2 SAMUEL 20:1 - Khasi CL Bible (BSI)

¹ Ka leit jia ryngkhat ba don ha Gilgal, uwei u riewkai uba kyrteng u Sheba, u khun jong u Bikri, uba na ka jait Benjamin. U put ïa ka turoi bad u pyrta, “Weng ïa u Dabid! Ngin ym bud ïa u! Ïa noh sha ïing, ko Israel!”

KA BAIBL

¹ Te la jia ba la don hangta u briew u Belial uba kyrteng “u Sheba”, u khun u Bikhri, u kynja Benjamin: une te u la put ïa ka ronsing, bad u la ong, “Ngi ngim don ka bynta ha u Dabid, lymne ngim don ka bynta ba hap ha u khun u Jesse: to uwei uwei baroh sha la ki ïingjaiñ, ko Israel.”

2 SAMUEL 20:1 ပူးပေါင်းရင်းမြစ်များ

JENESIS 46:21

Ki khun shynrang jong u Benjamin ki long u Bela, u Bekher, u Ashbel, u Gera, u Naaman, u Ehi, u Rosh, u Muppim, u Huppim, bad u Ard.

2 SAMUEL 15:10

Hynrei u la phah ïa ki nonglamktien sha ki jait Israel baroh ban ong, “Haba phi ïohsngew ïa ka jingsawa ki turoi, pyrta jam, ‘U Absalom u la long syiem ha Hebron!’ ”

2 SAMUEL 16:11

Bad u Dabid u ong ha u Abishai bad ha ki rangbah synshar jong u baroh, “U khun jong nga hi u pyrshang ban pynïap ïa nga, te balei phin lyngngoh ïa une u nong Benjamin? U Trai u la ong ïa u ban tim; kumta wat pynwit ïa u, ai un leh ïa ka.

2 SAMUEL 16:7

U Shimei u la tim ïa u bad u ong, “Phet noh! Phet noh! Me u nongpynïap briew! Me u nongkamsniew!

2 SAMUEL 18:17

Ki la shim ïa ka met jong u Absalom, ki la bret ïa ka ha ka thliew bajylliew hapoh ka khlaw, bad ki la tep ïa ka da ka kynton maw kaba khraw. Baroh ki Israel ki phet krad sha la shnong.

2 SAMUEL 20:2

Kumta ki Israel ki la iehnoh ïa u Dabid bad ki la leit bad u Sheba; hynrei ki rangbah Judah ki la ïaineh bad ki bud ïa u Dabid na Jordan sha Jerusalem.

2 SAMUEL 20:22

Nangta ka leit sha ki briew jong ka nongbah lem bad ka jingthmu jong ka, bad ki la khrai ïa ka khlieh jong u Sheba bad bret ïa ka sha u Joab nalor ka kynroh. U la put ïa ka turoi kum ka dak ïa ki rangbah jong u ban iehnoh ïa ka nongbah, bad ki leit phai noh sha ïing. Bad u Joab u la leit phai noh sha Jerusalem sha u syiem.

2 SAMUEL 23:6

Hynrei ki briew ki bymriewblei ki long kum ki shiah ba la bret sharud; ym don ba lah ban ktah ïa ki da ki kti suda.

1 SYIEM 12:16

Haba ki paidbah ki la ïohi ba u syiem um shahshkor ïa ki, ki la pyrta, “Long ba la ñiewbeiñ ïa u Dabid bad ka longïing jong u! Ki la leh aïu na ka bynta jong ngi? Ko ki rangbah Israel, ïa ngin leit noh sha ïing! To ai ba u Rehoboam un khmih hi ïa lade!”

1 SYIEM 21:10

Pynshong ar ngut ki riewrunar ban mudui pyrshah ïa u, ba u la tim ïa U Blei bad ïa u syiem jong u. Nangta sei ïa u shabar ka nongbah bad lynthem maw ïa u haduh ba un da ïap.”

