2 SAMUEL 2:6 - Khasi CL Bible (BSI)

⁶ Bad mynta pat, to U Trai un lehsbun bad ïaineh skhem bad phi. Nga ruh ngan lehbha ïa phi namar kaei kaba phi la leh.

KA BAIBL

⁶ To U Trai te un leh isynei bad ka jingshisha ruh ïa phi: bad ma nga ruh ngan ai nong ïa phi namar kane ka jinglehbha, namar ba phi la leh ïa kane ka jingleh.

2 SAMUEL 2:6 ပူးပေါင်းရင်းမြစ်များ

2 SAMUEL 10:2

U Syiem Dabid u ong, “Nga dei ban pyn-i ïa ka jingneh ka jingïalong paralok ïa u Hanun, kumba u Nahash, u kpa jong u, u la leh ïa nga.” Kumta u Dabid u phah ki nonglamktien ban pynpaw ïa ka jingsngewlem jong u. Haba ki la poi ha Ammon,

2 SAMUEL 15:20

Phi la sah hangne tang khyndiat por, kumta balei ngan pynlong ïa phi ban ïaid sakma kylleng bad nga? Ngam tip shano ngan leit. Khie leit phai noh bad ïalam bad phi ïa la ki jong ki briew — bad to U Trai un lehsbun bad ïaineh bad phi.”

2 SAMUEL 2:7

To long kiba khlaiñ bad kiba shlur! U Saul, u syiem jong phi u la ïap, bad ki paid Judah ki la pynsleh ïa nga kum u syiem jong ki.”

2 SAMUEL 9:3

U syiem u kylli ïa u, “Don mano mano ba dang sah na ka longïing u Saul ïa uba nga lah ban pyn-i ka jingïaineh bad ka jingbhasbun ïa u, kumba nga la kular ha U Blei ba ngan leh?” U Siba u jubab, “Don sa tang uwei na ki khun shynrang jong u Jonathan. U dei uba dkoh.”

2 SAMUEL 9:7

“Wat sheptieng,” u Dabid u jubab. “Ngan lehbha ïa phi na ka bynta u Jonathan, u kpa jong phi. Ngan ai pat ha phi ïa ka khyndew ka shyiap baroh kaba dei ka jong u Saul, u kparad jong phi, bad phin long uba la pdiang sngewbha borabor ha ka miej bam jong nga.”

SALM 57:3

Un jubab na bneng bad pynim ïa nga; un jop ïa kiba pynshitom beiñ ïa nga. U Blei un pyn-i ha nga ïa ka jingieit baneh jong u bad jingïaineh jong u.

EKSODOS 34:6

U Trai u ïaid na khmat jong u, bad u pynbna, “Ma nga, U Trai, nga long U Blei uba dap da ka jinglehsbun bad jinglehisynei, uba suki ban bitar bad uba pyn-i ïa ka jingieit bakhraw bad ïa ka jingïaineh skhem.

PROBERB 14:22

Phin ïoh ïa ka jingshaniah bad jingñiewkor na kiwei lada phi trei na ka bynta kaba bha; lada phi trei na ka bynta kaba sniew, phi leh ïa kaba bakla.

MATHAÏOS 10:16

“To shahshkor! nga phah noh ïa phi kum ki langbrot sha ka kynhun ki suri. Phi dei ban phikir kum ki bseiñ bad kiba jemnud kum ki paro.

MATHAÏOS 5:44

Hynrei mynta nga ong ha phi: ieit ïa ki nongshun jong phi bad duwai na ka bynta kito kiba pynshitom beiñ ïa phi,

MATHAÏOS 5:7

Suk kito kiba isynei ïa kiwei pat; U Blei un isynei ïa ki!

JOSHUA 2:14

Ki rangbah ki ong ha ka, “Ai ba U Blei un shim noh ïa ka jingim jong ngi lada ngim leh kumba ngi kular! Lada phim ïathuh hano hano ïa kaei kaba ngi la leh, ngi kular ïa phi ba ynda U Trai u ai ha ngi ïa kane ka ri, ngin lehbha shisha ïa phi.”

RUTH 1:8

“Khie leit phai noh sha ïing bad sah bad la ki kmie. Ai ba U Trai un lehbha ïa phi kumba phi la leh ïa nga bad ïa kito kiba la ïap.