2 SAMUEL 19:24 - Khasi CL Bible (BSI)

²⁴ Nangta u Mephibosheth, u ksiew jong u Saul, u wan hiar ban ïakynduh ïa u syiem. Um shym la sait ïa la ki kjat, lane khi ïa la u 'ñiuhtmoh, lane sait ïa la ki jaiñ, naduh ka por ba u syiem u la iehnoh ïa ka Jerusalem haduh ba un da wan phai pat ha ka jingjop.

KA BAIBL

²⁴ Bad u Mephibosheth u khun u Saul ruh u la wan hiar ban tan ïa u syiem; te um shym la sum ïa la ki kjat, lymne shna ïa la ki tmain, lymne sait ïa la ki jaiñ, naduh kata ka sngi ba u la leit noh u syiem haduh ka sngi ba u la wan sha la ïing ha kaba suk.

2 SAMUEL 19:24 ပူးပေါင်းရင်းမြစ်များ

2 SAMUEL 12:20

Kumta u Dabid u khie joit na madan, u sum u sleh, u sad ïa la u shñiuh, bad u pli ïa la ki jaiñ. Nangta u la leit bad mane ha ka ïing U Trai. Haba u la wan phai sha ka ïingsyiem; u pan jingbam, bad u la bam ïa ka mar ïadep sam.

2 SAMUEL 15:30

Haba u Dabid u leit shalor u Lum ki Olib da kaba ïam; u ïaid da ka kjat suda bad u tap ïa la ka khlieh kum ka dak ka jingsngewsih. Baroh kiba bud ïa u ki la tap ïa la ki khlieh bad ki la ïam ruh.

2 SAMUEL 16:3

“Shaei u Mephibosheth u ksiew jong u Saul, u kynrad jong me?” u syiem u kylli ïa u. “U sah ha Jerusalem,” u Siba u la jubab, “namar ba u la sngewthikna ba ki Israel mynta kin pynïoh pat ha u ïa ka hima jong u Saul, u kparad jong u.”

2 SAMUEL 9:11

U Siba u jubab, “Ngan leh ïa kaei kaei baroh kaba ma phi Syiem Kynrad phi hukum.” Kumta u Mephibosheth u ïabam lang ha ka miej bam jong u syiem, kum uwei na ki khun shynrang jong u syiem.

1 SYIEM 2:8

“Don ruh u Shimei, u khun jong u Gera, na ka shnong Bahurim kaba ha Benjamin. U la tim tyngeh ïa nga ha ka sngi kaba nga leit sha Mahanaim, hynrei haba u la ïakynduh ïa nga ha ka wah Jordan, nga la ai ha u ka jingkular bakyntang ha ka kyrteng jong U Trai ba ngan ym shah ban pynïap ïa u.

EKSODOS 19:10

bad U Trai u ong ha u Moses, “Khie leit sha ki paidbah bad ong ïa ki ba kin pynkhuid ïa lade mynta ka sngi bad la shai ruh khnang ba ki lah ban mane.

ISAÏAH 15:2

Ki briew jong ka Dibon ki kiew ïa u lum ban ïam ha ka jaka mane blei. Ki briew jong ka Moab ki la ïam ha ka jingsngewsih ïa ki nongbah jong ka Nebo bad Medeba; ki la khi ïa la ki khlieh bad ïa u 'ñiuhtmoh ha ka jingsngewsih.

MATHAÏOS 6:16

“Bad haba phi shahjingit, wat leh 'mat sngewsih kumba ki riewarsap ki leh. Kim kheiñ ïa kaba paw shabar jong ki khnang ba baroh kin ïohi ba ki shahjingit. Nga pynthikna ïa phi, ki la ïoh lypa ïa ka jingsiew kaba pura.

Ka Shithi U Paul Sha Ki Nong Rom 12:15

To ïakmen bad kito kiba kmen, to ïa-ïam bad kito kiba ïam.

HEBRU 13:3

To kynmaw ïa kito kiba don ha ïingbyndi, la kumba phi don lang bad ki ha ïingbyndi. Kynmaw ïa kito kiba shahshitom, la kumba phi ruh phi shahshitom kum ma ki.