2 KHRONIKL 10:16

Haba kita ki briew ki ïohi ba u syiem um shahshkor ïa ki, ki pyrta jam, “Keiñ noh ïa u Dabid bad ka longïing jong u! Ki la leh aïu na ka bynta jong ngi? Ko ki rangbah Israel, ïa ngin ïaleit noh sha la ïing! Ai ba u Rehoboam un khmih hi na ka bynta ïa lade.” Kumta ki paid Israel ki ïaleh pyrshah,

2 KHRONIKL 10:6

U syiem Rehoboam u ïasyllok bad ki riewrangbah kiba la shakri ïa u Solomon u kpa jong u kum ki nongaibuit. “Kaei ka jubab ba phin ai jingmut ïa nga ba ngan ai ha kine ki briew?” u kylli.

SALM 17:13

To wan, A Trai! To ïaleh pyrshah ïa ki nongshun jong nga bad to jop ïa ki! To pyllait im ïa nga na ki bymman da ka waitlam jong me;

SALM 34:19

U briew uba bha u mad bun ki jingjynjar, hynrei U Trai u pyllait im ïa u na ki baroh.

PROBERB 25:8

Wat kyrkieh eh ban leit sha ïingbishar halor kaei kaei kaba phi ïohi. Lada uwei pat u nongsakhi hadien u pynshisha ba phi la bakla, kaei nangta phin leh?

PROBERB 26:21

U rnga u pynrhem ïa ka ding, ka diengïap ka pynmeh ïa ka, u nongthaw jingkulmar u pynshit ïa ki jingïamai.

MARKOS 3:24

Lada ka ri ka phiah ïa lade ha ki kynhun kiba ïaleh pyrshah para ma ki, kata ka ri kan kyllon noh.

LOUKAS 19:14

Mynta, ki para ri jong u ki la isih ïa u, bad kumta ki la phah ïa ki nonglamktien hadien jong u ban ong, ‘Ngim kwah ïa une u briew ban long u syiem jong ngi.’

LOUKAS 19:27

Mynta, ïa kito ki nongshun jong nga ki bym kwah ïa nga ban long u syiem jong ki, to wallam ïa ki hangne bad pynïap ïa ki ha khmat jong nga!’ ”

ÏOANNIS 13:8

U Petros u la pynbna, “Da lei lei ha kano kano ka por men ym ïoh ban sait ïa ki kjat jong nga.” “Lada ngam ïoh ban sait ïa ki kjat jong me,” U Jisu u la jubab, “men ym ïoh long shuh u synran jong nga.”

DEUTERONOMI 13:13

ba don ki riewbymman napdeng jong phi kiba la ïalam bakla ïa la ki para shnong para thaw ban mane ïa ki blei kiba phim ju mane mynno mynno.

NONGBISHAR 19:22

Katba ki dang pynsngewbha ïa lade kumta, kynsan kynsan la don ki riewthala na kata ka shnong ki kerkut ïa kata ka ïing, ki da tied tyngeh ïa ka jingkhang. Ki ong ha uta u tymmen, “Sei shabar ïa uto u briew uba rung ha ïing jong phi! Ngin ïathiah shongkha bad u!”

NONGBISHAR 3:27

Haba u poi hangta ha ka ri lum ki Ephraim, u la put ïa ka turoi ban khot ïa ki paid Israel sha ka thma; nangta u la ïalam ïa ki arsut na ki lumrit.

RUTH 2:3

Kumta ka Ruth ka leit sha ki lyngkha bad ka ïaid nadien jong ki nongot, ka da tam ïa u kew uba ki ieh. Ka leit jia ryngkhat ba ka don ha ka lyngkha kaba dei ka jong u Boas.

1 SAMUEL 13:2

u jied lai hajar ngut ki rangbah; u bat ar hajar ngut na ki bad u ha Mikhmash bad ha ka ri lum jong ka Bethel bad u phah shihajar ngut bad u Jonathan u khun jong u sha Gibeah, ha ka thain Benjamin. Ïa kiba sah pat u phah noh sha la ïing.

1 SAMUEL 2:12

Ki khun shynrang u Eli ki dei ki riewbymman. Kim ju shahshkor ïa U Trai

1 SAMUEL 30:22

Hynrei don napdeng kita kiba la leit ryngkat bad u Dabid, ki bymman bad ki riewkai, kiba ong, “Kine kim shym la leit ryngkat bad ngi, bad kumta ngim dei ban ai bynta ei ei ïa ki na ka jinglute. Ki lah ban shim tang ïa la ki tnga bad ïa la ki khun ki kti, bad ai kin leit noh.”