2 SAMUEL 20:13 - Khasi CL Bible (BSI)

¹³ Hadien ba la pynkynriah ïa ka metïap na lynti, uwei pa uwei u la bud ïa u Joab ban leit thwet ïa u Sheba.

KA BAIBL

¹³ Haba la pynkynriah noh ïa u na kata ka lynti bah, ki rangbah baroh ki la leit bud ïa u Joab, ïa ka ban beh nadien u Sheba u khun u Bikhri.

2 SAMUEL 20:13 ပူးပေါင်းရင်းမြစ်များ

2 SAMUEL 20:1

Ka leit jia ryngkhat ba don ha Gilgal, uwei u riewkai uba kyrteng u Sheba, u khun jong u Bikri, uba na ka jait Benjamin. U put ïa ka turoi bad u pyrta, “Weng ïa u Dabid! Ngin ym bud ïa u! Ïa noh sha ïing, ko Israel!”

2 SAMUEL 20:11

Uwei na ki rangbah jong u Joab u la ïeng harud ka metïap jong u Amasa bad u pyrta, “Uno uno uba ha ka liang jong u Joab bad u Dabid, to un bud ïa u Joab!”

2 SAMUEL 20:14

U Sheba u la leit lyngba ïa ka jaka jong ki jait Israel baroh bad u la wan poi ha ka nongbah Abel Beth Maakah, bad baroh ki dkhot jong ka kur Bikri ki la ïalumlang bad bud ïa u sha ka nongbah.

2 SYIEM 18:17

U patsha ka Assyria u phah ïa ka kynhun shipai kaba bun na Lakhish ban tur ïaleh ïa u Hesekaïah ha Jerusalem; hapoh ka jingai hukum ki lai ngut ki rangbah synshar ba-halor tam. Haba ki wan poi ha Jerusalem, ki pyndap ïa ka surok ha kaba ki nongthain jaiñ ki trei, hajan ka nur-um kaba wan tuid um na ka pung ba haneng.

PROBERB 16:17

Kito kiba bha ki ïaid na ka lynti kaba lait na kaba sniew; te khmih shano ba phi leit — ka lah ban pyllait ïa ka jingim jong phi.

ISAÏAH 36:2

Te u la hukum ïa u rangbah synshar jong u, uba ha khlieh ban leit na Lakhish sha Jerusalem lem bad ka kynhun shipai kaba khraw ban dawa ba u syiem Hesekaïah u dei ban pyndem. U rangbah synshar u ïeng ha ka surok ha kaba ki nongthain jaiñ ki treikam, harud ka nur kaba wanrah um na ka pung kaba haneng.

ISAÏAH 62:10

Ko ki paid ka Jerusalem, leit shabar ka nongbah bad shna ka lynti na ka bynta u paidlang u ban wan phai! Pynkhreh ïa ka lynti bah; da pynkhuid ïa ki maw kiba don ha ka! To sieh ïa ka lama, khnang ba ki jaitbynriew kin tip.

ISAÏAH 7:3

U Trai u ong ha u Isaïah, “To shim ïa u Shear Jashub u khun jong me, bad khie leit ban ïakynduh ïa u Syiem Ahas. Men shem ïa u ha ka lynti ha kaba ki nongthain jaiñ ki treikam, ha kaba kut ka nala kaba wallam um na ka pung kaba haneng.

JEREMAÏAH 31:21

To pynïeng ki jingkdew lynti bad pruid dak ha ka surok; to wad biang ïa ka lynti kaba phi la iehnoh. To wan phai biang, ko phi ki paid Israel, to wan sha la ka ri, sha ki shnong kiba phi la iehnoh.

JINGKHEIÑ 20:19

Ki paid Israel ki ong, “Ngin ïaid beit na lynti bah, bad lada ma ngi lane ki jingri jong ngi, ngi dih ïa ka um jong phi, ngin da siewdor ïa ka — baroh kaba ngi kwah ka long ban shu ïaid lyngba.”

MARKOS 10:46

Ki la wan sha Jerikho, bad katba U Jisu u sdang ban mihnoh ryngkat bad ki synran jong u bad u paidbah babun, u nongkhrong uba matlah uba kyrteng u Bartimaïos, u khun jong u Timaïos, u dang shong harud lynti.

NONGBISHAR 21:19

Nangta ki ïa-pyrkhat, “Ka Jingkhawai Niam kaba shisien shisnem ha U Trai ha Shiloh shen ka la wan poi.” (Ka Shiloh ka don shatei na Bethel, shathie na Lebonah, bad sha mihngi na ka lynti bah hapdeng ka Bethel bad ka Shekhem.)

1 SAMUEL 6:12

Kita ki masi kynthei ki leit beit beit shaphang Beth Shemesh, bad khlem da phai na ka lynti ba ki leit, ki da pah artat katba ki dang leit. Ki san ngut ki syiem Philistia ki bud nadien jong ki haduh u pud jong ka Beth Shemesh.