2 SAMUEL 19:43 - Khasi CL Bible (BSI)

⁴³ Ki Israel ki jubab, “Ngi don shiphew shah ki jingkam halor u syiem kumba phi, phi don, wat la u dei uwei na phi. Balei phi khmih beiñ ïa ngi? Wat klet ba ngi dei kiba nyngkong ban ïakren shaphang ka jingwallam pat ïa u syiem!” Hynrei ki rangbah ka Judah ki kham pyneh ha kaba pynpaw ïa ki jingkam jong ki ban ïa ki rangbah ka Israel.

KA BAIBL

⁴³ Bad ki rangbah Israel ki la ïathuh ha ki rangbah Judah, bad ki la ong, “Ngi, ngi don shiphew bynta ha u syiem, bad ngi don kham bun ruh ha u Dabid ban ïa phi: balei phi la ibeiñ te ïa ngi, ba ym shym la ïoh shuwa ïa ka jingpyrkhat jong ngi ha kaba wallam noh pat ïa u syiem jong ngi?” Te ki ktien ki rangbah Judah ki la kham eh ban ïa ki ktien ki rangbah Israel.

2 SAMUEL 19:43 ပူးပေါင်းရင်းမြစ်များ

2 SAMUEL 19:14

Ki kyntien jong u Dabid ki la pynïoh ïa ka jingshaniah tylli jong baroh ki rangbah ka Judah, bad ki la phah ktien sha u ban wan phai bad ki rangbah synshar jong u baroh.

2 SAMUEL 19:9

Ha kylleng ka ri ki la sdang ban ïakajia para ma ki. “U syiem Dabid u la pyllait im ïa ngi na ki nongshun jong ngi,” ki ïa-ong uwei ïa uwei pat. “U la pyllait im ïa ngi na ki Philistia; hynrei mynta pat u la phet krad na u Absalom bad u la iehnoh ïa ka ri.

2 SAMUEL 20:1

Ka leit jia ryngkhat ba don ha Gilgal, uwei u riewkai uba kyrteng u Sheba, u khun jong u Bikri, uba na ka jait Benjamin. U put ïa ka turoi bad u pyrta, “Weng ïa u Dabid! Ngin ym bud ïa u! Ïa noh sha ïing, ko Israel!”

2 SAMUEL 20:6

Kumta u syiem u ong ha u Abishai, “U Sheba un kham pynjynjar ïa ngi ban ïa u Absalom. Shim ïa ki rangbah jong nga bad leit thwet ïa u, lym kumta u lah ban leit shong shnong ha ki shnong ba la ker kynroh, bad lait phet na ngi.”

2 SAMUEL 5:1

Nangta baroh ki jait Israel ki la leit sha u Dabid ha Hebron bad ki ong ha u, “Ngi dei ki para doh para snam jong phi.

1 SYIEM 12:16

Haba ki paidbah ki la ïohi ba u syiem um shahshkor ïa ki, ki la pyrta, “Long ba la ñiewbeiñ ïa u Dabid bad ka longïing jong u! Ki la leh aïu na ka bynta jong ngi? Ko ki rangbah Israel, ïa ngin leit noh sha ïing! To ai ba u Rehoboam un khmih hi ïa lade!”

PROBERB 13:10

Kiba leh meng kim leh ei ei hynrei tang ban pynmih jingkulmar. Ka long kaba kham stad ban da pan ïa ka jingai jingmut.

PROBERB 15:1

Ka jubab kaba jem ka tem ïa ka jingbitar, hynrei kaba khor ka pynkhih bitar.

PROBERB 17:14

Ka jingsdang ïa ka jingïakajia ka long kum ka jingbthei banyngkong jong ka den-um; pynsangeh ïa ka ha shuwa ba kan ïaid sha khmat.

PROBERB 18:19

Ïarap ïa la u para bad un ïada ïa phi kum ka kynroh kaba khlaiñ jong ka nongbah, hynrei lada phi ïakajia bad u, un khang khyrdep ki jingkhang jong u ïa phi.

Ka Shithi U Paul Sha Ki Nong Rom 12:21

To wat ai ba ka jingsniew kan jop ïa phi; pynban, to jop ïa kaba sniew da kaba bha.

GALATIA 5:15

Hynrei lada phi leh kum ki mradkhlaw, phi pynmong bad pynmynsaw iwei ïa iwei pat, te sumar bha, ïoh phin ïa-pynjot noh khoit iwei ïa iwei.

GALATIA 5:20

ha ka jingmane bleithaw bad ka jingai ksuid. Ki briew ki kylla long nongshun bad ki ïashoh; ki ïa-bishni, bitar, bad ki kwah eh. Ki ïa-pait ha ki seng bad ki kynhun;

GALATIA 5:26

Ngim dei ban sngewsarong lane kiba pynbitar iwei ïa iwei pat lane bishni iwei ïa iwei pat.

PHILIPPI 2:3

Wat leh ei ei na ka jingkhwan myntoi lane na ka jingkwah bymmyntoi ban sngewsarong, hynrei, to long kiba sngewrit iwei ïa iwei pat, kiba ñiew borabor ïa kiwei kiba kham bha ban ïa lade.

JAKOB 1:20

Ka jingbitar u briew kam lah ban jop ïa ka jingthmu bahok jong U Blei.

NONGBISHAR 8:1

Nangta ki paid Ephraim ki ong ha u Gideon, “Balei phim shym khot ïa ngi haba phi la leit ban ïaleh ïa ki Midian? Balei phi leh kumne ïa ngi?” Ki la khñium tyngeh shaphang kane.

NONGBISHAR 9:23

Nangta U Blei u la pynlong ïa u Abimelekh bad ïa ki rangbah ka Shekhem ban ïashun iwei ïa iwei pat, bad ki la ïaleh pyrshah ïa u.