2 SAMUEL 19:9 - Khasi CL Bible (BSI)

⁹ Ha kylleng ka ri ki la sdang ban ïakajia para ma ki. “U syiem Dabid u la pyllait im ïa ngi na ki nongshun jong ngi,” ki ïa-ong uwei ïa uwei pat. “U la pyllait im ïa ngi na ki Philistia; hynrei mynta pat u la phet krad na u Absalom bad u la iehnoh ïa ka ri.

KA BAIBL

⁹ Bad ki paidbah baroh ki la ïa-pyneh bad ki jaid Israel baroh, ki ïa-ong, “U syiem u la pyllait ïa ngi na ka kti ki nongshun jong ngi, bad u la pynim ïa ngi na ka kti ki Philistia; mynta te, u la phet na ka ri na u Absalom.

2 SAMUEL 19:9 ပူးပေါင်းရင်းမြစ်များ

2 SAMUEL 15:14

Kumta u Dabid u ong ha ki rangbah synshar jong u baroh kiba don bad u ha Jerusalem, “Ngi dei ban ïaphet noh shisyndon lada ngi kwah ban lait na u Absalom! Pynkloi! Ïoh ba un poi shen hangne bad jop ïa ngi bad pynïap ïa uwei pa uwei ha ka nongbah!”

2 SAMUEL 18:17

Ki la shim ïa ka met jong u Absalom, ki la bret ïa ka ha ka thliew bajylliew hapoh ka khlaw, bad ki la tep ïa ka da ka kynton maw kaba khraw. Baroh ki Israel ki phet krad sha la shnong.

2 SAMUEL 19:10

Ngi la pynsleh ïa u Absalom kum u syiem jong ngi, hynrei u la shah pynïap ha ka thma. Kumta, balei ym don mano mano ba pyrshang ban wallam biang ïa u syiem Dabid?”

2 SAMUEL 19:40

Haba u syiem u la lah jam sha shiliang, ïa kaba la synran da baroh ki rangbah ka Judah bad shiteng na ki paid Israel, u la leit beit sha Gilgal, bad u Shimham u la leit bad u.

2 SAMUEL 22:44

Me la pyllait im ïa nga na ki briew jong nga kiba ïaleh pyrshah bad me la pynneh ïa ka jingsynshar jong nga halor ki jaitbynriew; ki briew kiba ngam ju ithuh ki la long mynta ki raïot jong nga.

2 SAMUEL 5:20

Kumta u Dabid u leit sha Baal Perasim bad hangta u la jop ïa ki Philistia. U ong, “U Trai u la sar naphang lin ïa ki nongshun jong nga kum ka jingshlei um.” Bad kumta ïa kata ka jaka la khot Baal Perasim.

SALM 18:43

Me la pyllait im ïa nga na ka kynhun bynriew kaba ïaleh pyrshah, bad me pynlong ïa nga u nongsynshar halor ki jaitbynriew; ki jaitbynriew kiba ngam ithuh ki la long mynta ki raïot jong nga.

EKSODOS 32:24

Nga la ong ïa ki ba kin wallam ha nga ïa la ki jingdeng ksiar, bad kito kiba don ki law ïa ki bad ki ai ïa ki ha nga. Nga bret ïa ki ha ka ding, bad wan mih da une u khun masi.”

1 SAMUEL 17:50

Bad kumta, khlem ka waitlam, u Dabid u jop bad u pynïap ïa u Goliath da ka jingshat maw bad da u maw!

1 SAMUEL 18:25

bad u Saul u hukum ïa ki ban ong ïa u Dabid, “Baroh kaba u syiem u kwah na phi kum ka dor jong ka nongleitkurim ka long shispah tylli ki doh otsher jong ki Philistia, kum ka jingpynhiarkput halor ki nongshun jong u.” (Kane ka long kumno u Saul u thmu khnang ba yn ïoh pynïap ïa u Dabid da ki Philistia.)

1 SAMUEL 19:5

U la kheiñduh ïa la ka jingim mynba u pynïap ïa u Goliath, bad U Trai u la pynïoh ïa ka jingjop kaba khraw na ka bynta ki Israel. Mynba phi ïohi ïa kata, phi la sngewkmen. Balei te mynta, phi kwah ban leh bymdei ïa u briew uba lui lui bad ban pynïap ïa u Dabid khlem kano kano ka daw?”