2 SAMUEL 19:21 - Khasi CL Bible (BSI)

²¹ U Abishai, u khun jong ka Seruïah u la kren, “Ïa u Shimei dei ban pynïap namar ba u la tim ïa uta uba U Trai u la jied kum u syiem.”

KA BAIBL

²¹ Hynrei, u Abishai u khun ka Seruïah u la ïathuh bad u la ong, “Namar kane pleng yn ym pynïap ïa u Shimei, haba u la tim ïa uba la sleh jong U Trai?”

2 SAMUEL 19:21 ပူးပေါင်းရင်းမြစ်များ

2 SAMUEL 16:13

Kumta u Dabid bad ki rangbah jong u ki bteng la ka jingïaid lynti. U Shimei u bud ïa ki, u da ïaid na ka sharing lum; u da tim bad kawang maw bad khyndew ha ki katba u dang ïaid.

2 SAMUEL 16:5

Haba u Syiem Dabid u la wan poi ha Bahurim, uwei na ki ba-ha-ïing jong u Saul, u Shimei, u khun jong u Gera, u la wan ïakynduh ïa u, u da tim ïa u katba u dang wan.

2 SAMUEL 16:9

U Abishai, uba ka kmie jong u, ka Seruïah, u ong ha u syiem, “Ko Syiem Kynrad, balei phi shah ïa une u ksew ban tim ïa phi? Shah ngan leit hangtai bad khrai ïa ka khlieh jong u!”

SALM 84:9

To kyrkhu ïa u syiem jong ngi, A Blei, u syiem ïa uba me la jied.

EKSODOS 22:28

“Wat kren sniew ïa U Blei, bad wat tim wat tla ïa u nongïalam jong ki briew jong phi.

SNGEWSYNEI 4:20

Ki la kurup ïa ka tynrai jong ka jingim jong ngi, ïa u syiem uba U Trai u la jied, uta uba ngi la shaniah ban ïada ïa ngi na uno uno u nonghiarthma.

1 SAMUEL 24:6

bad u ong ha la ki rangbah, “To U Trai un bat ïa nga na kaba pynmynsaw ïa u kynrad jong nga, ïa uba U Trai u la jied kum u syiem! Ngam dei ban pynmynsaw ïa u, naba u dei u syiem ba la jied da U Trai!”

1 SAMUEL 26:9

Hynrei u Dabid u ong, “Phim dei ban pynmynsaw ïa u. U Trai un pynshitom shisha ïa uta uba pynmynsaw ïa u syiem ba la jied jong u.