jingthmu jong ngi. U briew uba kyrteng u Sheba, u khun jong u Bikri, uba na ka ri lum Ephraim, u la sdang ka jingïaleh pyrshah ïa u Syiem Dabid. Aiti ïa une u briew, bad ngan kynriah noh na ka nongbah.” “Ngin bret ïa ka khlieh jong u sha phi nalor ka kynroh,” ka ong.

KA BAIBL

²¹ Ka kam, kam long kumta: hynrei, u briew uba na ka ri lum Ephraim, u Sheba u khun u Bikhri da ka kyrteng, u la rah la ka kti pyrshah ïa u syiem, pyrshah ïa u Dabid keiñ: to aiti noh tang ïa uta, te ngan leit noh na kane ka nongbah.” Te kata ka kynthei ka la ong ha u Joab, “Ha khmih, ïa ka khlieh jong u yn bred noh ha me nalor ka kynroh.”

2 SAMUEL 20:21 ပူးပေါင်းရင်းမြစ်များ

2 SAMUEL 20:1

Ka leit jia ryngkhat ba don ha Gilgal, uwei u riewkai uba kyrteng u Sheba, u khun jong u Bikri, uba na ka jait Benjamin. U put ïa ka turoi bad u pyrta, “Weng ïa u Dabid! Ngin ym bud ïa u! Ïa noh sha ïing, ko Israel!”

2 SAMUEL 20:2

Kumta ki Israel ki la iehnoh ïa u Dabid bad ki la leit bad u Sheba; hynrei ki rangbah Judah ki la ïaineh bad ki bud ïa u Dabid na Jordan sha Jerusalem.

2 SAMUEL 20:20

“Ym kumta!” u Joab u jubab. “Ngan ym pynsniew lane pynjot ïa ka nongbah jong phi!

2 SAMUEL 23:18

U Abishai, u para jong u Joab (ka kmie jong ki ka dei ka Seruïah) u long u nongïalam jong ki “Laiphew Ngut kiba pawnam”. U la ïaleh da la u sum pyrshah ïa ki laispah ngut ki rangbah bad u la pynïap ïa ki, bad u la long uba pawnam napdeng “Laiphew Ngut”.

1 SYIEM 11:26

Uwei pat u briew uba ïaleh pyrshah ïa u Syiem Solomon u dei uwei na ki rangbah synshar jong u, u Jeroboam u khun jong u Nebat, uba na Seredah kaba ha Ephraim. Ka kmie jong u ka dei ka riewkynthei kaba kyrteng ka Seruah.

2 SYIEM 10:7

Haba ki la ïohpdiang ïa ka shithi jong u Jehu, ki nongïalam jong ka Samaria ki la pynïap ïa baroh ki hynñiewphew ngut ki khun ki ksiew jong u Ahab, ki buh ïa ki khlieh jong ki ha ki shang, bad ki la phah ïa ki sha u Jehu ha Jesreel.

2 SYIEM 5:22

“Em,” u Gehasi u jubab. “Hynrei u kynrad jong nga u la phah ïa nga ba dang myntan ar ngut na ka kynhun ki nongïathuhlypa ha ka ri lum Ephraim ki la wan poi, bad u kwah ïa phi ban ai ha ki lai hajar tylli ki lyngkhot rupa bad ar riam ki jaiñ ba-itynnat.”

JEREMAÏAH 4:15

Ki nonglamktien na ka nongbah Dan bad na ki lum Ephraim ki pynbna ïa ka khubor basniew.

JEREMAÏAH 50:19

Ngan pynphai pat ïa ki paid Israel sha ka ri jong ki. Kin bam ïa ka jingbam kaba mih ha u lum Karmel bad ha ki phang ka Bashan, bad kin bam ïa baroh kaba ki kwah na ki jingthung kiba mih ha ki jaka jong ki Ephraim bad Gilead.

JOSHUA 24:33

U Eleasar u khun jong u Aaron u la ïap, bad la tep ha Gibeah, ka shnong ha ka ri lum Ephraim ïa kaba la ai ha u khun jong u, u Phinehas.

NONGBISHAR 2:9

La tep ïa u ha ka ri kynti jong u hi ha Timnath Serah ha ka ri lum Ephraim kaba shaphang shatei jong u Lum Gaash.

NONGBISHAR 7:24

U Gideon u la phah ïa ki nonglamktien sha ka ri lum Ephraim baroh ban ong, “Ale wan hiar ban ïaleh ïa ki Midian. Ïeng skhem ha ka wah Jordan bad ha ki wahduid haduh Bethbarah, ban khang ïa ki Midian na kaba jam ïa ki sha shiliang.” Ki rangbah Ephraim ki la ïalumlang, bad ki la ïeng skhem ha ka wah Jordan bad ha kita ki wahduid haduh Bethbarah.

NONGBISHAR 9:55

Haba ki Israel ki ïohi ba u Abimelekh u la ïap, baroh ki leit phai noh sha ïing.

1 SAMUEL 24:6

bad u ong ha la ki rangbah, “To U Trai un bat ïa nga na kaba pynmynsaw ïa u kynrad jong nga, ïa uba U Trai u la jied kum u syiem! Ngam dei ban pynmynsaw ïa u, naba u dei u syiem ba la jied da U Trai!”

1 SAMUEL 26:9

Hynrei u Dabid u ong, “Phim dei ban pynmynsaw ïa u. U Trai un pynshitom shisha ïa uta uba pynmynsaw ïa u syiem ba la jied jong u.