2 SAMUEL 2:1 - Khasi CL Bible (BSI)

¹ Hadien kane, u Dabid u kylli na U Trai, “Hato ngan leit bad shimti noh ïa kawei na ki nongrit jong ka Judah?” “Ho-oid,” U Trai u jubab. “Ïa kano?” U Dabid u kylli. “Ka Hebron” U Trai u ong.

KA BAIBL

¹ Hadien kane te, u Dabid u la kylli na U Trai, u da ong, “Ngan leit kiew ne em sha kano kano na ki nongbah Judah?” Bad U Trai u la ïathuh ha u, “To leit kiew.” Te u Dabid u la kylli, “Shano ngan leit kiew?” U te U la ïathuh, “Sha Hebron.”

2 SAMUEL 2:1 ပူးပေါင်းရင်းမြစ်များ

JENESIS 13:18

Kumta u Abram u kynriah noh ïa la ka dara, bad u wan shong wan sah hajan ki dieng kyntang jong u Mamre ha Hebron, bad hangta u tei ka duwan ha U Trai.

JENESIS 32:2

Haba u la ïohi ïa ki, u ong, “Kane ka dei ka jaka sher dara jong U Blei”; kumta u la khot kyrteng ïa kata ka jaka ka Mahanaim.

2 SAMUEL 15:7

Hadien saw snem, u Absalom u ong ha u syiem Dabid, “Kynrad, shah ngan leit sha Hebron ban pyndep ïa la ka kular ba nga la ai ha U Trai.

2 SAMUEL 2:11

bad u la synshar ha Hebron halor ka Judah hynñiew snem shiteng.

2 SAMUEL 5:19

U Dabid u kylli na U Trai, “Hato ngan tur ïaleh ïa ki Philistia? Hato men ai ha nga ïa ka jingjop?” “Ho-oid, khie tur ïaleh!” U Trai u la jubab. “Ngan ai ha me ka jingjop!”

2 SAMUEL 5:23

Sa shisien u Dabid u kylli na U Trai, uba jubab, “Wat tur ïaleh ïa ki nangne, hynrei leit sawdong bad pynkhreh ban tur ïaleh ïa ki na kawei ka liang, najan ki dieng Balsam.

1 SYIEM 2:11

U la long u syiem ka Israel sawphew snem, u da synshar hynñiew snem ha Hebron bad laiphew lai snem ha Jerusalem.

1 KHRONIKL 29:7

ïa kine harum na ka bynta ka jingtrei ha ka Templ: Palat ban ïa ka shispah hynñiewphew ton ka ksiar, palat ïa ka laispah sawphew ton ka rupa, bad la jan hynriewspah arphew ton ka rnong, bad palat ban ïa ka lai hajar sawspah ton ka nar.

SALM 143:8

To pynkynmaw ïa nga man la ka step ïa ka jingieit baneh jong me, naba nga buh ïa la ka jingshaniah ha me. Ki jingduwai jong nga ki kiew sha me; to pyn-i ïa nga ïa ka lynti ba nga dei ban leit.

SALM 27:4

Nga la pan na U Trai ïa kawei; tang kawei hi nga kwah: ban shong ha ka ïing U Trai baroh shi rta, ban sngewphylla hangta ïa ka jingbha jong u, bad ban kyrpad ïa ka jingïalam jong u.

ESEKIEL 36:37

U Trai Nongsynshar u ong, “Sa shisien pat ngan shah ïa ki Israel ba kin pan jingïarap na nga bad ngan shah ïa ki ba kin roi ha ka jingbun briew kum ka kynhun langbrot.

JINGKHEIÑ 13:22

Nyngkong ki la leit sha ka bynta kaba shathie jong kata ka ri bad ki poi haduh Hebron, ha kaba shong ba sah ki kur ki jait u Ahiman, u Sheshai, bad u Talmai, kiba hiarpateng na kawei ka jait ki ramhah ïa kaba la khot Anakim. (Ïa ka Hebron la tei hynñiew snem shuwa ïa ka Soan ha Ijipt.)

JINGKHEIÑ 27:21

Un hap shaniah ha u Eleasar u lyngdoh, ban wad ïa ka mon jong nga da kaba pyndonkam ïa u Urim bad u Thummim. Da kumne u Eleasar un kdew ïa u Joshua bad u paid Israel ha ki kam jong ki baroh.”

JOSHUA 15:13

Kumba U Trai u la hukum ïa u Joshua, la ai shi bynta na ka jaka jong ka Judah ha u Kaleb u khun jong u Jephunneh, na ka jait Judah. U la ïohpdiang ïa ka Hebron, ka nongbah kaba dei jong u Arba, u kpa jong u Anak.

NONGBISHAR 1:1

Hadien ka jingïap u Joshua, ki paid Israel ki kylli ïa U Trai, “Mano na ki jait jong ngi kaba dei ban leit nyngkong ban tur ïaleh ïa ki Kanaan?”

1 SAMUEL 10:22

ki kylli na U Trai, “Dang don shuh mano mano?” U Trai u jubab, “u Saul u don hangtai, u rieh ha lyndet ki jingkit.”

1 SAMUEL 23:2

Kumta u kylli na U Trai, “Hato ngan leit bad tur ïaleh ïa ki Philistia?” “Ho-oid” U Trai u jubab. “Tur ïaleh ïa ki bad pyllait im ïa ka Keilah.”

1 SAMUEL 23:4

Kumta u Dabid u kylli sa shisien na U Trai, bad U Trai u ong ha u, “Khie leit bad tur ïaleh ïa ka Keilah, namar ngan ai ha me ka jingjop halor ki Philistia.”

1 SAMUEL 30:31

U la phah ïa ka sha ki jaka baroh ha kiba ma u bad ki briew jong ki la ju ïaid.