2 SAMUEL 2:14 - Khasi CL Bible (BSI)

¹⁴ U Abner u ong ha u Joab, “To ngin shah katto katne na ki samla shynrang na kawei kawei ka liang ban ïakhun ïa ka jingïakob da kaba pyndonkam ïa ki atiar.” “Ka biang,” u Joab u jubab.

KA BAIBL

¹⁴ Te u Abner u la ong ha u Joab, “To kine ki samla kin ïaïeng mynta, bad kin ïalehkai ha khmat jong ngi.” Bad u Joab u la ong, “To kin ïaïeng.”

2 SAMUEL 2:14 ပူးပေါင်းရင်းမြစ်များ

2 SAMUEL 2:15

Kumta khat-ar ngut ki rangbah, ki mihkhmat ïa u Ishbosheth, bad ïa ka jait Benjamin, ki ïakhun ïa ki khat-ar ngut ki rangbah jong u Dabid.

2 SAMUEL 2:16

Uwei pa uwei u briew u kynrup na ka khlieh ïa uba ïaleh pyrshah ïa u bad u pynngam ïa la ka waitlam ha ka krung jong u nongïaleh pyrshah, ba kumta baroh arphew saw ngut ki la kyllon ïap lang. Bad kumta, ïa kata ka jaka ha Gibeon la khot “Ka Lyngkha jong ki Waitlam.”

2 SAMUEL 2:17

Nangta la khie ka thma kaba shyrkhei, bad u Abner bad ki Israel ki la shahjop ha ki rangbah jong u Dabid.

2 SYIEM 14:8

Nangta u Amasaïah u phah ïa ki nonglamktien sha u Jehoash u syiem ka Israel, u kob ïa u ban ïaleh.

PROBERB 10:23

Ka long kaba bieit ban sngewtynnat haba leh bymdei. Ki briew kiba stad ki sngewbha ha ka jingstad.

PROBERB 17:14

Ka jingsdang ïa ka jingïakajia ka long kum ka jingbthei banyngkong jong ka den-um; pynsangeh ïa ka ha shuwa ba kan ïaid sha khmat.

PROBERB 20:18

Pynïoh ïa ka jingai jingmut kaba bha bad phin ïoh jingjop; wat leit tur thma khlem da don ka dur pynkhreh.

PROBERB 25:8

Wat kyrkieh eh ban leit sha ïingbishar halor kaei kaei kaba phi ïohi. Lada uwei pat u nongsakhi hadien u pynshisha ba phi la bakla, kaei nangta phin leh?