2 SAMUEL 2:13 - Khasi CL Bible (BSI)

¹³ U Joab, u khun jong ka Seruïah, bad kiwei pat ki rangbah synshar jong u Dabid ki la ïakynduh ïa ki ha ka pung, ha kaba baroh ki la ïashong, kawei ka kynhun ha kawei ka liang jong ka pung bad kawei pat ka kynhun ha kawei ka liang.

KA BAIBL

¹³ Bad u Joab u khun ka Seruïah, bad ki shakri u Dabid, ki la ïamih noh, bad ki la ïashem ïa ki hajan ka pung Gibeon; bad ki la ïashong, kine sha kane ka liang ka pung, bad kita sha kawei pat ka liang ka pung.

2 SAMUEL 2:13 ပူးပေါင်းရင်းမြစ်များ

2 SAMUEL 2:18

Ki lai ngut ki khun shynrang jong ka Seruïah ki la don hangta: u Joab, u Abishai, bad u Asahel. U Asahel, uba lah ban mareh stet kum ka skei khlaw,

2 SAMUEL 20:23

U Joab u long u rangbah ai hukum jong ka kynhun shipai Israel; u Benaïah, u khun jong u Jehoïada u khmih ïa ka kynhun ïada ïa u Dabid;

2 SAMUEL 20:8

Haba ki la poi ha u mawsiang bah ha Gibeon, u Amasa u la ïakynduh ïa ki. U Joab u la phong ka jaiñ ïaleh thma, bad ka waitlam hapoh ka jingsop jong ka ïa kaba la teh pynskhem ha u panpoh jong u. Katba u wan sha khmat ka waitlam ka la hap.

2 SAMUEL 23:24

Kiwei pat ki dkhot jong ki “Laiphew Ngut” ki kynthup ïa: U Asahel, u para jong u Joab U Elhanan, u khun jong u Dodo na Bethlehem U Shammah bad u Elika na Harod U Heles na Pelet U Ira, u khun jong u Ikkesh na Tekoa U Abieser na Anathoth U Mebunnai na Hushah U Salmon na Ahoh U Maharai na Netophah U Heleb, u khun jong u Baanah na Netophah U Ittai, u khun jong U Ribai na Gibeah kaba ha Benjamin U Benaïah na Pirathon U Hiddai na ki them kiba hajan Gaash U Abialbon na Arabah U Asmabeth na Bahurim U Elaïahba na Shaalbon Ki khun shynrang jong u Jashen U Jonathan U Shammah na Harar U Ahiam, u khun jong u Sharar na Harar U Eliphelet, u khun jong u Ahasbai na Maakah U Eliam, u khun jong u Ahithophel na Gilo U Hesro na Karmel U Paarai na Arab U Igal, u khun jong u Nathan na Sobah U Bani na Gad U Selek na Ammon U Naharai na Beeroth, u nongrah atiar jong u Joab U Ira bad u Gareb na Jattir U Uriah u jait Hit. Baroh ki long laiphew hynñiew ngut ki shipai bapawnam.

2 SAMUEL 8:16

U Joab, u khun ka Seruïah, u long u rangbah ai hukum jong ka kynhun shipai; u Jehoshaphat, u khun jong u Ahilud u long uba khmih sumar ïa ki dulir;

1 SYIEM 1:7

U la ïakren bad u Joab (uba ka kmie jong u ka dei ka Seruïah) bad u Abiathar u lyngdoh, bad ki la ïamynjur ban kyrshan ïa ka jingthmu jong u.

1 SYIEM 2:5

“Ka dang don shuh sa kawei pat. Me kynmaw ïa kaei kaba u Joab u la leh ïa nga da kaba pynïap ïa ki ar ngut ki rangbah ai hukum jong ki shipai Israel — u Abner, u khun jong u Ner bad u Amasa, u khun jong u Jether. Me kynmaw kumno u la pynïap ïa ki ha ka por suk pyrthei kum ka jingpynhiarkput ïa ka jingpynïap kaba ki la leh ha ka por thma. U la pynïap ïa ki rangbah balui lui, bad mynta nga bah ka jingkitkhlieh ïa kaei kaba u la leh, bad nga la shah jynjar na ka bynta kata.

1 KHRONIKL 11:6

U Dabid u ong, “U briew uba nyngkong ban pynïap ïa u nong Jebus un long u rangbah ai hukum jong ka kynhun shipai!” U Joab uba ka kmie jong u ka dei ka Seruïah, u ïalam ban tur ïaleh bad u la long u rangbah ai hukum.

1 KHRONIKL 2:16

U don ruh ar ngut ki khun kynthei, ka Seruïah, bad ka Abigail. Ka Seruïah ka khun jong u Jesse ka don lai ngut ki khun shynrang: u Abishai, u Joab, bad u Asahel.

JEREMAÏAH 41:12

Kumta ki la leit nadien jong u ryngkat bad ki briew jong ki bad lap ïa u hajan ka pung kaba heh ha Gibeon.

1 SAMUEL 26:6

Nangta u Dabid u kylli ïa u Ahimelekh u nong Hit bad ïa u Abishai u para u Joab, (ka kmie jong ki ka dei ka Seruïah), “Mano napdeng jong phi ar ngut ban leit bad nga sha ka jaka shong dara u Saul?” “Ma nga,” u Abishai u jubab.