2 SAMUEL 19:27 - Khasi CL Bible (BSI)

²⁷ U la lamler shaphang jong nga ha phi ko Syiem kynrad; hynrei phi, phi long kum u angel U Blei, kumta leh ïa kaei kaba idei ïa phi.

KA BAIBL

²⁷ Bad u la kren siar sniew ïa la u shakri ha u syiem kynrad jong nga; hynrei, u syiem kynrad jong nga u long kum u angel U Blei: namar kata, to leh ïa kaba ibit ha khmat jong me.

2 SAMUEL 19:27 ပူးပေါင်းရင်းမြစ်များ

2 SAMUEL 14:17

Nga la ong ha lade ba ki kular jong phi, ko Kynrad, kin pynshngain ïa nga, namar ba u syiem u long kum u angel jong U Blei bad u lah ban pynïapher ïa kaba bha na kaba sniew. To U Trai U Blei jong phi un long lem bad phi!”

2 SAMUEL 14:20

Hynrei u la leh ïa ka khnang ban pynbeit ïa kane ka kam. U Syiem Kynrad u long uba stad kum u angel jong U Blei bad u tip ïa kaei kaei baroh kaba jia.”

2 SAMUEL 16:3

“Shaei u Mephibosheth u ksiew jong u Saul, u kynrad jong me?” u syiem u kylli ïa u. “U sah ha Jerusalem,” u Siba u la jubab, “namar ba u la sngewthikna ba ki Israel mynta kin pynïoh pat ha u ïa ka hima jong u Saul, u kparad jong u.”

2 SAMUEL 16:4

U syiem u ong ha u Siba, “Baroh kaba dei ka jong u Mephibosheth ka long ka jong me.” “Nga long u shakri jong phi,” u Siba u jubab. “Ai ba ngan ïai pynsngewbha ïa U Syiem Kynrad.”

2 SAMUEL 19:17

U la don bad u shihajar ngut ki rangbah na ka jait Benjamin. Bad u Siba ruh, u shakri jong ka longïing jong u Saul, u la wan lem bad ki khatsan ngut ki khun shynrang jong u bad arphew ngut ki shakri, bad ki la wan poi ha Jordan ha shuwa jong u syiem.

2 SAMUEL 9:13

Kumta u Mephibosheth, uba la dkoh ki kjat baroh ar tylli, u la shong la sah ha Jerusalem, u da bam ïa baroh ki jingbam jong u ha ka miej bam jong u syiem.

2 SAMUEL 9:3

U syiem u kylli ïa u, “Don mano mano ba dang sah na ka longïing u Saul ïa uba nga lah ban pyn-i ka jingïaineh bad ka jingbhasbun ïa u, kumba nga la kular ha U Blei ba ngan leh?” U Siba u jubab, “Don sa tang uwei na ki khun shynrang jong u Jonathan. U dei uba dkoh.”

SALM 101:5

Ngan kyntait ïa uno uno uba kren siar shaphang kiwei pat; ngan ym shah ïa u briew uba sarong bad uba leh meng.

SALM 15:3

bad ki bym pynbudnam ïa kiwei. Um leh kano kano kaba sniew ïa ki paralok jong u lymne uba pynphriang ki hamsaïa shaphang ki paramarjan jong u.

EKSODOS 20:16

“Wat sakhi lamler ïano ïano.

JEREMAÏAH 9:4

Uwei uwei baroh u dei ban da sumar bha pyrshah ïa u paralok jong u, bad ym don uno uno uba lah ban shaniah ïa u hynmen u para shynrang jong u; namar uwei pa uwei uba shi para u long uba dap da ka jingshukor kum u Jakob, bad uwei uwei u krenbeiñ ïa ki paralok jong u.

1 SAMUEL 29:9

“Nga mynjur,” u Akhish u jubab, “Nga ñiew ïa phi uba hok kum u angel U Blei. Hynrei kiwei pat ki syiem Philistia ki ong ba phim dei ban leit ryngkat bad ngi sha ka thma.